ಕ್ರೀಡೆಯಿಂದ ನೌಕರಿಗೆ ಮೀಸಲಾತಿ ಸೌಲಭ್ಯ: ಅಬೀದ ಗದ್ಯಾಳ

ಕನ್ನಡಪ್ರಭ ವಾರ್ತೆ ಇಂಡಿ

ಮಕ್ಕಳು ಕ್ರೀಡೆಗಳಲ್ಲಿ ಭಾಗವಹಿಸುವುದರಿಂಧ ದೈಹಿಕ ಮತ್ತು ಮಾನಸಿಕ ಸದೃಢತೆ ಸಾಧ್ಯ. ಪಠ್ಯದ ಜತೆಗೆ ಕ್ರೀಡಾ ಚಟುವಟಿಕೆಯಲ್ಲಿ ಪಾಲ್ಗೊಳ್ಳುವುದನ್ನು ವಿದ್ಯಾರ್ಥಿಗಳು ರೂಢಿಸಿಕೊಂಡರೆ ಮುಂದೆ ನೌಕರಿ ಪಡೆಯಲು ಮೀಸಲಾತಿ ಸಿಗುವ ಸಾಧ್ಯತೆ ಇದೆ ಎಂದು ಎಸಿ ಅಬೀದ್ ಗದ್ಯಾಳ ಹೇಳಿದರು.ಪಟ್ಟಣದ ಅಂಜುಮನ್ ಪದವಿ ಪೂರ್ವ ಮಹಾವಿದ್ಯಾಲಯದಲ್ಲಿ 2024-25 ನೇ ಸಾಲಿನ ಇಂಡಿ ತಾಲೂಕು ಮಟ್ಟದ ಪದವಿ ಪೂರ್ವ ಮಹಾವಿದ್ಯಾಲಯಗಳ ಮೇಲಾಟಗಳ ಕ್ರೀಡಾಕೂಟದಲ್ಲಿ ಮಾತನಾಡಿದರು. ವಿದ್ಯಾರ್ಥಿಗಳು ವೈಯಕ್ತಿಕತೆ ಬದಿಗೊತ್ತಿ, ಸೌಹಾರ್ಧತೆಯಿಂದ ಆಟ ಆಡುವ ಮೂಲಕ ಕಾಲೇಜಿನ ಹಾಗೂ ವೈಯಕ್ತಿಕ ಘನತೆ ಹೆಚ್ಚಿಸಿಕೊಳ್ಳುವತ್ತ ಗಮನಹರಿಸಬೇಕು ಎಂದು ಹೇಳಿದರು.ಜಾಕೀರ ಹುಸೇನ ಕಾಶ್ಮಿ, ಮೌಲಾನಾ ಜಿಯಾವುಲ್ಲ ಉಮರಿ, ಮುಪ್ತಿ ಅಬ್ದುಲ ರಹಿಮಾನ ಅರಬ, ಅಂಜುಮನ್ ಸಂಸ್ಥೆಯ ಅಧ್ಯಕ್ಷ ಹಾಜಿಅಲಿ ಬಾಗವಾನ, ಪುರಸಭೆ ಅಧ್ಯಕ್ಷ ಲಿಂಬಾಜಿ ರಾಠೋಡ ಮಾತನಾಡಿದರು.ಜಿಲ್ಲಾ ಗ್ಯಾರಂಟಿ ಯೋಜನಾ ಅಧ್ಯಕ್ಷ ಇಲಿಯಾಸ ಬೋರಾಮಣಿ, ಪುರಸಭೆ ಉಪಾಧ್ಯಕ್ಷ ಜಹಾಂಗೀರ ಸೌದಾಗರ, ಮಹಮ್ಮದ ಬೇಪಾರಿ, ಮಹಮ್ಮದ ಪಟೇಲ ಬಗಲಿ, ಆಶಿಫ್ ಜಮಾದಾರ, ಅಕೀರ ಅಜಮ ಹವಾಲ್ದಾರ, ಹುಸೇನ ಜಮಾದಾರ, ನಬಿರಸೂರ ಹವಾಲ್ದಾರ, ಹುಸೇನಿ ಬೇಪಾರಿ, ಮದರಸ್ ಬೇಪಾರಿ ಮತ್ತಿತರಿದ್ದರು.