ಸಿ.ಕೃಷ್ಣಯ್ಯ ಚೆಟ್ಟಿ ಗ್ರೂಪ್ ಆಫ್ ಜ್ಯುವೆಲ್ಲರ್ಸ್: ವಿಶೇಷ ಆಭರಣಗಳ ಪ್ರದರ್ಶನ

- ಕೈಗಾರಿಕೋದ್ಯಮಿ ಎಸ್.ಎಸ್.ಗಣೇಶ್, ರೇಖಾ ಗಣೇಶ್ ದಂಪತಿಯಿಂದ ಉದ್ಘಾಟನೆ - - -

ಕನ್ನಡಪ್ರಭ ವಾರ್ತೆ ದಾವಣಗೆರೆ

157 ವರ್ಷಗಳ ಆಭರಣ ಪರಂಪರೆಯನ್ನು ತಂದಿರುವ ಸಿ.ಕೃಷ್ಣಯ್ಯ ಚೆಟ್ಟಿ ಗ್ರೂಪ್ ಆಫ್ ಜ್ಯುವೆಲ್ಲರ್ಸ್ ಕಾಲಾತೀತ ಸಂಪ್ರದಾಯವನ್ನು ಆಧುನಿಕತೆಯೊಂದಿಗೆ ಬೆಸೆಯುವ ಐದು ದಿನಗಳ ವಿಶೇಷ ಆಭರಣಗಳ ಪ್ರದರ್ಶನವನ್ನು ಏ.16ರಿಂದ 20ರವರೆಗೆ ಇಲ್ಲಿನ ಶಾಮನೂರು ರಸ್ತೆಯಲ್ಲಿರುವ ಸದರನ್ ಸ್ಟಾರ್‌ನ ಪಾರ್ವತಿ ಪರ್ಲ್ ಹಾಲ್‌ನಲ್ಲಿ ಏರ್ಪಡಿಸಿದೆ.

ಈ ವಿಶೇಷ ಆಭರಣ ಪ್ರದರ್ಶನವನ್ನು ಗುರುವಾರ ಕೈಗಾರಿಕೋದ್ಯಮಿ ಎಸ್.ಎಸ್. ಗಣೇಶ್ ಹಾಗೂ ರೇಖಾ ಗಣೇಶ್ ದಂಪತಿ ಉದ್ಘಾಟಿಸಿ ಶುಭ ಕೋರಿದರು.

ಸಿ. ಕೃಷ್ಣಯ್ಯ ಚೆಟ್ಟಿ ಗ್ರೂಪ್‌ನ ಮಳಿಗೆ ಮುಖ್ಯಸ್ಥ ಶ್ರೀಹರಿ ಮಾತನಾಡಿ, ಈ ಆಭರಣಗಳು ಕಲಾತ್ಮಕತೆ, ಪರಂಪರೆ ಮತ್ತು ನಾವೀನ್ಯತೆಯನ್ನು ಒಂದೇ ಸೂರಿನಡಿಯಲ್ಲಿ ಒದಗಿಸುತ್ತವೆ. 157 ವರ್ಷಗಳಿಂದ ಸಿ. ಕೃಷ್ಣಯ್ಯ ಚೆಟ್ಟಿ ಗ್ರೂಪ್ ಅತ್ಯುತ್ತಮ ಕಲಾತ್ಮಕತೆ, ರಾಜಿಯಿಲ್ಲದ ಗುಣಮಟ್ಟ ಮತ್ತು ರಾಜಮನೆತನದವರು ಮತ್ತು ಅಭಿಮಾನಿಗಳಿಗೆ ನೆಚ್ಚಿನ ಆಭರಣ ವಿನ್ಯಾಸಗಳನ್ನು ಒದಗಿಸುತ್ತಿದೆ. ಪ್ರದರ್ಶನವು ಶುದ್ಧ ಚಿನ್ನ, ಅಪರೂಪದ ರತ್ನದ ಹರಳುಗಳು ಮತ್ತು ನವೀನ ವಿನ್ಯಾಸಗಳನ್ನು ಒಳಗೊಂಡಿರುತ್ತದೆ. ಪ್ರಕಾಶಮಾನವಾದ ಮುತ್ತುಗಳು, ಭವ್ಯವಾದ ಅಮೆಥಿಸ್ಟ್ ಗಳು, ರಾಜಮನೆತನದ ಪಚ್ಚೆಗಳು ಮತ್ತು ಮಾಣಿಕ್ಯ, ಎದ್ದು ಕಾಣುವ ವೈಡೂರ್ಯ, ಹೊಳೆಯುವ ಸಿಟ್ರಿನ್ ಮತ್ತು ಅದ್ಭುತ ವಜ್ರದ ಆಭರಣಗಳು ಇಲ್ಲಿವೆ. ಈ ಆಭರಣಗಳು ಕಲಾತ್ಮಕತೆ, ಪರಂಪರೆ ಮತ್ತು ನಾವೀನ್ಯತೆ ಒಂದೇ ಸೂರಿನಡಿ ಒದಗಿಸುತ್ತವೆ ಎಂದರು.

ಸಿ.ಕೃಷ್ಣಯ್ಯ ಚೆಟ್ಟಿ ಗ್ರೂಪ್‌ನ ಪಿಆರ್ ಮುಖ್ಯಸ್ಥ ತೇಜಸ್ ಕಲ್ರಾ ಮಾತನಾಡಿ, ಈ ಪ್ರದರ್ಶನವು ಏ.16ರಿಂದ ಏ.20ರವರೆಗೆ ನಡೆಯಲಿದೆ. ಬೆಳ್ಳಿ ಆಭರಣಗಳ ಮೇಲೆ 2% ರಿಯಾಯಿತಿ, ಚಿನ್ನದ ಆಭರಣಗಳ ಮೇಲೆ 4% ರಿಯಾಯಿತಿ, ವಜ್ರದ ಆಭರಣಗಳ ಮೇಲೆ 6% ರಿಯಾಯಿತಿ ಇದೆ. ಈ ಕಾರ್ಯಕ್ರಮದ ಮುಖ್ಯ ಆಕರ್ಷಣೆ ಸಿ. ಕೃಷ್ಣಯ್ಯ ಚೆಟ್ಟಿ ಗ್ರೂಪ್‌ನ **crash.club.** ಇದು ಆಧುನಿಕ ಐಷಾರಾಮಿತನಕ್ಕೆ ಮರುವ್ಯಾಖ್ಯಾನ ನೀಡುವ ಪ್ರಯೋಗಾಲಯದಲ್ಲಿ ಅಭಿವೃದ್ಧಿಗೊಂಡ ವಜ್ರಗಳ ಕ್ರಾಂತಿಕಾರಿ ಸಂಗ್ರಹವಾಗಿದೆ. ಈ ವಜ್ರಗಳು ಹೊಳಪು, ಸ್ಪಷ್ಟತೆಯೊಂದಿಗೆ ಗಣಿಯಿಂದ ತೆಗೆದ ವಜ್ರದ ಪ್ರತಿರೂಪಗಳಿಗೆ ಹೋಲುತ್ತವೆ. ಆದರೆ ಸುಧಾರಿತ ತಂತ್ರಜ್ಞಾನದ ಮೂಲಕ ತಯಾರಾದ ಇವು ಪರಿಸರ ಹಾನಿಯಿಲ್ಲದ ಉತ್ಪನ್ನವಾಗಿವೆ. ದಾವಣಗೆರೆಯ ಈ ಪ್ರದರ್ಶನವು ಕಲಾತ್ಮಕತೆ, ಪರಂಪರೆ ಮತ್ತು ಉದ್ದೇಶದ ದ್ಯೋತಕವಾಗಿದೆ. ಸಿ.ಕೃಷ್ಣಯ್ಯ ಚೆಟ್ಟಿ ಗ್ರೂಪ್ ಆಭರಣಗಳು ಭವಿಷ್ಯವನ್ನು ಹೇಗೆ ರೂಪಿಸುತ್ತಿದೆ ಎಂಬುದನ್ನು ಗ್ರಾಹಕರು ಇಲ್ಲಿ ಪ್ರತ್ಯಕ್ಷವಾಗಿ ನೋಡಬಹುದು ಎಂದರು.

ಈ ಸಂದರ್ಭದಲ್ಲಿ ಸಿ.ಕೃಷ್ಣಯ್ಯ ಚೆಟ್ಟಿ ಗ್ರೂಪ್‌ನ ಇತರೆ ಸಿಬ್ಬಂದಿ ಇದ್ದರು.

- - -

-16ಕೆಡಿವಿಜಿ35, 36:

ದಾವಣಗೆರೆಯಲ್ಲಿ ಗುರುವಾರ ಸಿ.ಕೃಷ್ಣಯ್ಯ ಚೆಟ್ಟಿ ಗ್ರೂಪ್ ಆಫ್ ಜ್ಯುವೆಲ್ಲರ್ಸ್ ಆಯೋಜಿಸಿದ ವಿಶೇಷ ಆಭರಣ ಪ್ರದರ್ಶನವನ್ನು ಕೈಗಾರಿಕೋದ್ಯಮಿ ಎಸ್.ಎಸ್.ಗಣೇಶ್, ರೇಖಾ ಗಣೇಶ್ ದಂಪತಿ ಉದ್ಘಾಟಿಸಿದರು.