ರಸ್ತೆ ಕಾಮಗಾರಿ ಆರಂಭಿಸಲು ಮನವಿ

ಕನ್ನಡಪ್ರಭ ವಾರ್ತೆ ಮುದ್ದೇಬಿಹಾಳ

ಮತಕ್ಷೇತ್ರದ ಕೊಣ್ಣೂರ ಗ್ರಾಮಸ್ಥರ ಬಹುದಿನಗಳ ಬೇಡಿಕೆಯಾದ ಕೊಣ್ಣೂರ, ಹೂವಿನಹಿಪ್ಪರಗಿ ಕೂಡುವ ರಸ್ತೆ ಕಾಮಗಾರಿ ಆರಂಭಿಸುವಂತೆ ಆಗ್ರಹಿಸಿ ಸಮಾಜ ಸೇವಕ ಹಾಗೂ ಅಸ್ಕಿ ಫೌಂಡೇಷನ್ ಮುಖ್ಯಸ್ಥ ಸಿ.ಬಿ.ಅಸ್ಕಿ ಅವರ ನೇತೃತ್ವದಲ್ಲಿ ಶಾಸಕ ಸಿ.ಎಸ್.ನಾಡಗೌಡ(ಅಪ್ಪಾಜಿ) ಅವರಿಗೆ ಮನವಿ ಪತ್ರ ಸಲ್ಲಿಸಿದರು.

ಮನವಿ ಸ್ವೀಕರಿಸಿ ಮಾತನಾಡಿದ ಶಾಸಕರು, ಸಂಬಂಧಪಟ್ಟ ಇಲಾಖೆಯ ಅಧಿಕಾರಿಗಳೊಂದಿಗೆ ಸ್ಥಳದಲ್ಲಿಯೇ ದೂರವಾಣಿ ಮೂಲಕ ಮಾತನಾಡಿ, ಶೀಘ್ರವಾಗಿ ಕಾಮಗಾರಿ ಕೈಗೆತ್ತಿಕೊಳ್ಳುವಂತೆ ಸೂಚನೆ ನೀಡಿದರು.

ಈ ವೇಳೆ ಕೊಣ್ಣೂರ ಗ್ರಾಮದ ಹಿರಿಯ ಮುಖಂಡರಾದ ಬಸವರಾಜ ಹಡಲಗೇರಿ, ಬಾಲನಗೌಡ ಬಿರಾದಾರ, ಚಂದ್ರಶೇಖರ ಇಂಗಳಗಿ, ಸುಭಾಸ ತಾಳಿಕೋಟಿ, ಗಂಗಣ್ಣ ಬಡಿಗೇರ, ಮಕ್ತುಮಸಾಬ ಅವಟಿ, ಮಶ್ಯಾಕ ಅವಟಿ, ರಮೇಶ ಕೊಟಗಿ, ಬಸನಗೌಡ ಪಾಟೀಲ, ಬಾಪೂಗೌಡ ನೀರಲಗಿ, ಮಂಜುನಾಥ ಶಿನ್ನೂರ, ಸಿದ್ದಪ್ಪ ಶಿರಕನಳ್ಳಿ, ಮಾಂತಗೌಡ ಏವೂರ, ಅಭಿಷೇಕ ಹಡಲಗೇರಿ, ಶ್ರೀಕಾಂತ ಅಸ್ಕಿ, ಪ್ರಕಾಶ ಅಸ್ಕಿ, ವೀರೇಶ ಅಸ್ಕಿ ಇತರರು ಇದ್ದರು.