ಬೆಳೆಯ ವಸ್ತು ಸ್ಥಿತಿ, ಮಳೆಯ ಪ್ರಮಾಣ ಅರಿತು ಸರ್ಕಾರಕ್ಕೆ ವರದಿ: ಡಿಸಿ
ಸಾರಾಂಶ
೨ ವಾರದ ನಂತರ ಬೆಳೆಯ ವಸ್ತು ಸ್ಥಿತಿ ಹಾಗೂ ಮಳೆಯ ಪ್ರಮಾಣ ಅರಿತುಕೊಂಡು ಸರ್ಕಾರಕ್ಕೆ ಸಮಗ್ರ ವರದಿ ಸಲ್ಲಿಸಲಾಗುವುದು.
ಮುಂಡಗೋಡಕ್ಕೆ ಭೇಟಿ, ನಗರೋತ್ಥಾನ ಯೋಜನೆಯ ವಿವಿಧ ಕಾಮಗಾರಿ ಪರಿಶೀಲನೆ
೨ ವಾರದ ನಂತರ ಬೆಳೆಯ ವಸ್ತು ಸ್ಥಿತಿ ಹಾಗೂ ಮಳೆಯ ಪ್ರಮಾಣ ಅರಿತುಕೊಂಡು ಸರ್ಕಾರಕ್ಕೆ ಸಮಗ್ರ ವರದಿ ಸಲ್ಲಿಸಲಾಗುವುದು ಎಂದು ಜಿಲ್ಲಾಧಿಕಾರಿ ಕೆ. ಲಕ್ಷ್ಮಿಪ್ರಿಯಾ ಹೇಳಿದರು.
ಬುಧವಾರ ಪಟ್ಟಣಕ್ಕೆ ಭೇಟಿ ನೀಡಿ ಮಳೆ-ಬೆಳೆ ಸೇರಿದಂತೆ ವಿವಿಧ ವಿಷಯಗಳ ಪ್ರಗತಿ ಪರಿಶೀಲನೆ ನಡೆಸಿ ನಗರೋತ್ಥಾನ ಯೋಜನೆಯಡಿ ಕೈಗೊಂಡ ವಿವಿಧ ಕಾಮಗಾರಿ ಪರಿಶೀಲಿಸಿ ಬಳಿಕ ಪತ್ರಕರ್ತರೊಂದಿಗೆ ಮಾತನಾಡಿದರು.ಪ್ರಸಕ್ತ ಸಾಲಿನಲ್ಲಿ ಮಳೆ ಕೊರತೆಯಾಗಿರುವುದರಿಂದ ಇಲ್ಲಿ ಬೆಳೆಯಲಾದ ಭತ್ತ, ಗೋವಿನ ಜೋಳ, ಶುಂಠಿ ಮುಂತಾದ ಬೆಳೆಗಳು ಕುಂಠಿತವಾಗಿದೆ. ಸದ್ಯದ ಪರಿಸ್ಥಿತಿಯಲ್ಲಿ ಗದ್ದೆಗಳೆಲ್ಲ ಹಸಿರಾಗಿಯೇ ಕಾಣುತ್ತಿರುವುದರಿಂದ ಈಗಲೇ ಸಮೀಕ್ಷೆ ನಡೆಸಿ ವರದಿ ಸಲ್ಲಿಸಿದರೆ ಪ್ರಯೋಜನವಾಗುವುದಿಲ್ಲ. ಹಾಗಾಗಿ ಸ್ವಲ್ಪ ದಿನದ ನಂತರ ಸಮೀಕ್ಷೆ ನಡೆಸಲಾಗುವುದೆಂದು ತಿಳಿಸಿದರು.
ಮತದಾರರ ವಿಶೇಷ ತೀವ್ರ ಪರಿಷ್ಕರಣೆ (ಎಸ್ಐಆರ್) ಶೇ. ೫೨ರಷ್ಟು ಪೂರ್ಣಗೊಂಡಿದ್ದು, ಸ್ಥಳಿಯವಾಗಿ ಉತ್ತಮ ಸಾರ್ವಜನಿಕವಾಗಿ ಏನಾದರೂ ದೂರುಗಳಿದ್ದರೆ ೧೯೫೦ಗೆ ಕರೆ ಮಾಡಿ ತಿಳಿಸಬಹುದು ಎಂದು ತಿಳಿಸಿದರು. ಬಳಿಕ ತಹಸೀಲ್ದಾರ ಕಚೇರಿ ಅಭಿಲೇಖಾಲಯಕ್ಕೆ ಪರಿಶೀಲಿಸಿ ತದನಂತರ ರೈತರು ಹಾಗೂ ಸಾರ್ವಜನಿಕರಿಂದ ಅಹವಾಲು ಸ್ವೀಕರಿಸಿದರು.
ಮೊರಾರ್ಜಿ ವಸತಿ ಶಾಲೆಯ ಪ್ರಾಂಶುಪಾಲ ಆನಂದ ಚಿಕ್ಕೋಡಿ, ನಿಲಯ ಪಾಲಕಿ ನೇತ್ರಾವತಿ ಕರಿಯಣ್ಣವರ, ಶಿಕ್ಷಕರಾದ ಅಶ್ವಿನಿ ಗುಡಿಮನಿ, ಅರುಣಕುಮಾರ, ಗಂಗಾಧರ ಮುಂತಾದವರಿದ್ದರು.