ವಿವಿಧ ಬೇಡಿಕೆ ಈಡೇರಿಕೆಗೆ ಒತ್ತಾಯಿಸಿ ಮನವಿ

KannadaprabhaNewsNetwork |  
Published : Nov 21, 2026, 02:30 AM IST
ಸಂಡೂರು ತಾಲೂಕಿನ ಜೋಗ ಗ್ರಾಮಕ್ಕೆ ಮೂಲ ಸೌರ್ಕರ್ಯ ಒದಗಿಸುವುದು ಸೇರಿದಂತೆ ವಿವಿಧ ಬೇಡಿಕೆಗಳ ಈಡೇರಿಕೆಗೆ ಒತ್ತಾಯಿಸಿ ಕರ್ನಾಟಕ ಪ್ರಾಂತ ರೈತ ಸಂಘದ ಗ್ರಾಮ ಘಟಕದ ಮುಖಂಡರು ಗುರುವಾರ ಗ್ರೇಡ್ ೨ ತಹಸೀಲ್ದಾರ್ ಸುಧಾ ಅರಮನೆಗೆ ಮನವಿ ಸಲ್ಲಿಸಿದರು. | Kannada Prabha

ಸಾರಾಂಶ

ಕಾಡು ಮೃಗಗಳಿಂದ ರಕ್ಷಣೆ ನೀಡಬೇಕು. ಕಾಡು ಪ್ರಾಣಿಗಳಿಂದಾಗಿರುವ ಬೆಳೆ ನಷ್ಟಕ್ಕೆ ಪರಿಹಾರ ಒದಗಿಸಬೇಕು.

ಸಂಡೂರು: ತಾಲೂಕಿನ ಜೋಗ ಗ್ರಾಮಸ್ಥರ ವಿವಿಧ ಬೇಡಿಕೆ ಈಡೇರಿಕೆಗೆ ಒತ್ತಾಯಿಸಿ ಕರ್ನಾಟಕ ಪ್ರಾಂತ ರೈತ ಸಂಘದ ಗ್ರಾಮ ಘಟಕದ ಮುಖಂಡರು ಗುರುವಾರ ಗ್ರೇಡ್೨ ತಹಸೀಲ್ದಾರ್ ಸುಧಾ ಅರಮನೆಗೆ ಮನವಿ ಸಲ್ಲಿಸಿದರು.

ಸಂಘದ ಜಿಲ್ಲಾ ಉಪಾಧ್ಯಕ್ಷ ಜೆ.ಎಂ. ಚನ್ನಬಸಯ್ಯ ಮನವಿ ಪತ್ರ ಸಲ್ಲಿಸಿ, ತಾಳೂರು ಗ್ರಾಮಕ್ಕೆ ಸಂಪರ್ಕಿಸುವ ವಿ.ಆರ್.ನಂ.೧೫೬ ಸಿಂಗಪುರ ಬಸವಣ್ಣ ರಸ್ತೆ ಕಾಮಗಾರಿ ಕೆಲಸ ಮುಂದುವರೆಸಿ ಶೀಘ್ರ ಪೂರ್ಣಗೊಳಿಸಬೇಕು. ನೀರಾವರಿ ಪಂಪ್‌ಸೆಟ್‌ಗಳಿಗೆ ಉತ್ತಮ ವೋಲ್ಟೇಜ್‌ನೊಂದಿಗೆ ಹಗಲು ಹೊತ್ತಿನಲ್ಲಿ ನಿರಂತರ ವಿದ್ಯುತ್‌ ಒದಗಿಸಬೇಕು. ಪಂಪ್‌ಸೆಟ್ಸ್ ಸಂಖ್ಯೆ ಅನುಗುಣವಾಗಿ ಇನ್ನು ಹೆಚ್ಚುವರಿ ಟ್ರಾನ್ಸ್‌ಫಾರ್ಮ್ ಅಳವಡಿಸಬೇಕು.

ಕಾಡು ಮೃಗಗಳಿಂದ ರಕ್ಷಣೆ ನೀಡಬೇಕು. ಕಾಡು ಪ್ರಾಣಿಗಳಿಂದಾಗಿರುವ ಬೆಳೆ ನಷ್ಟಕ್ಕೆ ಪರಿಹಾರ ಒದಗಿಸಬೇಕು. ಫಾರಂ ೫೭ ಬಗರ್ ಹುಕುಂ ಹಾಗೂ ಅರಣ್ಯ ಭೂಮಿ ಸಾಗುವಳಿ ಮಾಡುತ್ತಿರುವ ೨೦೦ ಕ್ಕೂ ಹೆಚ್ಚು ಸಾಗುವಳಿದಾರರು ಹಕ್ಕು ಪತ್ರಕ್ಕಾಗಿ ಅರ್ಜಿ ಸಲ್ಲಿಸಿದ್ದಾರೆ. ಅವರಿಗೆ ಪಟ್ಟ ನೀಡಬೇಕು. ಅರಣ್ಯ ಸಾಗುವಳಿದಾರರ ಹಲವು ರೈತರ ಅರ್ಜಿ ಬಿಟ್ಟು ಹೋಗಿದ್ದು, ಅವು ಪಟ್ಟಿಯಲ್ಲಿ ಸೇರಿಸಬೇಕು. ಪಹಣಿಯಲ್ಲಿ ಸಾಗುವಳಿ ಭೂಮಿಬಿ.ಕರಾಬು, ಗಯಾಳು ಎಂದು ನಮೂದಿಸಿರುವುದನ್ನು ತೆಗೆಯಬೇಕು.

ಜೋಗ ಗ್ರಾಮದ ಗಂಜಿ ಹನುಮಪ್ಪದಾರಿ, ಬಳ್ಳಾರಿ ನಾರಾಯಣಪ್ಪ ತೋಟದಿಂದ ಗೋವರ್ಧನ ಹೊಲದ ದಾರಿ ಹಾಗೂ ಗಾದಿಗನೂರು ದಾರಿ ಸೇರಿದಂತೆ ಎಲ್ಲ ಹೊಲಗಳ ಬಂಡಿ ರಸ್ತೆ ದುರಸ್ತಿ ಮಾಡಬೇಕು. ಜೋಗದ ಕೆರೆಗೆ ತುಂಗಭದ್ರಾ ನದಿಯಿಂದ ನೀರು ತುಂಬಿಸಬೇಕು. ಸಾರ್ವಜನಿಕ ಶೌಚಾಲಯ, ಸಮರ್ಪಕ ಸಾರಿಗೆ ವ್ಯವಸ್ಥೆ, ಬಸ್ ನಿಲ್ದಾಣ, ಗ್ರಂಥಾಲಯ, ಆರೋಗ್ಯ ಸೌಲಭ್ಯ, ಕಲ್ಯಾಣ ಮಂಟಪ, ವಸತಿ ನಿವೇಶನ, ಮಸಣಗಳಿಗೆ ರಕ್ಷಣಾಗೋಡೆ, ಹೈನುಗಾರಿಕೆ ಸೌಲಭ್ಯ, ಯುವಜನರಿಗೆ ಕೌಶಲ್ಯ ತರಬೇತಿ ಒದಗಿಸಬೇಕೆಂಬುದು ನಮ್ಮ ಬೇಡಿಕೆಗಳಾಗಿವೆ. ಗ್ರಾಮಸ್ಥರ ಬೇಡಿಕೆ ಈಡೇರಿಸಲು ಸರ್ಕಾರ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದರು.

ಸಂಘದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಖಲಂದರಬಾಷ, ತಾಲೂಕಾಧ್ಯಕ್ಷ ಜಿ.ಪಂಪನಗೌಡ, ಸಹ ಕಾರ್ಯದರ್ಶಿ ಎಸ್. ಕಾಲುಬ, ಸಿಪಿಎಂ ಕಾರ್ಯದರ್ಶಿ ಎ. ಸ್ವಾಮಿ, ಮುಖಂಡ ಎನ್. ಸಂಕಣ್ಣ, ಹನುಮಂತಪ್ಪ, ಪಿ.ಶರಣಬಸವನ, ಜಿ. ಭದ್ರಗೌಡ, ರಾಮಣ್ಣ, ಎ. ಹೊನ್ನೂರಪ್ಪ, ಮಾರೇಶ, ಯಂಕಪ್ಪ, ಉಮೇಶ, ಕೆ. ಹೊನ್ನೂರಪ್ಪ, ಕೆ. ಬಸವರಾಜ ಉಪಸ್ಥಿತರಿದ್ದರು.

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಬೇಸಿಗೆಗೆ ನೀರು ಆಪೋಶನ: ಜಲಕ್ಷಾಮ ಭೀತಿ !
371ಜೆ ಹೋರಾಟಕ್ಕೆ ಕಾಲೇಜು ವಿದ್ಯಾರ್ಥಿಗಳ ಅಭೂತಪೂರ್ವ ಬೆಂಬಲ