ರೈತನ ಬದುಕನ್ನು ಯಾರೂ ನೆನಸಿಕೊಳ್ಳುವುದಿಲ್ಲ: ಸುನೀತ ಪುಟ್ಟಣ್ಣಯ್ಯ
ಸಾರಾಂಶ
ರಾಜ್ಯ ಸರ್ಕಾರ ಅಥವಾ ಕೇಂದ್ರ ಸರ್ಕಾರವಾಗಲಿ ರೈತರ ಹೋರಾಟವನ್ನು ದಾಖಲೀಕರಣ ಮಾಡಿಲ್ಲ. ರೈತರಿಗೆ ಜಾಗೃತಿ ಮೂಡಿಸುತ್ತಿಲ್ಲ. ರೈತರ ಬದುಕಿನ ಉನ್ನತಿಗೆ ಹೆಚ್ಚಿನ ಕಾಳಜಿ ವಹಿಸಿಲ್ಲ. ರೈತನ ಬದುಕನ್ನು ಯಾರೂ ನೆನಸಿಕೊಳ್ಳುವುದಿಲ್ಲ. ಆದರೆ, ಕರ್ನಾಟಕ ಲಲಿತಕಲಾ ಅಕಾಡೆಮಿ ರೈತರ ಚಳವಳಿ, ಹೋರಾಟ, ಬದುಕಿನ ಚಿತ್ರದಾಖಲೆ ಮಾಡುತ್ತಿರುವುದು ರೈತ ಕುಟುಂಬಕ್ಕೆ ನೀಡಿದ ಗೌರವ ಎಂದೇ ಭಾವಿಸುತ್ತೇನೆ
ಕನ್ನಡಪ್ರಭ ವಾರ್ತೆ ಮೇಲುಕೋಟೆ
ಮೇಲುಕೋಟೆಯಲ್ಲಿ ಕರ್ನಾಟಕ ಲಲಿತಕಲಾ ಅಕಾಡೆಮಿ, ರಾಜ್ಯ ರೈತಸಂಘ ಪಾಂಡವಪುರ ತಾಲೂಕು ಘಟಕ ಮತ್ತು ಕರ್ನಾಟಕ ಸಂಸ್ಕೃತ ವಿವಿ ಸಹಯೋಗದಲ್ಲಿ ಹಮ್ಮಿಕೊಂಡಿರುವ ರೈತರ ಬದುಕು ಹೋರಾಟ ಚಳವಳಿಯ ಚಿತ್ರದಾಖಲೆ, ರೈತರಿಗೆ ಚಿತ್ರನಮನ ಕಲಾ ಶಿಬಿರ ಉದ್ಘಾಟಿಸಿ ಮಾತನಾಡಿದರು.
ರಾಜ್ಯ ಸರ್ಕಾರ ಅಥವಾ ಕೇಂದ್ರ ಸರ್ಕಾರವಾಗಲಿ ರೈತರ ಹೋರಾಟವನ್ನು ದಾಖಲಿಕರಣ ಮಾಡಿಲ್ಲ. ರೈತರಿಗೆ ಜಾಗೃತಿ ಮೂಡಿಸುತ್ತಿಲ್ಲ. ರೈತರ ಬದುಕಿನ ಉನ್ನತಿಗೆ ಹೆಚ್ಚಿನ ಕಾಳಜಿ ವಹಿಸಿಲ್ಲ. ರೈತನ ಬದುಕನ್ನು ಯಾರೂ ನೆನಸಿಕೊಳ್ಳುವುದಿಲ್ಲ. ಆದರೆ, ಕರ್ನಾಟಕ ಲಲಿತಕಲಾ ಅಕಾಡೆಮಿ ರೈತರ ಚಳವಳಿ, ಹೋರಾಟ, ಬದುಕಿನ ಚಿತ್ರದಾಖಲೆ ಮಾಡುತ್ತಿರುವುದು ರೈತ ಕುಟುಂಬಕ್ಕೆ ನೀಡಿದ ಗೌರವ ಎಂದೇ ಭಾವಿಸುತ್ತೇನೆ ಎಂದರು.ರೈತ ನಾಯಕ ಗೋವಿಂದೇಗೌಡ ಮಾತನಾಡಿ, ಅರಣ್ಯಇಲಾಖೆ ಯಾರಿಗೂ ಲಾಭ ಮಾಡಿಕೊಡುವ ಸಲುವಾಗಿ ಎಲ್ಲಾ ಹಳ್ಳಿಗಳಲ್ಲೂ ನೀಲಗಿರಿ ಮರಗಳನ್ನು ನೆಟ್ಟು ಪರಿಸರ ನಾಶ ಮಾಡಿತು. ಇಂತಹ ಸಂದರ್ಭದಲ್ಲಿ ಇದರ ವಿರುದ್ಧ ದನಿಎತ್ತಿ ಪರಿಸರ ಉಳಿಸಲು ರೈತ ಸಂಘ ಹೋರಾಟ ಮಾಡಿದೆ ಎಂದರು.
ರೈತ ಸಂಘದ ಜಿಲ್ಲಾಧ್ಯಕ್ಷ ಕೆಂಪೂಗೌಡ ಮಾತನಾಡಿ, ರೈತಸಂಘ ಸಕ್ರಿಯವಾಗಿ ದೊಡ್ಡ ದೊಡ್ಡ ಚಳವಳಿ ಮಾಡಿದೆ. ಆದರೆ, ಯಾವುದೇ ಹೋರಾಟಗಳೂ ದಾಖಲೀಕರಣವಾಗಿಲ್ಲ. ಮೇಲುಕೋಟೆಯಲ್ಲಿ ಚಿತ್ರಕಲೆ ಮೂಲಕ ರೈತರ ಚಳವಳಿ ಬದುಕು ಹೋರಾಟವನ್ನು ಪ್ರಥಮ ಬಾರಿಗೆ ದಾಖಲೀಕರಣವಾಗುತ್ತಿದೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.
ಅಧ್ಯಕ್ಷತೆ ವಹಿಸಿದ್ದ ಶಾಸಕ ದರ್ಶನ್ಪುಟ್ಟಣ್ಣಯ್ಯ ಮಾತನಾಡಿ, ರೈತಸಂಘದ ಹೋರಾಟ ತ್ಯಾಗ ಜೀವನವಾಗಿದೆ. ರೈತ ಹೋರಾಟಗಾರರು ಇಡೀ ಜೀವನ ಬಿಟ್ಟು ತಿಂಗಳುಗಟ್ಟಲೆ ಮನೆಯಿಂದ ಹೊರಗೆ ಉಳಿದು ರೈತರ ಬದುಕು ಹಸನು ಮಾಡಲು ಶ್ರಮಿಸಿದ್ದಾರೆ ಎಂದರು.
ವೇದಿಕೆಯಲ್ಲಿ ಕರ್ನಾಟಕ ಲಲಿತಕಲಾ ಅಕಾಡೆಮಿ ಅಧ್ಯಕ್ಷ ಪ.ಸ.ಕುಮಾರ್, ರಿಜಿಸ್ಟಾರ್ ಎನ್.ನಮ್ರತಾ, ಭರಾರಾಸಂಸಂ ಕುಲಸಚಿವ ಡಾ.ಕುಮಾರ್ ಸೇರಿದಂತೆ ಹಲವು ಗಣ್ಯರು ಉಪಸ್ಥಿತರಿದ್ದರು.