ಕುವೆಂಪು ಚಿಂತನೆ ಯುವಪೀಳಿಗೆಗೆ ಅಗತ್ಯ: ಮನೋಹರ್ ನಾಯಕ್

ಮುಂಡಗೋಡ: ರಾಷ್ಟ್ರಕವಿ ಕುವೆಂಪು ಅವರ ಚಿಂತನೆಗಳು ಯುವಪೀಳಿಗೆಗೆ ಅತ್ಯಗತ್ಯವಾಗಿದೆ ಎಂದು ಅಖಿಲ ಕರ್ನಾಟಕ ಸಾಂಸ್ಕೃತಿಕ ಪರಿಷತ್ತಿನ ಸಂಸ್ಥಾಪಕ ರಾಜ್ಯಾಧ್ಯಕ್ಷ ಮನೋಹರ್ ನಾಯಕ್ ಹೇಳಿದರು.

ಶುಕ್ರವಾರ ಇಲ್ಲಿಯ ಸರ್ಕಾರಿ ಪ್ರಥಮದರ್ಜೆ ಕಾಲೇಜು ಸಭಾಂಗಣದಲ್ಲಿ ಅಖಿಲ ಕರ್ನಾಟಕ ಸಾಂಸ್ಕೃತಿಕ ಪರಿಷತ್ತು ಬೆಂಗಳೂರು ಹಾಗೂ ಸರ್ಕಾರಿ ಪ್ರಥಮದರ್ಜೆ ಕಾಲೇಜು ಮುಂಡಗೋಡ ಇವರ ಸಹಯೋಗದಲ್ಲಿ ಪರಿತ್ತಿನ ನಡೆ ಯುವಕರ ಕಡೆ ಎನ್ನುವ ಅಭಿಯಾನದ ಅಂಗವಾಗಿ ಪ್ರಥಮ ಜ್ಞಾನಪೀಠ ಪ್ರಶಸ್ತಿ ವಿಜೇತ ಕುವೆಂಪು ಅವರ ಸಾಹಿತ್ಯ ಯಾನದ ಕುರಿತು ಸಾಹಿತ್ಯಾವಲೋಕದ ಸರಣಿ ಪರಿಚಯ ಮಾಲಿಕೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಯುವಪೀಳಿಗೆಯಲ್ಲಿ ಸಾಮಾಜಿಕ ಜಿಂತಕರ ಸಂದೇಶಗಳ ಅರಿವು ಮೂಡಿಸುವುದು ನಮ್ಮೆಲ್ಲರ ಜವಾಬ್ದಾರಿಯಾಗಿದ್ದು, ಎಲೆಮರೆಯಲ್ಲಿ ನಶಿಸಿ ಹೋಗುವ ಸಂಸ್ಕೃತಿಯನ್ನು ಉಳಿಸಿ ಬೆಳೆಸುವ ಚಿಂತನೆಯಿಂದ ರಾಜ್ಯಾದ್ಯಂತ ಅಖಿಲ ಕರ್ನಾಟಕ ಸಾಂಸ್ಕೃತಿಕ ಪರಿಷತ್ತು ಸಂಘಟನೆ ಮಾಡುತ್ತಿದೆ ಎಂದರು.

ಶಿಕ್ಷಕ ಸಾಹಿತಿ, ರಂಗಭೂಮಿ ಕಲಾವಿದ ವಿನಾಯಕ ಶೇಟ್ ಮಾತನಾಡಿ, ಯುವ ಪೀಳಿಗೆ ಎಲ್ಲದಕ್ಕೂ ಎಐ ಮೊರೆ ಹೋಗುತ್ತಿರುವುದಕ್ಕೆ ನೈಜ ಶಿಕ್ಷಣದಿಂದ ವಂಚಿತರಾಗುತ್ತಿರುವುದು ವಿಷಾದನಿಯ. ಪುಸ್ತಕ ಓದಿ ಪಡೆಯುವ ಜ್ಞಾನವೇ ಶಾಶ್ವತವಾಗಿರುತ್ತದೆ ಎಂದರು.

ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನ ಪ್ರಾಂಶುಪಾಲ ಪ್ರಸನ್ನ ಸಿಂಗ್ ಹಜೇರಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಅಖಿಲ ಕರ್ನಾಟಕ ಸಂಸ್ಕೃತಿಕ ಪರಿಷತ್ತಿನ ತಾಲೂಕಾಧ್ಯಕ್ಷ ಯುವ ಚಿಂತಕ ಸುರೇಶ್ ಕಲ್ಲೊಳ್ಳಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಈ ಸಂದರ್ಭದಲ್ಲಿ ಕಾಲೇಜು ವಿದ್ಯಾರ್ಥಿಗಳು ಕುವೆಂಪು ಅವರ ಕುರಿತು ಕವನವನ್ನು ವಾಚನ ಮಾಡಿದರು.

ಉಪನ್ಯಾಸಕರಾದ ರಾಜು ಮಾಕನೂರ, ಡಾ. ಅನುಪಮಾ ಅದಾಪುರ, ಜ್ಯೋತಿ ಹಿರೇಮಠ, ಮಲ್ಲಿಕಾರ್ಜುನ ಕನವಳ್ಳಿ, ಅಣ್ಣಪ್ಪ ನಾಯ್ಕ, ಆನಂದ ತಳವಾರ, ಶಿವರಾಜ, ಎಸ್.ಡಿ. ಮುಡೆಣ್ಣವರ, ಕು. ಐಶ್ರ‍್ಯ ಬನವಾಸಿ, ಪತ್ರಕರ್ತ ಸಂತೋಷ ದೈವಜ್ಞ, ಶ್ರೀಕಾಂತ ಹೊಂಡದಕಟ್ಟಿ ಮುಂತಾದವರು ಉಪಸ್ಥಿತರಿದ್ದರು. ಸುಜಾತಾ ಸ್ವಾಗತಿಸಿದರು. ಪ್ರಿಯಾ ಸಂಗಡಿಗರು ಪ್ರಾರ್ಥಿಸಿದದರು. ಸುಮಾ ಯಲ್ಲಾಪುರ ನಿರೂಪಿಸಿದರು.