ಅಣ್ವಸ್ತ್ರ ಹೊತ್ತೊಯ್ಯಬಲ್ಲ ಅರಿದಮನ್ ಸೇನೆಗೆ
KannadaprabhaNewsNetwork |
Published : Apr 04, 2026, 01:45 AM IST
ಸಾರಾಂಶ
ಘಾತುಕ ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಹೊತ್ತ ಅಣು ಚಾಲಿತ ಸ್ವದೇಶಿ ಜಲಾಂತರ್ಗಾಮಿ ನೌಕೆ ಐಎನ್ಎಸ್ ಅರಿದಮನ್ ಶುಕ್ರವಾರ ಭಾರತೀಯ ನೌಕಾಪಡೆಗೆ ಸೇರ್ಪಡೆಗೊಂಡಿದೆ. ಈ ಮೂಲಕ, ಭಾರತದ ಎಸ್ಎಸ್ಬಿಎನ್ ಯೋಜನೆಯಡಿ ಅರಿಹಂತ್(2026), ಅರಿಘಾತ್(2024) ಬಳಿಕ ಸೇನೆ ಸೇರಿದ ಈ ಮಾದರಿಯ 3ನೇ ನೌಕೆಯೆನಿಸಿಕೊಂಡಿದೆ.
ಸೇನೆಗೆ ಈ ಮಾದರಿಯ 3ನೇ ನೌಕೆ
ನವದೆಹಲಿ: ಘಾತುಕ ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಹೊತ್ತ ಅಣು ಚಾಲಿತ ಸ್ವದೇಶಿ ಜಲಾಂತರ್ಗಾಮಿ ನೌಕೆ ಐಎನ್ಎಸ್ ಅರಿದಮನ್ ಶುಕ್ರವಾರ ಭಾರತೀಯ ನೌಕಾಪಡೆಗೆ ಸೇರ್ಪಡೆಗೊಂಡಿದೆ. ಈ ಮೂಲಕ, ಭಾರತದ ಎಸ್ಎಸ್ಬಿಎನ್ ಯೋಜನೆಯಡಿ ಅರಿಹಂತ್(2026), ಅರಿಘಾತ್(2024) ಬಳಿಕ ಸೇನೆ ಸೇರಿದ ಈ ಮಾದರಿಯ 3ನೇ ನೌಕೆಯೆನಿಸಿಕೊಂಡಿದೆ.
ಕೇರಳದ ನೌಕಾನೆಲೆಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಸಮ್ಮುಖದಲ್ಲಿ ಈ ಸೇರ್ಪಡೆ ಆಗಿದ್ದು, ‘ಅರಿದಮನ್ ಎಂಬುದು ಬರೀ ಪದವಲ್ಲ, ಶಕ್ತಿ’ ಎಂದು ಅವರು ಪೋಸ್ಟ್ ಮಾಡಿದ್ದಾರೆ. ನೌಕಾಪಡೆಯ ಭಾಗವಾಗುವುದಕ್ಕೂ ಮುನ್ನ ಈ ಜಲಾಂತರ್ಗಾಮಿ ನೌಕೆಯು ಸಮುದ್ರಲ್ಲಿ ಹಲವು ಪರೀಕ್ಷೆಗಳಿಗೆ ಒಳಪಟ್ಟಿತ್ತು.ಸದ್ಯ ಭಾರತ ಬಿಟ್ಟರೆ ಅಮೆರಿಕ, ರಷ್ಯಾ, ಬ್ರಿಟನ್, ಫ್ರಾನ್ಸ್, ಚೈನಾ ಬಳಿ ಮಾತ್ರವೇ ಇಂತಹ ಸಬ್ಮರೀನ್ಗಳಿವೆ.
7,000 ಟನ್ ತೂಗುವ ಅರಿದಮನ್ನ ಸಾಮರ್ಥ್ಯವು ಅರಿಹಂತ್ನ ಎರಡರಷ್ಟಿದೆ. ಇದರಲ್ಲಿ ಕ್ಷಿಪಣಿಗಳನ್ನು ಲಂಬವಾಗಿ ಉಡಾವಣೆ ಮಾಡಬಲ್ಲ 8 ಕೊಳವೆಗಳಿವೆ. ಇವುಗಳಿಂದಾಗಿ ಕ್ಷಿಪ್ರದಾಳಿ ಸಾಧ್ಯವಾಗುತ್ತದೆ. ಇದರಲ್ಲಿ 3,500 ಕಿ.ಮೀ. ಸಾಗಬಲ್ಲ 8 ಕೆ-4 ಕ್ಷಿಪಣಿಗಳು, 750 ಕಿ.ಮೀ. ಹಾರಬಲ್ಲ 24 ಕ-15 ಮಿಸೈಲ್ಗಳಿವೆ. ಇವುಗಳಿಂದ ಅಣ್ವಸ್ತ್ರವನ್ನು ಹೊತ್ತೊಯ್ಯಬಲ್ಲ ಕ್ಷಿಪಣಿ, ರಫೆಲ್, ಸುಖೋಯ್-30ಎಂಕೆಐ, ಮಿರಾಜ್ 2000ಗಳನ್ನೂ ಉಡಾವಣೆ ಮಾಡಬಹುದು.
Stay updated with breaking India news (ರಾಷ್ಟ್ರೀಯ ಸುದ್ಧಿ) – national politics, economy, social issues, major events and real‑time headlines from across India only on KannadaPrabha News.