26ರಂದು ಬೆಂಗಳೂರಿನ ಕ್ರಿಸ್ಟ್ ವಿವಿ ಜತೆ ಸಲಹಾ ಒಪ್ಪಂದಕ್ಕೆ ಸಹ್ಯಾದ್ರಿ ಕಾಲೇಜು ಸಹಿ
ಸಾರಾಂಶ
mangalore, sahyadri, college, bangalore,university,
ಮಂಗಳೂರು: ಮಂಗಳೂರಿನ ಸಹ್ಯಾದ್ರಿ ಕಾಲೇಜ್ ಆಫ್ ಎಂಜಿನಿಯರಿಂಗ್ ಅಂಡ್ ಮ್ಯಾನೇಜ್ಮೆಂಟ್ ಸಂಸ್ಥೆ ಬೆಂಗಳೂರಿನ ಕ್ರಿಸ್ಟ್ ಯೂನಿವರ್ಸಿಟಿ ಜೊತೆ ಸಲಹಾ ಒಪ್ಪಂದಕ್ಕೆ ಏ.25ರಂದು ಸಹಿ ಹಾಕಲಿದೆ ಎಂದು ಕಾಲೇಜಿನ ಪ್ರಾಂಶುಪಾಲ ಎಸ್.ಎಸ್.ಇಂಜಗನೆರಿ ತಿಳಿಸಿದರು.
ಅಂದು ಬೆಳಗ್ಗೆ 10.30ರಿಂದ ಕಾಲೇಜು ಕ್ಯಾಂಪಸ್ನಲ್ಲಿ ಕಾರ್ಯಕ್ರಮ ನಡೆಯಲಿದೆ. ಕಾಲೇಜಿನ ಅಧ್ಯಕ್ಷ ಡಾ.ಮಂಜುನಾಥ್ ಭಂಡಾರಿ ಒಪ್ಪಂದದ ಬಗ್ಗೆ ಮಾತನಾಡುವರು. ಬಳಿಕ ಕ್ರಿಸ್ಟ್ ಯೂನಿವರ್ಸಿಟಿ ಲೀಡರ್ಶಿಪ್ ಟೀಮ್ ಬಗ್ಗೆ ಪ್ರೆಸೆಂಟೇಷನ್ ನಡೆಯಲಿದೆ. ಬಳಿಕ ಸಹ್ಯಾದ್ರಿ ಕಾಲೇಜು ಪ್ರಾಂಶುಪಾಲ ಡಾ.ಎಸ್ಎಸ್.ಇಂಜಗನೆರಿ ಅವರು ಕಾಲೇಜಿನ ಬಗ್ಗೆ ತಿಳಿಸಲಿದ್ದಾರೆ. ಬಳಿಕ ಒಪ್ಪಂದಕ್ಕೆ ಸಹಿ ಮತ್ತು ದಾಖಲೆ ವಿನಿಮಯ ನಡೆಯಲಿದೆ ಎಂದರು.
ಬೆಂಗಳೂರಿನ ಕ್ರಿಸ್ಟ್ ಯೂನಿವರ್ಸಿಟಿ ತನ್ನ ಶೈಕ್ಷಣಿಕ ಗುಣಮಟ್ಟ, ಮೌಲ್ಯಾಧಾರಿತ ಶಿಕ್ಷಣಗಳಿಂದ, ಉನ್ನತ ಶಿಕ್ಷಣದಲ್ಲಿ ನಿರಂತರವಾಗಿ ಗುರುತಿಸಿಕೊಂಡಿದೆ. ಕ್ರಿಸ್ಟ್ ಯೂನಿವರ್ಸಿಟಿ ಮತ್ತು ಅದರ ವಿಭಾಗವಾದ ಕ್ರಿಸ್ಟ್ ಇನ್ಕ್ಯುಬೇಷನ್ ಮತ್ತು ಕನ್ಸಲ್ಟೆನ್ಸಿ ಫೌಂಡೇಶನ್ (ಸಿಐಸಿಎಫ್), ಸಹ್ಯಾದ್ರಿ ಕಾಲೇಜ್ ಆಫ್ ಎಂಜಿನಿಯರಿಂಗ್ ಆಂಡ್ ಮ್ಯಾನೇಜ್ಮೆಂಟ್ ಜೊತೆಗೆ ಸಲಹಾ ಒಪ್ಪಂದಕ್ಕೆ ಸಹಿ ಹಾಕಲಿದೆ. ಈ ಸಹಯೋಗ 2026-27ನೇ ಸಾಲಿನಲ್ಲಿ ಹೊಸದಾಗಿ ಪ್ರಾರಂಭಿಸಲಾದ ಬಿಬಿಎ, ಬಿಸಿಎ, ಎಂಸಿಎ ಕಾರ್ಯಕ್ರಮಗಳ ಅಭಿವೃದ್ಧಿ ಮತ್ತು ವರ್ಧನೆಯ ಮೇಲೆ ಕೇಂದ್ರಿಕರಿಸುತ್ತದೆ. ಇದು ಕಾರ್ಯತಂತ್ರದ ಶೈಕ್ಷಣಿಕ ಸಹಯೋಗವನ್ನು ಔಪಚಾರಿಕಗೊಳಿಸುತ್ತದೆ. ಈ ಸಲಹಾ ಒಪ್ಪಂದ ಎರಡೂ ಸಂಸ್ಥೆಗಳ ನಡುವಿನ ರಚನಾತ್ಮಕ ಮತ್ತು ವಿವರವಾದ ಪರಕಾಷ್ಠೆಯನ್ನು ಗುರುತಿಸುತ್ತದೆ. ಇದರಿಂದಾಗಿ ಕರಾವಳಿ ಪ್ರದೇಶದ ವಿದ್ಯಾರ್ಥಿ ಸಮುದಾಯದ ಹಿತಾಸಕ್ತಿಗಳಲ್ಲಿ ಅರ್ಥಪೂರ್ಣ ಮತ್ತು ದೀರ್ಘಕಾಲೀನ ಶೈಕ್ಷಣಿಕ ಪಾಲುದಾರಿಕೆಗೆ ಬಲವಾದ ಅಡಿಪಾಯ ಹಾಕಲಾಗುತ್ತದೆ ಎಂದರು.ಈ ಪಾಲುದಾರಿಕೆಯು ಪ್ರಾಥಮಿಕವಾಗಿ ಉದ್ಯಮ-ಸಂಯೋಜಿತ, NEP 2020-ಅನುಸರಣೆಯ ಪಠ್ಯಕ್ರಮದ ಮೇಲೆ ಅವಲಂಬಿತವಾಗಿದೆ. ಇದು ಬಿಸಿಎ ಕಾರ್ಯಕ್ರಮಕ್ಕಾಗಿ ಕೃತಕ ಬುದ್ಧಿಮತ್ತೆ, ಡೇಟಾ ಸೈನ್ಸ್, ಸೈಬರ್ ಭದ್ರತೆ ಮತ್ತು ಕ್ಲೌಡ್ ಕಂಪ್ಯೂಟಿಂಗ್ನಂತಹ ಉದಯೋನ್ಮುಖ ಡೊಮೇನ್ಗಳನ್ನು ಸಂಯೋಜಿಸುತ್ತದೆ. ಬಿಬಿಎ ಕಾರ್ಯಕ್ರಮ ವ್ಯಾಪಾರ ವಿಶ್ಲೇಷಣೆ, ಡಿಜಿಟಲ್ ಮಾರ್ಕೆಟಿಂಗ್, ಲಾಜಿಸ್ಟಿಕ್ಸ್ ಮತ್ತು ಸರಬರಾಜು ಸರಪಳಿ ನಿರ್ವಹಣೆ, ಚಿಲ್ಲರೆ ವ್ಯಾಪಾರ, ಹಣಕಾಸು, ಮಾರ್ಕೆಟಿಂಗ್ ಮತ್ತು ಎಚ್.ಆರ್.ಅನ್ನು ಒಳಗೊಂಡಿರುತ್ತದೆ ಎಂದರು.