ಭದ್ರಾ ಮೇಲ್ದಂಡೆಗೆ ₹5300 ಕೋಟಿಗಾಗಿ ಕೇಂದ್ರಕ್ಕೆ ನಿಯೋಗ
_614.JPG)
ಸಾರಾಂಶ
ಜಗಳೂರು ತಾಲೂಕಿನಲ್ಲಿ ತೀವ್ರ ಬರಗಾಲವಿದ್ದು, ಹಳ್ಳಿಗಳಲ್ಲಿ ಕುಡಿಯುವ ನೀರಿನ ಅಭಾವ ತಲೆದೋರಿದೆ. ಭದ್ರಾ ಮೇಲ್ದಂಡೆ ಮತ್ತು ೫೭ ಕೆರೆ ತುಂಬಿಸುವ ಯೋಜನೆಯಲ್ಲಿ ಹಾಲಿ ಶಾಸಕರ ಪಾತ್ರವೇನು? ಜಗಳೂರು ಅಭಿವೃದ್ಧಿಗೆ ಶಾಸಕರ ಕೊಡುಗೆ ಶೂನ್ಯವಾಗಿದೆ ಎಂದು ಶಾಸಕ ಬಿ.ದೇವೇಂದ್ರಪ್ಪ ವಿರುದ್ಧ ಮಾಜಿ ಶಾಸಕ ಎಸ್.ವಿ. ರಾಮಚಂದ್ರ ವಾಗ್ದಾಳಿ ಮಾಡಿದರು.
- ನಿಯೋಗದ ಜೊತೆ ಜಗಳೂರು ಶಾಸಕ ದೇವೇಂದ್ರಪ್ಪ ಕೂಡ ಬರಲಿ: ಶಾಸಕ ಎಸ್.ವಿ.ರಾಮಚಂದ್ರ ಆಹ್ವಾನ
ಕನ್ನಡಪ್ರಭ ವಾರ್ತೆ ಜಗಳೂರು
ತಾಲೂಕಿನಲ್ಲಿ ತೀವ್ರ ಬರಗಾಲವಿದ್ದು, ಹಳ್ಳಿಗಳಲ್ಲಿ ಕುಡಿಯುವ ನೀರಿನ ಅಭಾವ ತಲೆದೋರಿದೆ. ಭದ್ರಾ ಮೇಲ್ದಂಡೆ ಮತ್ತು ೫೭ ಕೆರೆ ತುಂಬಿಸುವ ಯೋಜನೆಯಲ್ಲಿ ಹಾಲಿ ಶಾಸಕರ ಪಾತ್ರವೇನು? ಜಗಳೂರು ಅಭಿವೃದ್ಧಿಗೆ ಶಾಸಕರ ಕೊಡುಗೆ ಶೂನ್ಯವಾಗಿದೆ ಎಂದು ಶಾಸಕ ಬಿ.ದೇವೇಂದ್ರಪ್ಪ ವಿರುದ್ಧ ಮಾಜಿ ಶಾಸಕ ಎಸ್.ವಿ. ರಾಮಚಂದ್ರ ವಾಗ್ದಾಳಿ ಮಾಡಿದರು.ಪಟ್ಟಣದ ತಮ್ಮ ನಿವಾಸದಲ್ಲಿ ಆಯೋಜಿಸಿದ್ದ ಸುದ್ದಿಗೋಷ್ಠಿಯಲ್ಲಿ ಶಾಸಕರ ವಿರುದ್ಧ ಹರಿಹಾಯ್ದ ಅವರು, ಕೇಂದ್ರ ಬಜೆಟ್‌ನಲ್ಲಿ ಭದ್ರಾ ಮೇಲ್ದಂಡೆ ಯೋಜನೆಗೆ ₹೫,೩೦೦ ಕೋಟಿ ಅನುದಾನ ಪಡೆದುಕೊಳ್ಳಲು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರನ್ನು ಭೇಟಿಯಾಗಲು ದೆಹಲಿಗೆ ನಿಯೋಗ ತೆರಳಲಾಗುತ್ತಿದೆ. ಚಿಕ್ಕಮಗಳೂರು, ಚಿತ್ರದುರ್ಗ, ತುಮಕೂರು ಹಾಗೂ ಜಗಳೂರಿನ ಬಿಜೆಪಿ ನಾಯಕರ ನಿಯೋಗ ತೆರಳುತ್ತಿದ್ದು, ಶಾಸಕ ಬಿ.ದೇವೇಂದ್ರಪ್ಪ ಕೂಡ ಈ ನಿಯೋಗದ ಜೊತೆ ಬರಲಿ ಎಂದು ಆಹ್ವಾನ ನೀಡಿದರು. ಜಗಳೂರು ತಾಲೂಕಿಗೆ ಭದ್ರಾ ನೀರು ಹರಿಸುವುದು ನನ್ನ ಕನಸು, ಅದನ್ನು ಈಡೇರಿಸುವುದು ಶತಸಿದ್ಧ, ಎಂದು ಆಶ್ವಾಸನೆ ನೀಡಿದರು.
ಬಡವರಿಗೆ ಮನೆಯಿಲ್ಲ, ನೀರಿಗೆ ಹಾಹಾಕಾರ:
ವಸತಿ ನಿಲಯಗಳಲ್ಲಿ ಬ್ರಹ್ಮಾಂಡ ಭ್ರಷ್ಟಾಚಾರ:
ಸುದ್ದಿಗೋಷ್ಠಿಯಲ್ಲಿ ಬಿಜೆಪಿ ಮಂಡಲ ಅಧ್ಯಕ್ಷ ಎ.ಎಂ. ಮರುಳಾರಾಧ್ಯ, ಗಡಿಮಾಕುಂಟೆ ಸಿದ್ದೇಶ್, ಉಪಾಧ್ಯಕ್ಷ ರಘು ಜಾಗ್ವಾರ್, ಕಾರ್ಯದರ್ಶಿ ಧರ್ಮಾನಾಯ್ಕ್, ಶಿವಕುಮಾರ ಸ್ವಾಮಿ, ಬಿಸ್ತುವಳ್ಳಿ ಬಾಬು, ಸಾಗರ ಅಂಜಿನಪ್ಪ, ಕಟ್ಟಿಗೆಹಳ್ಳಿ ಮಂಜುನಾಥ್ ಹಾಗೂ ಮಹಿಳಾ ಘಟಕದ ಅಧ್ಯಕ್ಷೆ ರೂಪವತಿ ಉಪಸ್ಥಿತರಿದ್ದರು.
-03ಜೆ.ಜಿ.ಎಲ್.1: