15ಕ್ಕೆ ಹೈಡ್ ಅಂಡ್ ಸೀಕ್ ಚಿತ್ರ ರಾಜ್ಯಾದ್ಯಂತ ಬಿಡುಗಡೆ
ಸಾರಾಂಶ
ಹೈಡ್ ಅಂಡ್ ಸೀಕ್ ಚಿತ್ರದ ಬಿಡುಗಡೆ ಕುರಿತು ದಾವಣಗೆರೆಯಲ್ಲಿ ಚಿತ್ರದ ನಿರ್ದೇಶಕ ಪುನೀತ್ ನಾಗರಾಜ್ ಸುದ್ದಿಗೋಷ್ಠಿ ನಡೆಸಿ ಮಾಹಿತಿ ನೀಡಿದರು.
ಕನ್ನಡಪ್ರಭ ವಾರ್ತೆ ದಾವಣಗೆರೆ
ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಇದು ನನ್ನ ನಿರ್ದೇಶನದ ಮೊದಲ ಚಿತ್ರವಾಗಿದ್ದು, ಇದು ಒಂದು ಸಸ್ಪೆನ್ಸ್ ಥಿಲ್ಲರ್ ಸಿನಿಮಾ ಆಗಿದೆ. ಆರ್ಗನೈಜೇಷನ್ ಮೂಲಕ ಹೈ ಪ್ರೊಫೈಲ್ ಕಿಡ್ನಾಪ್ಗಳು ಹೇಗೆ ನಡೆಯುತ್ತಿವೆ ಎಂಬುದನ್ನು ಚಿತ್ರದಲ್ಲಿ ತೋರಿಸಲಾಗಿದೆ. ಹೈಡ್ ಅಂಡ್ ಸೀಕ್ ಚಿತ್ರದಲ್ಲಿ ನಾಯಕನೇ ಕಿಡ್ನಾಪರ್ ಆಗಿದ್ದು, ಹೆಚ್ಚು ಮಾತನಾಡದೇ ಯಾವುದನ್ನೂ ಎಕ್ಸ್ಪ್ರೆಸ್ ಮಾಡದ ವ್ಯಕ್ತಿಯ ಪಾತ್ರವಾಗಿದೆ ಎಂದರು.
ಒಬ್ಬ ಬಿಸಿನೆಸ್ ಮ್ಯಾನ್ ಮಗಳಾಗಿರುವ ನಾಯಕಿ ಕಿಡ್ನಾಪ್ ಆದಾಗ ಆಕೆ ಎದುರಿಸುವ ಪರಿಸ್ಥಿತಿ ಎಂತಹದ್ದು, ಕಿಡ್ನಾಪರ್ ಉದ್ದೇಶ, ಹಿನ್ನೆಲೆ ಏನು ಎಂಬುವುದು ಈ ಸಿನಿಮಾದ ಸಾರಾಂಶವಾಗಿದೆ ಎಂದು ತಿಳಿಸಿದರು.ಬೆಂಗಳೂರು, ಮಾಗಡಿ, ಚಿಕ್ಕಮಗಳೂರಿನಲ್ಲಿ ಚಿತ್ರೀಕರಣ ನಡೆಸಲಾಗಿದ್ದು, ಕಥೆ, ಚಿತ್ರಕಥೆ ನಾನೇ ಬರೆದಿದ್ದು, ವಸಂತರಾವ್ ಎಂ. ಕುಲಕರ್ಣಿ ಮತ್ತು ಪುನೀತ್ ನಾಗರಾಜು ನಿರ್ಮಾಪಕರಾಗಿದ್ದಾರೆ. ಛಾಯಾಗ್ರಹಣ ರಿಜೋ ಪಿ ಜಾನ್ ಅವರು ಛಾಯಾಗ್ರಹಣ ಚಿತ್ರಕ್ಕಿದೆ. ಸಂಗೀತ ನಿರ್ದೇಶನ ಸ್ಯಾಂಡೀ ಅದ್ದಂಕಿ ಸಂಗೀತ ನಿರ್ದೇಶನ ಮಾಡಿದ್ದಾರೆ ಎಂದರು.ನಾಯಕ ಅನೂಪ್ ರೇವಣ್ಣ ಮಾತನಾಡಿ, ಇದು ನನ್ನ 4ನೇ ಚಿತ್ರವಾಗಿದ್ದು, ಸಸ್ಪೆನ್ಸ್ ಥ್ರಿಲ್ಲರ್ ಚಿತ್ರವಾಗಿದೆ. ಮಾರ್ಚ್ 15ಕ್ಕೆ ಚಿತ್ರ ಬಿಡುಗಡೆಯಾಗಲಿದ್ದು, ಎಲ್ಲರೂ ಚಿತ್ರ ವೀಕ್ಷಿಸಿ, ಯುವ ಕಲಾವಿದರಿಗೆ ಪ್ರೋತ್ಸಾಹಿಸಿ ಎಂದು ಮನವಿ ಮಾಡಿದರು.
ಈ ಚಿತ್ರದಲ್ಲಿ ಅರವಿಂದ್ ರಾವ್, ರಾಜೇಶ್ ನಟರಂಗ, ಕೃಷ್ಣ ಹೆಬ್ಬಾಳೆ, ಬಲರಾಜವಾಡಿ, ರಕ್ಷಾ ಉಮೇಶ್, ಸೂರಜ್ (ಕಾಮಿಡಿ ಕಿಲಾಡಿ), ಮೈತ್ರಿ ಜಗ್ಗಿ ಇನ್ನಿತರರು ಅಭಿನಯಿಸಿದ್ದಾರೆ ಎಂದರು.
ಶಾಮನೂರು ನಿವಾಸಕ್ಕೆ ವರನಟನ ಪುತ್ರಿ ಪೂರ್ಣಿಮಾ
ಕನ್ನಡ ಚಿತ್ರರಂಗದ ಮೇರು ಪರ್ವತ ಡಾ.ರಾಜಕುಮಾರರ ಪುತ್ರಿ ಪೂರ್ಣಿಮಾ ರಾಮಕುಮಾರ ಹಾಗೂ ಮೊಮ್ಮಗಳು ಧನ್ಯಾ ರಾಮಕುಮಾರ ಬಂದಿದ್ದಾರೆಂದು ಕುತೂಹಲದಿಂದ ವೀಕ್ಷಿಸುತ್ತಿದ್ದ ತಮ್ಮ ಮನೆಯ ಕೆಲಸದ ಮಹಿಳೆಯರನ್ನೆಲ್ಲಾ ಕರೆಸಿದ ಡಾ.ಪ್ರಭಾ ಮಲ್ಲಿಕಾರ್ಜುನ ಎಲ್ಲರಿಗೂ ಪರಿಚಯ ಮಾಡಿಸಿಕೊಟ್ಟರು. ಅಲ್ಲದೇ, ಪೂರ್ಣಿಮಾ, ಧನ್ಯಾರ ಜೊತೆಗೆ ನಿಂತು ತಮ್ಮ ಮನೆಯ ಕೆಲಸದವರೊಂದಿಗೆ ಗುಂಪು ಫೋಟೋ ತೆಗೆಸುವ ಮೂಲಕ ತಮ್ಮ ಸಿಬ್ಬಂದಿ ಮೊಗದಲ್ಲಿ ಮಂದಹಾಸ ಮೂಡಿಸಿದರು.ಸುಮಾರು ಹೊತ್ತು ಡಾ.ಪ್ರಭಾ ಮಲ್ಲಿಕಾರ್ಜುನ್ ಅವರು ಪೂರ್ಣಿಮಾ ರಾಮಕುಮಾರ, ಧನ್ಯಾ ರಾಮಕುಮಾರರ ಜೊತೆಗೆ ಚರ್ಚಿಸಿದರು.