ಬೆಂಗಳೂರು ನಗರದಲ್ಲಿ ತೆಬಿಯಾ ರೋಸಿಯಾ ಹೂ ವೈಭವ!

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಪ್ರತಿ ವರ್ಷದಿಂದ ಈ ವರ್ಷವೂ ಬೆಂಗಳೂರಿನ ರಸ್ತೆ ಬದಿಗಳಲ್ಲಿ, ಉದ್ಯಾನಗಳು, ಕೆರೆ ಪ್ರದೇಶಗಳು, ಅಪಾರ್ಟ್‌ಮೆಂಟ್, ಕಚೇರಿ ಆವರಣಗಳು ಸೇರಿದಂತೆ ನಗರದ ಬಹುತೇಕ ಕಡೆಗಳಲ್ಲಿ ಗುಲಾಬಿ, ಬಿಳಿ, ತಿಳಿ ಗುಲಾಬಿ, ಹಳದಿ ಬಣ್ಣದ ‘ತೆಬಿಯಾ ರೋಸಿಯಾ’ ಹೂವುಗಳು ಅರಳಿ ನಿಂತಿವೆ.

ಮೂಲತಃ ಮೆಕ್ಸಿಕೋ, ಉತ್ತರ ಅಮೆರಿಕ ದೇಶದ ತಳಿಯಾದ ಈ ಮರಗಳನ್ನು 19ನೇ ಶತಮಾನದ ಕೊನೆಯಲ್ಲಿ ಬ್ರಿಟಿಷರ ಕಾಲದಲ್ಲಿ ಬೆಂಗಳೂರಿಗೆ ತರಲಾಯಿತು. ನಗರದ ಹವಾಮಾನಕ್ಕೆ ಈ ಮರಗಳು ಅದೆಷ್ಟು ಹೊಂದಿಕೊಂಡಿವೆ ಎಂದರೆ, ಬೆಂಗಳೂರಿನ ಅವಿಭಾಜ್ಯ ಅಂಗವಾಗಿ ಹೋಗಿವೆ. ಸುಂದರವಾಗಿ ಅರಳುವ ಈ ಹೂವುಗಳು, ನಗರದ ಮಾಲಿನ್ಯದ ನಡುವೆಯೂ ಹೊಸ ಚೈತನ್ಯ ನೀಡುತ್ತಿವೆ.ಸೋಷಿಯಲ್ ಮೀಡಿಯಾದಲ್ಲಿ ಹವಾ: ಜಾಲತಾಣಗಳಾದಇನ್‌ಸ್ಟಾಗ್ರಾಂ ಮತ್ತು ಫೇಸ್‌ಬುಕ್‌ ರೀಲ್ಸ್‌ಗಳಲ್ಲಿ ಈ ಹೂವುಗಳ ಸೌಂದರ್ಯದ್ದೇ ಕಾರುಬಾರು. ಬೆಳ್ಳಂಬೆಳಗ್ಗೆ ಯುವಜನರು ಹೂವುಗಳ ಫೋಟೋಗ್ರಾಫಿ ಮಾಡುತ್ತಾರೆ. ಪ್ರವಾಸಿಗರು ಮರದ ಬಳಿ ನಿಂತು ಫೋಟೋ ಕ್ಲಿಕ್ಕಿಸಿಕೊಂಡು ಸಂತಸ ಪಡುವುದು ಕಂಡು ಬಂತು.