ಡಿಸೆಂಬರ್‌ 13ರಂದು ರಾಷ್ಟ್ರೀಯ ಲೋಕ್‌ ಆದಾಲತ್‌

ಸಾರಾಂಶ

ಪರಸ್ಪರ ರಾಜಿ–ಸಂಧಾನದ ಮೂಲಕ ದೀರ್ಘ ಕಾಲದಿಂದ ನ್ಯಾಯಾಲಯಗಳಲ್ಲಿ ಅವಲಂಬಿಸಿ ನಿಂತಿರುವ ಪ್ರಕರಣಗಳನ್ನು ಬಗೆಹರಿಸುವಲ್ಲಿ ಲೋಕ್‌ ಆದಾಲತ್‌ ಪ್ರಮುಖ ವೇದಿಕೆಯಾಗಿದ್ದು, ಇದರ ಸದುಪಯೋಗವನ್ನು ನಾಗರಿಕರು ಪಡೆಯಲು ಕೋರಲಾಗಿದೆ ಎಂದು ತಾಲೂಕು ಕಾನೂನು ಸೇವಾ ಸಮಿತಿ ಅಧ್ಯಕ್ಷರು ಹಾಗೂ ಹಿರಿಯ ಸಿವಿಲ್ ನ್ಯಾಯಾಧೀಶರಾದ ಕಿರಣ್‌ ಕುಮಾರ್‌ ಡಿ. ವಡಿಗೇರಿ ತಿಳಿಸಿದರು. ಪ್ರಕರಣಗಳ ಪ್ರಮಾಣ ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ ಸಮಯ ಮತ್ತು ಹಣ ವ್ಯಯವಾಗುತ್ತಿದ್ದು, ಕಕ್ಷಿದಾರರು ಮಾನಸಿಕ ಒತ್ತಡ ಅನುಭವಿಸುವ ಪರಿಸ್ಥಿತಿ ಹೆಚ್ಚಾಗಿದೆ. ಈ ಹಿನ್ನೆಲೆಯಲ್ಲಿ ಲೋಕ್‌ ಆದಾಲತ್‌ ಕಲಾಪಗಳು ನ್ಯಾಯಾಂಗಕ್ಕೆ ಪರ್ಯಾಯ ಪರಿಹಾರ ವ್ಯವಸ್ಥೆಯಾಗಿ ಕಾರ್ಯನಿರ್ವಹಿಸುತ್ತಿವೆ ಎಂದು ಹೇಳಿದರು.