ಸಿಇಸಿ ಜ್ಞಾನೇಶ್ ಕುಮಾರ್ ರಾಜೀನಾಮೆ ನೀಡಲಿ: ಆಗ್ರಹ
)
ಸಾರಾಂಶ
ಕೇಂದ್ರ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರಿಂದ ರಾಜೀನಾಮೆ ಪಡೆದು ತಕ್ಷಣ ಬಂಧಿಸಬೇಕು ಎಂದು ಒತ್ತಾಯಿಸಿ ಎಸ್ಐಆರ್ ವಿರೋಧಿ ಜಾತ್ಯತೀತ ಪಕ್ಷಗಳು ಹಾಗೂ ಜನಪರ ಸಂಘಟನೆಗಳ ಒಕ್ಕೂಟದ ನೇತೃತ್ವದಲ್ಲಿ ಶುಕ್ರವಾರ ಪ್ರತಿಭಟನೆ ನಡೆಸಲಾಯಿತು.
ಕನ್ನಡಪ್ರಭ ವಾರ್ತೆ ರಾಯಚೂರು
ಸ್ಥಳೀಯ ಡಾ.ಬಿ.ಆರ್‌.ಅಂಬೇಡ್ಕರ್ ವೃತ್ತದಲ್ಲಿ ಸೇರಿದ ಒಕ್ಕೂಟದ ಪದಾಧಿಕಾರಿಗಳು,ಸದಸ್ಯರು, ಮುಖಂಡರು ಘೋಷಣೆಗಳನ್ನು ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು. ಕೇಂದ್ರ ಚುನಾವಣಾ ಆಯೋಗ ಏಕರೀತಿಯ ಅಭಿಪ್ರಾಯದಡಿ ದೇಶದಲ್ಲಿ ಜಾರಿಗೊಳಿಸಿರುವ ಎಸ್ಐಆರ್ ಪ್ರಕ್ರಿಯೆಯಿಂದ ನೈಜ ಮತದಾರರನ್ನು ಹೊರಗುಳಿಸಲಾಗುತ್ತಿದ್ದು, ಅವೈಜ್ಞಾನಿಕವಾಗಿ ನಡೆದಿರುವ ಎಸ್ಐಆರ್ ಕೂಡಲೇ ರದ್ದು ಪಡಿಸಬೇಕು ಹಾಗೂ ಕೇಂದ್ರ ಬಿಜೆಪಿ ಸರ್ಕಾರದ ಏಜೆಂಟರಂತೆ ಕೆಲಸ ಮಾಡುತ್ತಿರುವ ಸಿಇಸಿ ಜ್ಞಾನೇಶ್ ಕುಮಾರ್ ವಿರುದ್ಧ ಕಾನೂನು ಕ್ರಮ ಜರುಗಿಸಬೇಕು ಎಂದು ಆಗ್ರಹಿಸಿದರು.
ಪ್ರತಿಭಟನೆಯಲ್ಲಿ ಸಂಘಟನೆಗಳ ಮುಖಂಡರಾದ ಎಸ್.ಮಾರೆಪ್ಪ, ರವೀಂದ್ರನಾಥ ಪಟ್ಟಿ,ಮಾರೆಪ್ಪ ಹರವಿ, ಶರಣಕುಮಾರ ಮುದ್ದಂಗುಡಿ, ಜಾವ್‌ ವೆಸ್ಲಿ ಟಿ.ಕಾತರಕಿ, ಖಲೀಲ್‌ ಪಾಷಾ, ಆಂಜನೇಯ್ಯ ಕುರುಬದೊಡ್ಡಿ, ಮಾರೆಮ್ಮ, ಶ್ರೀನಿವಾಸ ಸೇರಿ ಅನೇಕರು ಇದ್ದರು.ಸಿಂಧನೂರು: ಜಾಗೃತಿ ವೇದಿಕೆ ಪ್ರತಿಭಟನೆ:
ಎಲ್ಲ ರಾಜ್ಯಗಳಲ್ಲಿ 2025ರ ಜನವರಿಯ ಮತದಾರರ ಪಟ್ಟಿ ಮುಂದುವರಿಸಬೇಕು. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಒಬ್ಬೊಬ್ಬ ವ್ಯಕ್ತಿ ನೂರಾರು ಫಾರಂ ನಂ.7 ನೀಡಿ ನಿರ್ದಿಷ್ಟ ಸಮುದಾಯದ ಮತದಾರರ ನೊಂದಣಿ ರದ್ದುಗೊಳಿಸಲು ಸಂಚು ನಡೆಸಿರುವುದು ಈಗಾಗಲೇ ಬಯಲಾಗಿದೆ. ಚುನಾವಣಾ ಆಯೋಗದ ಲೋಪಗಳು ಮೇಲಿಂದ ಮೇಲೆ ಒಂದೊಂದಾಗಿ ಹೊರ ಬೀಳುತ್ತಿವೆ. ಎಸ್ಐಆರ್ ಹೆಸರಿನಲ್ಲಿ ಅರ್ಹ ಮತದಾರರನ್ನು ಹೊರಗಿಟ್ಟು ಚುನಾವಣೆ ನಡೆಸುತ್ತಿರುವುದು ಆಘಾತಕಾರಿ ಬೆಳವಣಿಗೆಯಾಗಿದ್ದು, ಜನರು ಬೀದಿಗಿಳಿದು ಹೋರಾಟ ನಡೆಸುವ ದಿನಗಳು ದೂರವಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಮುಖಂಡರಾದ ಚಂದ್ರಶೇಖರ ಗೊರಬಾಳ, ಭಾಷುಮಿಯಾ, ಎಸ್.ದೇವೇಂದ್ರಗೌಡ, ಬಸವಂತರಾಯಗೌಡ ಕಲ್ಲೂರು, ಚಂದ್ರಶೇಖರ ಕ್ಯಾತ್ನಟ್ಟಿ, ಶಂಕರ ಗುರಿಕಾರ, ಬಸವರಾಜ ಬಾದರ್ಲಿ, ಹೆಚ್.ಎಫ್.ಮಸ್ಕಿ, ಕೃಷ್ಣಮೂರ್ತಿ ಧುಮತಿ, ಗಂಗಮ್ಮ ಗೊರಬಾಳ, ಜಗದೀಶ ಸುಕಾಲಪೇಟೆ, ಮರಿಯಪ್ಪ ಸುಕಾಲಪೇಟೆ, ಸುಲೋಚನಾ, ಯಮನಮ್ಮ, ಆದಿಲಕ್ಷ್ಮೀ, ಆರೋಗ್ಯಮ್ಮ ಜವಳಗೇರಾ, ಶಾಂತಮ್ಮ ಗೊರೇಬಾಳ, ರತ್ನಮ್ಮ ದೇವರಗುಡಿ, ಖಾಸಿಂ ಕಾರ್ಪೇಂಟರ್, ಚಿಟ್ಟಿಬಾಬು ಬೂದಿವಾಳ ಕ್ಯಾಂಪ್ ಭಾಗವಹಿಸಿದ್ದರು.