ಗ್ರಾಮ ಸ್ವರಾಜ್ ಫೌಂಡೇಷನ್ ಉತ್ತಮ ಛಾಪು ಮೂಡಿಸಲಿ: ವಿಷ್ಣುಕಾಂತ್ ಚಟ್ಪಲ್ಲಿ
ಸಾರಾಂಶ
ಗ್ರಾಮ ಸ್ವರಾಜ್ ಫೌಂಡೇಷನ್ ರಾಜ್ಯದ ಉದ್ದಗಲಕ್ಕೂ ತನ್ನ ಕಾರ್ಯಜಾಲ ಹೊಂದಿ 20ಕ್ಕೂ ಹೆಚ್ಚು ವರ್ಷಗಳ ಸುದೀರ್ಘ ಅವಧಿಯಿಂದ ಗ್ರಾಮೀಣಾಭಿವೃದ್ಧಿ ಕ್ಷೇತ್ರದಲ್ಲಿ ಕಾರ್ಯ ನಿರ್ವಹಿಸಿ ಅನುಭವ ಉಳ್ಳ ಸಂಪನ್ಮೂಲ ವ್ಯಕ್ತಿಗಳನ್ನು ಒಳಗೊಂಡಿಹ ಸಮೂಹ ಹೊಂದಿರುವುದು ಉತ್ತಮ ಕಾರ್ಯದಕ್ಷತೆ ಪ್ರತಿಬಿಂಬಿಸುತ್ತದೆ.
ಕನ್ನಡಪ್ರಭ ವಾರ್ತೆ ಮದ್ದೂರು
ತಾಲೂಕಿನ ಸೋಮನಹಳ್ಳಿ ಎಜುಕೇಷನ್ ಸೊಸೈಟಿ ಆವರಣದಲ್ಲಿ ನಡೆದ ಗ್ರಾಮ ಸ್ವರಾಜ್ ಫೌಂಡೇಷನ್ ಉದ್ಘಾಟನಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿ, ಸರ್ಕಾರಗಳ ಯೊಜನೆಗಳು ಪರಿಣಾಮಕಾರಿಯಾಗಿ ಜಾರಿಯಾಗುವಲ್ಲಿ ಎನ್ ಜಿ ಒಗಳ ಪಾತ್ರ ಮಹತ್ವವಾದದ್ದು ಎಂದರು.
ಸರ್ಕಾರ ಹಾಗೂ ಖಾಸಗಿ ವಲಯಗಳಿಗೂ ಕೂಡ ಇದೀಗ ತಮ್ಮ ಕಾರ್ಯಚಟುವಟಿಕೆ ಅನುಷ್ಠಾನಕ್ಕೆ ಎನ್ ಜಿಒಗಳ ಅಗತ್ಯತೆ ಹೆಚ್ಚಿದೆ. ಗ್ರಾಮ ಸ್ವರಾಜ್ ಫೌಂಡೇಷನ್ ರಾಜ್ಯದ ಉದ್ದಗಲಕ್ಕೂ ತನ್ನ ಕಾರ್ಯಜಾಲ ಹೊಂದಿ 20ಕ್ಕೂ ಹೆಚ್ಚು ವರ್ಷಗಳ ಸುದೀರ್ಘ ಅವಧಿಯಿಂದ ಗ್ರಾಮೀಣಾಭಿವೃದ್ಧಿ ಕ್ಷೇತ್ರದಲ್ಲಿ ಕಾರ್ಯ ನಿರ್ವಹಿಸಿ ಅನುಭವ ಉಳ್ಳ ಸಂಪನ್ಮೂಲ ವ್ಯಕ್ತಿಗಳನ್ನು ಒಳಗೊಂಡಿಹ ಸಮೂಹ ಹೊಂದಿರುವುದು ಉತ್ತಮ ಕಾರ್ಯದಕ್ಷತೆ ಪ್ರತಿಬಿಂಬಿಸುತ್ತದೆ ಎಂದು ಬಣ್ಣಿಸಿದರು.ಫೌಂಡೇಶನ್ ಉದ್ಘಾಟಿಸಿದದ ಶೃತ್ ಅಂಡ್ ಸ್ಮಿತ್ ಫೌಂಡೇಷನ್ ಅಧ್ಯಕ್ಷ ಕರಣ್ ಕುಮಾರ್ ಅವರು, ಸುದೀರ್ಘ ಅವಧಿಯಿಂದ ಸಮಾಜ ಪರತೆಯಿಂದ ಗ್ರಾಮೀಣಾಭಿವೃದ್ಧಿ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸಿ ಸಮಾಜದ ಬದಲಾವಣೆ ಹಾಗೂ ಬೆಳವಣಿಗೆಗೆ ಶ್ರಮಿಸಿದ ಸಂಪನ್ಮೂಲ ವ್ಯಕ್ತಿಗಳ ದೊಡ್ಡ ಸಮೂಹ ರಾಜ್ಯಾದ್ಯಂತ ಜಾಲದೊಂದಿಗೆ ಗ್ರಾಮ ಸ್ವರಾಜ್ ಫೌಂಡೇಷನ್ ಆರಂಭಿಸಿರುವುದು ಸಂತಸದ ಸಂಗತಿ ಎಂದರು.
ಗ್ರಾಮ ಸ್ವರಾಜ್ ಫೌಂಡೇಷನ್ ಅಧ್ಯಕ್ಷ ನ.ಲಿ.ಕೃಷ್ಣ ಮಾತನಾಡಿ, ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯುತ್ ರಾಜ್ ಕ್ಷೇತ್ರದ ಬಲವರ್ಧನೆ ಮೂಲಕ ಗ್ರಾಮಗಳ ಸ್ವಾವಲಂಬನೆಗಾಗಿ ನಮ್ಮ ಎನ್ ಜಿ ಒ ಸರ್ಕಾರ ಹಾಗು ಖಾಸಗಿ ವಲಯ ಸಂಘ ಸಂಸ್ಥೆ ಮತ್ತು ಸಮಾನ ಮನಸ್ಕಜನರ ಸಹಕಾರದೊಂದಿಗೆ ಕಾರ್ಯನಿರ್ವಹಿಸುವ ಅಭಿಲಾಷೆ ಹೊಂದಿದೆ ಎಂದರು.