ಅಕ್ರಮಗಳೇ ಆಗಿಲ್ಲವೆಂದು ಗಂಟೆ ಹೊಡೀರಿ
ಸಾರಾಂಶ
ದಾವಣಗೆರೆ ದುಗ್ಗಮ್ಮನ ದೇವಸ್ಥಾನದಲ್ಲಿ ಏನೂ ಅಕ್ರಮ ನಡೆದಿಲ್ಲವೆಂದು ಸತ್ಯ ಹರಿಶ್ಚಂದ್ರನಂತೆ ಮಾಧ್ಯಮಗಳ ಮುಂದೆ ದೇವಸ್ಥಾನ ಟ್ರಸ್ಟಿಗಳು ಫೋಸ್ ಕೊಡುತ್ತಾರೆ. ಅದೇ ಮಾತನ್ನು ದುಗ್ಗಮ್ಮನ ಗುಡಿಯಲ್ಲಿ ಗಂಟೆ ಹೊಡೆದು ಹೇಳಲಿ, ನಾನೂ ಅಕ್ರಮಗಳ ದಾಖಲೆಗಳ ಸಮೇತವೇ ಗುಡಿಗೆ ಬಂದು ಗಂಟೆ ಹೊಡೆಯುತ್ತೇನೆ ಎಂದು ದೇವಿಯ ಭಕ್ತ, ಬಿಜೆಪಿ ಹಿರಿಯ ಮುಖಂಡ ಯಶವಂತ ರಾವ್ ಜಾಧವ್ ಸವಾಲು ಹಾಕಿದ್ದಾರೆ.
- ಸಾಕ್ಷ್ಯ ಸಮೇತ ನಾನೂ ಗಂಟೆ ಹೊಡೆಯುವೆ: ಯಶವಂತ ರಾವ್ ಸವಾಲು
ಕನ್ನಡಪ್ರಭ ವಾರ್ತೆ ದಾವಣಗೆರೆ
ದಾವಣಗೆರೆ ದುಗ್ಗಮ್ಮನ ದೇವಸ್ಥಾನದಲ್ಲಿ ಏನೂ ಅಕ್ರಮ ನಡೆದಿಲ್ಲವೆಂದು ಸತ್ಯ ಹರಿಶ್ಚಂದ್ರನಂತೆ ಮಾಧ್ಯಮಗಳ ಮುಂದೆ ದೇವಸ್ಥಾನ ಟ್ರಸ್ಟಿಗಳು ಫೋಸ್ ಕೊಡುತ್ತಾರೆ. ಅದೇ ಮಾತನ್ನು ದುಗ್ಗಮ್ಮನ ಗುಡಿಯಲ್ಲಿ ಗಂಟೆ ಹೊಡೆದು ಹೇಳಲಿ, ನಾನೂ ಅಕ್ರಮಗಳ ದಾಖಲೆಗಳ ಸಮೇತವೇ ಗುಡಿಗೆ ಬಂದು ಗಂಟೆ ಹೊಡೆಯುತ್ತೇನೆ ಎಂದು ದೇವಿಯ ಭಕ್ತ, ಬಿಜೆಪಿ ಹಿರಿಯ ಮುಖಂಡ ಯಶವಂತ ರಾವ್ ಜಾಧವ್ ಸವಾಲು ಹಾಕಿದ್ದಾರೆ.ನಗರದಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ದುಗ್ಗಮ್ಮನ ಗುಡಿಯಲ್ಲಿ ಯಾವುದೇ ಅಕ್ರಮ ನಡೆದಿಲ್ಲ. ತಾವೆಲ್ಲರೂ ಪಾರದರ್ಶವಾಗಿ ಇದ್ದೇವೆಂದು ಹೇಳುವಂತಹ ಟ್ರಸ್ಟಿಗಳು, ಜು.12ರ ಬೆಳಗಿನ ಜಾವ 5 ಗಂಟೆಗೆ ದೇವಿ ಆಭರಣ ಕಳವಿನ ಆರೋಪಿಗಳಾದ ಆಕಾಶ್ ಹಾಗೂ ಲಾಂಚ್ ಎಂಬವರನ್ನು ದುರ್ಗಾಂಬಿಕಾ ಶಾಲೆಯಲ್ಲಿ ಕೂಡಿ ಹಾಕಿ ಹೊಡೆದಿದ್ದು ಏಕೆ ಎಂದು ಪ್ರಶ್ನಿಸಿದರು.
ಬಾಪೂಜಿ ವಿದ್ಯಾಸಂಸ್ಥೆಯಲ್ಲಿ ಉದ್ಯೋಗಿಯಾದ ವ್ಯಕ್ತಿ ದೇವಸ್ಥಾನ ಟ್ರಸ್ಟಿ ಆಗಬಾರದೆಂದು ನಾನೇನೂ ಹೇಳಿಲ್ಲ. ಆದರೆ, ತಾನು ನೌಕರಿ ಮಾಡುವ ಸಂಸ್ಥೆಯ ಮುಖ್ಯಸ್ಥ ದೇವಸ್ಥಾನದ ಅಧ್ಯಕ್ಷ ಎಸ್.ಎಸ್. ಮಲ್ಲಿಕಾರ್ಜುನ ಅವರಿಗೆ ಪ್ರಶ್ನಿಸಲು ಅಂತಹ ನೌಕರನಿಂದ ಸಾಧ್ಯವೇ ಅಂತಾ ಮಾತ್ರ ಕೇಳಿದ್ದೇನೆ. ತಮ್ಮ ವಿರುದ್ಧ ಪ್ರತಿಭಟನೆ ಮಾಡುವುದಾದರೆ ಹೊಂಡದ ಸರ್ಕಲ್ನಲ್ಲಿ ಜರ್ಮನ್ ಟೆಂಟ್ನ ಶಾಮಿಯಾನ ಹಾಕಿಸಿಕೊಡುತ್ತೇನೆ. ನಾನು ಕೇಳುವಂತಹ ಪ್ರಶ್ನೆಗಳಿಗೆ ಟ್ರಸ್ಟಿಗಳು ಉತ್ತರ ಕೊಡಲಿ ಎಂದರು.
ಬಿಜೆಪಿ ಹಿರಿಯ ಮುಖಂಡರಾದ ಎಂ.ಹಾಲೇಶ, ಬಿ.ರಮೇಶ ನಾಯ್ಕ, ಗೋವಿಂದರಾಜು, ಟಿಂಕರ್ ಮಂಜಣ್ಣ, ಶಿವನಗೌಡ ಟಿ.ಪಾಟೀಲ, ಎರ್ರಿಸ್ವಾಮಿ ಇತರರು ಇದ್ದರು.
(ಟಾಪ್ ಕೋಟ್)
- ಯಶವಂತ ರಾವ್ ಜಾಧವ್, ಬಿಜೆಪಿ ಹಿರಿಯ ಮುಖಂಡ.
-3ಕೆಡಿವಿಜಿ5: ಬಿಜೆಪಿ ಮುಖಂಡ ಯಶವಂತ ರಾವ್ ಜಾಧವ್ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದರು.