ಗುಂಡ್ಲುಪೇಟೆಗೆ ದೇಶದ ಮೊದಲ ಎಐ ಸೆಂಟರ್
ಸಾರಾಂಶ
ಇಲ್ಲಿಯವರೆಗೆ ಡೇಟಾ ಸೆಂಟರ್ ಎಂದರೆ ಬೆಂಗಳೂರು, ಹೈದರಾಬಾದ್, ಮುಂಬೈನಂತಹ ಮಹಾನಗರಗಳಲ್ಲಿರುವ ದೈತ್ಯ ಕಟ್ಟಡಗಳು ಎಂಬ ಕಲ್ಪನೆ ನಮ್ಮದಾಗಿತ್ತು.
ರಂಗೂಪುರ ಶಿವಕುಮಾರ್
ಇಲ್ಲಿಯವರೆಗೆ ಡೇಟಾ ಸೆಂಟರ್ ಎಂದರೆ ಬೆಂಗಳೂರು, ಹೈದರಾಬಾದ್, ಮುಂಬೈನಂತಹ ಮಹಾನಗರಗಳಲ್ಲಿರುವ ದೈತ್ಯ ಕಟ್ಟಡಗಳು ಎಂಬ ಕಲ್ಪನೆ ನಮ್ಮದಾಗಿತ್ತು.
ಆದರೆ ಆ ಕಲ್ಪನೆ ಇದೀಗ ಬದಲಾಗುತ್ತಿದೆ. ಸಣ್ಣ ಪಟ್ಟಣಗಳಲ್ಲೂ ಜಾಗತಿಕ ತಂತ್ರಜ್ಞಾನ ತಲುಪಿಸುವ ಪ್ರಯತ್ನವಾಗಿ, ಪ್ರಥಮವಾಗಿ ದೇಶದಲ್ಲೇ ಮೊದಲಿಗೆ ಗುಂಡ್ಲುಪೇಟೆ ಪಟ್ಟಣದಲ್ಲಿ ಎಐ ಮೈಕ್ರೋ ಡೇಟಾ ಕೇಂದ್ರ ಸೆ.5ರಂದು ಆರಂಭವಾಗಲಿದ್ದು, ಸೈನಾಪಿನ್ ಸಂಸ್ಥೆಯು ಈ ಕೇಂದ್ರವನ್ನು ಪ್ರಾರಂಭಿಸುತ್ತಿದೆ.ಮೈಕ್ರೋ ಡೇಟಾ ಸೆಂಟರ್ ಎಂದರೇನು?:
ಇದನ್ನು ಯಾವುದೇ ಸಣ್ಣ ಕೊಠಡಿಯಲ್ಲೂ ಅಳವಡಿಸಬಹುದು. ಇದು ದೊಡ್ಡ ಕ್ಲೌಡ್ನ ಚಿಕ್ಕ ರೂಪ. ಇದರ ಜತೆಗೆ ‘ಎಐ’ ಸೇರಿದಾಗ ಅದರ ಶಕ್ತಿ ದುಪ್ಪಟ್ಟಾಗುತ್ತದೆ.ಸಾಮಾನ್ಯ ಕಂಪ್ಯೂಟರ್ ಸಿಪಿಯುನಲ್ಲಿ ಕೆಲಸ ಮಾಡಿದರೆ, ಎಐ ಸೆಂಟರ್ನಲ್ಲಿ ಜಿಪಿಯು ಚಿಪ್ಗಳಿರುತ್ತವೆ.
ರೈತರಿಗೆ, ವಿದ್ಯಾರ್ಥಿಗಳಿಗೆ ಲಾಭವೇನು:
ಅದೇ ಡೇಟಾ ಗುಂಡ್ಲುಪೇಟೆಯಲ್ಲೇ ಪ್ರೊಸೆಸ್ ಆದರೆ ಕೆಲವೇ ಸೆಕೆಂಡುಗಳಲ್ಲಿ ಉತ್ತರ ಸಿಗುತ್ತದೆ. ವೇಗ ಹೆಚ್ಚು, ವೆಚ್ಚ ಕಡಿಮೆ, ಡೇಟಾ ಸುರಕ್ಷತೆ ಹೆಚ್ಚು.ಇದು ಸ್ಥಳೀಯ ಕಾಲೇಜುಗಳು, ಆಸ್ಪತ್ರೆಗಳು ಮತ್ತು ಸ್ಟಾರ್ಟ್ಅಪ್ಗಳಿಗೆ ವರದಾನವಾಗಲಿದೆ.
ಇದು ಕೇವಲ ಒಂದು ಕಂಪನಿಯ ಉದ್ಘಾಟನೆಯಲ್ಲ, ಗುಂಡ್ಲುಪೇಟೆ ಜಾಗತಿಕ ತಂತ್ರಜ್ಞಾನ ಭೂಪಟದಲ್ಲಿ ಗುರುತಿಸಿಕೊಳ್ಳಲು ಸಿಕ್ಕಿರುವ ಅವಕಾಶ ಮತ್ತು ಸ್ಥಳೀಯರಿಗೆ ಉದ್ಯೋಗಾಂಕ್ಷಿಗಳಿಗೆ ಅನುಕೂಲಕರವಾಗಿದೆ.
ಗುಂಡ್ಲುಪೇಟೆ ಪಟ್ಟಣದಲ್ಲಿ ಎಐ ಮೈಕ್ರೋ ಡೇಟಾ ಕೇಂದ್ರವನ್ನು ಪಟ್ಟಣದ ಸ್ಥಳೀಯರೇ ಆದ ವಿಜಯ್ ಗ್ಯಾಸ್ ಏಜೆನ್ಸೀಸ್ (ಭಾರತ್ ಗ್ಯಾಸ್) ಮಾಲೀಕ ಜಿ.ಆರ್.ದೊರೆಸ್ವಾಮಿ ಅವರ ಪುತ್ರ ಜಿ.ಎಸ್.ಡಿ. ಶ್ರೀನಿಧಿ ತಮ್ಮ ಸ್ವಂತ ಕಟ್ಟಡದಲ್ಲಿ ಪ್ರಾರಂಭಿಸುತ್ತಿದ್ದಾರೆ.