ಲಾಭದತ್ತ ಮುನ್ನಡೆದ ಆರ್ಎಪಿಸಿಎಂಎಸ್: ಬೇಲೂರು ಸೋಮಶೇಖರ್
ಸಾರಾಂಶ
ಸೀಮೆಎಣ್ಣೆ ವಿಭಾಗದಿಂದ ೯ ಲಕ್ಷ ರು., ಫುಡ್ ವಿಭಾಗದಿಂದ ೧.೨೭ ಕೋಟಿ ರು., ಹಾರ್ಡ್ವೇರ್ ವಿಭಾಗದಿಂದ ೩.೨೦ ಕೋಟಿ ರು., ಪೆಟ್ರೋಲ್ ವಿಭಾಗದಿಂದ ೯ ಲಕ್ಷ ರು. ಹಾಗೂ ವ್ಯವಸಾಯ ಇಲಾಖೆಯಿಂದ ೧೫.೯೨ ಲಕ್ಷ ರು. ಆದಾಯ ಬಂದಿದೆ. ಬ್ಯಾಂಕಿಂಗ್ ವಿಭಾಗದಲ್ಲಿ ೭.೫೬ ಕೋಟಿ ಲಾಭ ಬಂದಿದೆ.
ಕನ್ನಡಪ್ರಭ ವಾರ್ತೆ ಮಂಡ್ಯ
ಸಭೆಯಲ್ಲಿ ನಿರ್ದೇಶಕ ಬೇಲೂರು ಸೋಮಶೇಖರ್ ಮಾತನಾಡಿ, ರೈತ ಸಭಾಂಗಣದ ಅಭಿವೃದ್ಧಿಗೆ ಕೇಂದ್ರ ಸಚಿವ ಹಾಗೂ ಮಂಡ್ಯ ಲೋಕಸಭಾ ಸದಸ್ಯ ಎಚ್.ಡಿ.ಕುಮಾರಸ್ವಾಮಿ ಅವರು ೫ ಕೋಟಿ ರು. ಅನುದಾನ ನೀಡಿದ್ದು, ಇದರ ಮೂಲಕ ವಿವಿಧ ಅಭಿವೃದ್ಧಿ ಕಾಮಗಾರಿಗಳನ್ನು ಸುಸಜ್ಜಿತವಾಗಿ ಪೂರ್ಣಗೊಳಿಸಲಾಗಿದೆ ಎಂದರು.
ಸಭಾಂಗಣದ ಆವರಣದಲ್ಲಿ ಪಾರ್ಕ್ ಮುಂಭಾಗದ ಕಾಂಪೌಂಡ್, ಅಡುಗೆ ಮನೆ, ಲಿಫ್ಟ್ ಹಾಗೂ ಜನರೇಟರ್ ಸೇರಿದಂತೆ ಹಲವು ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ ಎಂದರು.ಸಂಘದ ಪ್ರಸಕ್ತ ಸಾಲಿನ ಆರ್ಥಿಕ ಪ್ರಗತಿ ಕುರಿತು ಮಾತನಾಡಿದ ಅವರು, ಸೀಮೆಎಣ್ಣೆ ವಿಭಾಗದಿಂದ ೯ ಲಕ್ಷ ರು., ಫುಡ್ ವಿಭಾಗದಿಂದ ೧.೨೭ ಕೋಟಿ ರು., ಹಾರ್ಡ್ವೇರ್ ವಿಭಾಗದಿಂದ ೩.೨೦ ಕೋಟಿ ರು., ಪೆಟ್ರೋಲ್ ವಿಭಾಗದಿಂದ ೯ ಲಕ್ಷ ರು. ಹಾಗೂ ವ್ಯವಸಾಯ ಇಲಾಖೆಯಿಂದ ೧೫.೯೨ ಲಕ್ಷ ರು. ಆದಾಯ ಬಂದಿದೆ. ಬ್ಯಾಂಕಿಂಗ್ ವಿಭಾಗದಲ್ಲಿ ೭.೫೬ ಕೋಟಿ ಲಾಭ ಬಂದಿದೆ ಎಂದರು.
ಸಂಘದ ಉಪಾಧ್ಯಕ್ಷ ಜೆ.ಪಿ.ಮಹೇಶ್ ಅವರು ಮಹಾಸಭೆಯನ್ನು ಉದ್ಘಾಟಿಸಿದರು. ನಿರ್ದೇಶಕರಾದ ಕೆ.ಸಿ.ರವೀಂದ್ರ, ಎನ್. ಪುನೀತ್, ಎಚ್.ಎಸ್.ಯೋಗೇಶ್ಕುಮಾರ್, ಎಂ.ಪಿ.ಶ್ರೀಧರ್, ಜಿ.ಎನ್.ಉದಯ್ಕುಮಾರ್, ಸಿ.ಕೆ.ಪಾಪಯ್ಯ, ಕೆ.ಹೇಮಲತಾ, ಜಿ.ಎಸ್. ಅಂಜನಾ, ಸಾತನೂರು ಸತೀಶ್, ಪಿ.ಕೆ.ದೊರೆಸ್ವಾಮಿ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.ಲಕ್ಷ್ಮಣಗೌಡಗೆ ಪಿಎಚ್.ಡಿ ಪದವಿ
ಮುಂದಿನ ವಾರ್ಷಿಕ ಘಟಿಕೋತ್ಸವದಲ್ಲಿ ಬಿ.ಎಚ್.ಲಕ್ಷ್ಮಣಗೌಡ ಅವರಿಗೆ ಪಿಎಚ್.ಡಿ ಪದವಿ ಪ್ರದಾನ ಮಾಡಲಾಗುವುದೆಂದು ಮೈಸೂರು ವಿಶ್ವವಿದ್ಯಾನಿಲಯದ ಪರೀಕ್ಷಾಂಗ ವಿಭಾಗದ ಕುಲಸಚಿವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಬಿ.ಎಚ್.ಲಕ್ಷ್ಮಣಗೌಡ ಅವರ ಸಾಧನೆಗೆ ಕುಟುಂಬಸ್ಥರು ಹಾಗೂ ಹಿತೈಷಿಗಳು ಅಭಿನಂದಿಸಿದ್ದಾರೆ.