ಯಕ್ಷಗಾನ ಉಳಿದರೆ ಸಂಸ್ಕೃತಿ, ಪರಂಪರೆಯ ಉಳಿವು: ಲೋಕೇಶ ಗುಣವಂತೆ

ಅಂಕೋಲಾ: ಯಕ್ಷಗಾನದ ಕಲಿಕೆ, ಅಭ್ಯಾಸ ಹಾಗೂ ರಂಗಪ್ರದರ್ಶನದ ಮೂಲಕ ಕರಾವಳಿಯ ಶ್ರೀಮಂತ ಕಲಾ ಪರಂಪರೆಯನ್ನು ಮುಂದಿನ ತಲೆಮಾರಿಗೆ ಪರಿಚಯಿಸುವ ನಿಟ್ಟಿನಲ್ಲಿ ಗೋಕರ್ಣದ ಗಂಗೆಕೊಳ್ಳದ ಶ್ರೀ ಗುರುಕೃಪಾ ಯಕ್ಷಗಾನ ಕಲಿಕಾ ಕೇಂದ್ರದ ವಿದ್ಯಾರ್ಥಿಗಳು ನೀಡಿದ ರಂಗಪ್ರವೇಶ ಹಾಗೂ ಯಕ್ಷಗಾನ ಪ್ರದರ್ಶನ ಕಾರ್ಯಕ್ರಮವು ಪ್ರೇಕ್ಷಕರ ಮನಸೂರೆಗೊಂಡಿತು.

ಸನ್ಮಾನ ಸ್ವೀಕರಿಸಿ ಮಾತನಾಡಿದ ಲೋಕೇಶ ಗುಣವಂತೆ, ಯಕ್ಷಗಾನ ಕಲೆಯ ಉಳಿವಿನೊಂದಿಗೆ ನಮ್ಮ ಸಂಸ್ಕೃತಿ, ಜಾನಪದ ಪರಂಪರೆ ಹಾಗೂ ಸಾಂಪ್ರದಾಯಿಕ ಮೌಲ್ಯಗಳನ್ನು ಉಳಿಸಿ ಬೆಳೆಸಲು ಸಾಧ್ಯವಿದೆ. ಈ ಉದ್ದೇಶದಿಂದ ಆರಂಭಗೊಂಡಿರುವ ಕಲಿಕಾ ಕೇಂದ್ರದಲ್ಲಿ ವಿದ್ಯಾರ್ಥಿಗಳು ಅತ್ಯಂತ ಆಸಕ್ತಿ ಹಾಗೂ ಉತ್ಸಾಹದಿಂದ ಯಕ್ಷಗಾನ ಕಲಿತು, ಮಾದರಿಯಾಗುವ ರೀತಿಯಲ್ಲಿ ರಂಗಪ್ರದರ್ಶನ ನೀಡುತ್ತಿರುವುದು ಸಂತಸದ ಸಂಗತಿಯಾಗಿದೆ ಎಂದರು.

ನಂತರ ಕಲಿಕಾ ಕೇಂದ್ರದ ವಿದ್ಯಾರ್ಥಿಗಳು ಪ್ರಸ್ತುತಪಡಿಸಿದ ''''''''''''''''ಜಾಂಬವತಿ ಕಲ್ಯಾಣ'''''''''''''''' ಯಕ್ಷಗಾನ ಪ್ರಸಂಗವು ಯಕ್ಷಗಾನ ಪ್ರೇಮಿಗಳ ಮನತಣಿಸಿತು. ಮಂಜುನಾಥ ಗೌಡ ಕಾರ್ಯಕ್ರಮ ನಿರೂಪಿಸಿದರು. ಶಿವದುರ್ಗಾ ಸಮಿತಿಯ ಸದಸ್ಯರು ಉಪಸ್ಥಿತರಿದ್ದರು. ಶಾಂತಾ ನಾರಾಯಣ ನಾಯ್ಕ ಕುಟುಂಬದವರು ಕಾರ್ಯಕ್ರಮಕ್ಕೆ ವಿಶೇಷ ಸಹಕಾರ ನೀಡಿದರು.