ಖಾಸಗಿ ಕ್ಲಬ್ ನಿಯಂತ್ರಿಸಿ: ಸದನ ಸಮಿತಿ
ಸಾರಾಂಶ
ಬ್ಗಳ ನಿಯಂತ್ರಣಕ್ಕೆ ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ವಿಧಾನಪರಿಷತ್ ವಿಶೇಷ ಸದನ ಸಮಿತಿ ಸರ್ಕಾರಕ್ಕೆ ವರದಿ ಸಲ್ಲಿಸಿದೆ.
ಕನ್ನಡಪ್ರಭ ವಾರ್ತೆ ವಿಧಾನಪರಿಷತ್
ರಾಜ್ಯ ಮತ್ತು ಬಿಬಿಎಂಪಿಯಲ್ಲಿನ ಕ್ಲಬ್ಗಳ ಕಾರ್ಯವೈಖರಿ ಮತ್ತು ಚಟುವಟಿಕೆಗಳ ಬಗ್ಗೆ ಪರಿಶೀಲಿಸಿ ವರದಿ ಸಲ್ಲಿಸುವ ಕುರಿತು ಬಿಜೆಪಿಯ ಎನ್. ರವಿಕುಮಾರ್ ಅಧ್ಯಕ್ಷತೆಯಲ್ಲಿ 2020ರ ಜೂನ್ನಲ್ಲಿ ಸದನ ಸಮಿತಿ ರಚಿಸಲಾಗಿತ್ತು. ಸಮಿತಿಯು ಬೆಂಗಳೂರಿನ ವಿವಿಧ ಕ್ಲಬ್ಗಳ ಕಾರ್ಯವೈಖರಿಯನ್ನು ಪರಿಶೀಲಿಸಿ ವರದಿ ಸಿದ್ಧಪಡಿಸಿದೆ. ವರದಿಯಲ್ಲಿ ಕ್ಲಬ್ಗಳ ಕಾರ್ಯವೈಖರಿ ಸುಧಾರಿಸುವುದು ಹಾಗೂ ಸರ್ಕಾರ ನಿಯಂತ್ರಣ ಹೊಂದುವ ಕುರಿತಂತೆ 23 ಶಿಫಾರಸುಗಳನ್ನು ಮಾಡಲಾಗಿದ್ದು, ಗುರುವಾರ ವಿಧಾನ ಪರಿಷತ್ನಲ್ಲಿ ವರದಿಯನ್ನು ಮಂಡಿಸಲಾಯಿತು.ಕ್ಲಬ್ಗಳ ನಿಯಂತ್ರಣಕ್ಕೆ ಮಸೂದೆಗೆ ತಿದ್ದುಪಡಿ:
ರಾಜ್ಯದಲ್ಲಿನ ಬಹುತೇಕ ಮನರಂಜನಾ ಕ್ಲಬ್ಗಳಲ್ಲಿ ಸಾಂಸ್ಕೃತಿಕ ಉಡುಗೆ ಪ್ರವೇಶಕ್ಕೆ ನಿಷೇಧವಿದ್ದು, ಅದನ್ನು ತೆರವು ಮಾಡುವಂತೆ ಕ್ಲಬ್ಗಳಿಗೆ ಕಟ್ಟುನಿಟ್ಟಿನ ಸೂಚನೆ ನೀಡಬೇಕು. ಕ್ಲಬ್ಗಳ ಸದಸ್ಯತ್ವ ಶುಲ್ಕ ನಿಗದಿಗೆ ಸರ್ಕಾರವು ಸೂಕ್ತ ಮಾನದಂಡ ರೂಪಿಸಬೇಕು ಹಾಗೂ ಕ್ಲಬ್ಗಳು ಅದನ್ನು ಕಡ್ಡಾಯವಾಗಿ ಪಾಲನೆ ಮಾಡಬೇಕು. ಸರ್ಕಾರದಿಂದ ಭೂಮಿ ಮತ್ತು ಇತರ ಸವಲತ್ತು ಪಡೆದಿರುವ ಕ್ಲಬ್ಗಳು ವಾರ್ಷಿಕ ಆದಾಯದಲ್ಲಿ ಶೇ.5ರಿಂದ 7ರಷ್ಟನ್ನು ಶುಲ್ಕದ ರೂಪದಲ್ಲಿ ಸರ್ಕಾರಕ್ಕೆ ನೀಡಬೇಕು ಎಂಬ ಶಿಫಾರಸನ್ನು ವರದಿಯಲ್ಲಿ ಮಾಡಲಾಗಿದೆ. ಅದರ ಜತೆಗೆ ಮನರಂಜನಾ ಕ್ಲಬ್ಗಳ ಮೇಲೆ ಸರ್ಕಾರ ಹಿಡಿತ ಹೊಂದಲು ಹಾಗೂ ಕ್ಲಬ್ಗಳಲ್ಲಿನ ವ್ಯವಸ್ಥೆಯಲ್ಲಿ ಆಮೂಲಾಗ್ರ ಬದಲಾವಣೆ ತರಲು ಕರ್ನಾಟಕ ಸಂಘಗಳ ನೋಂದಣಿ ಮಸೂದೆ 1961ಕ್ಕೆ ತಿದ್ದುಪಡಿ ತರಬೇಕು ಎಂದು ಹೇಳಲಾಗಿದೆ.ಜನಪ್ರತಿನಿಧಿಗಳಿಗೆ ಸದಸ್ಯತ್ವ, ಹೊಸ ಕ್ಲಬ್ ಸ್ಥಾಪನೆ:
ಕ್ಲಬ್ ಸ್ಥಳಾಂತರಿಸಿ
----
ವರದಿಯಲ್ಲಿನ ಇನ್ನಿತರ ಶಿಫಾರಸುಗಳು*ಕ್ಲಬ್ಗಳು ಸರ್ಕಾರಿ ಆಸ್ಪತ್ರೆ ಅಥವಾ ಶಾಲೆಗಳನ್ನು ದತ್ತು ಪಡೆದು ಅಭಿವೃದ್ಧಿ ಮಾಡಬೇಕು
*ಹೊಸ ಬಡಾವಣೆಗೆ ಅನುಮತಿ ನೀಡುವ ಸಂದರ್ಭದಲ್ಲಿ ಮನರಂಜನಾ ಕ್ಲಬ್ ಸ್ಥಾಪನೆಗೆ ಸ್ಥಳ ನಿಗದಿ ಮಾಡಬೇಕು
*ಪ್ರತಿ ಕ್ಲಬ್ನಲ್ಲೂ ಸದಸ್ಯರಿಗಾಗಿ ಹೆಲ್ತ್ ಕ್ಲಬ್ ವ್ಯವಸ್ಥೆ ಮಾಡಬೇಕು*ಪ್ರತಿ ತಾಲೂಕಿನಲ್ಲೂ ಕ್ಲಬ್ ಸ್ಥಾಪನೆಗೆ ಸರ್ಕಾರದಿಂದ ಜಾಗ ನೀಡಬೇಕು