ಎಸ್ಬಿಆರ್‌ ಘಟಿಕೋತ್ಸವ: ಪ್ರತಿಭೆಗಳಿಗೆ ₹3.50ಲಕ್ಷ ನಗದು ಪುರಸ್ಕಾರ

ಕನ್ನಡಪ್ರಭ ವಾರ್ತೆ ಕಲಬುರಗಿ

ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಎಸ್.ಬಿ.ಆರ್. ಕಾಲೇಜಿನಲ್ಲಿ ಮಿನಿ-ಘಟಿಕೋತ್ಸವ ಕಾರ್ಯಕ್ರಮ ಡಾ. ದಾಕ್ಷಾಯಿಣಿ ಅಪ್ಪ, ಚಿ. ದೊಡ್ಡಪ್ಪ ಅಪ್ಪ ಅವರ ನೇತೃತ್ವದಲ್ಲಿ ನಡೆಯಿತು. ಎಸ್.ಬಿ.ಆರ್. ನಲ್ಲಿ ಮಿನಿ-ಘಟಿಕೋತ್ಸವದಲ್ಲಿ ಸಾಧಕ ವಿದ್ಯಾರ್ಥಿಗಳಿಗೆ ನಗದು ಬಹುಮಾನ ಸನ್ಮಾನ ಸಮಾರಂಭದಲ್ಲಿ ನೀಟ್, ಐಐಟಿ, ಹಾಗೂ ದ್ವಿತೀಯ ಪಿಯುಸಿ ಬೋರ್ಡ ಪರೀಕ್ಷೆಯಲ್ಲಿ ಪ್ರಥಮ, ದ್ವಿತೀಯ ಹಾಗೂ ತೃತೀಯ ಸ್ಥಾನ ಪಡೆದ ಹತ್ತು ವಿದ್ಯಾರ್ಥಿಗಳಿಗೆ ₹3.5 ಲಕ್ಷ ಮೌಲ್ಯದ ನಗದು ಬಹುಮಾನದ ಮತ್ತು ನೆನಪಿನ ಕಾಣಿಕೆ, ಹಾಗೂ 175ಕ್ಕೂ ಅಧಿಕ ಸಾಧಕ ವಿದ್ಯಾರ್ಥಿಗಳಿಗೆ ನೆನಪಿನ ಕಾಣಿಕೆ ನೀಡಿ ಸನ್ಮಾನಿಸಲಾಯಿತು.

ನೀಟ್‍ನಲ್ಲಿ ಪ್ರಥಮ ಸ್ಥಾನ ಪಡೆದ ಚನ್ನಬಸವ ಕೊರಳ್ಳಿಗೆ ₹1ಲಕ್ಷ, ದ್ವಿತೀಯ ಸ್ಥಾನ ಸಿಮ್ರನ್ ಬಾನುಗೆ ₹50 ಸಾವಿರ, ತೃತೀಯ ಸ್ಥಾನದ ನವೀನ ಮಿಟೇಕರ, ಸಂಪತ್‍ಕುಮಾರ ಕಲಶೆಟ್ಟಿಗೆ ತಲಾ ₹25,000 ನೀಡಿ ಗೌರವಿಸಲಾಯಿತು.

ನೀಟ್‍ನಲ್ಲಿ 500ಕ್ಕೂ ಹೆಚ್ಚು ಅಂಕ ಪಡೆದ 150 ವಿದ್ಯಾರ್ಥಿಗಳನ್ನು ನೆನಪಿನ ಕಾಣಿಕೆ ನೀಡಿ ಸನ್ಮಾನಿಸಲಾಯಿತು.

ರಾಷ್ಟ್ರಮಟ್ಟದ ಜೆ.ಇ.ಇ ಅಡ್ವಾನ್ಸಡ್ ಪರೀಕ್ಷೆಯಲ್ಲಿ ಉತ್ತಮ ರ್‍ಯಾಂಕ್‌ ಪಡೆದು ದೇಶದ ಪ್ರತಿಷ್ಠಿತ ಐಐಟಿ/ಎನ್‍ಐಟಿ ಗಳಲ್ಲಿ ಪ್ರವೇಶ ಪಡೆದ ವಿದ್ಯಾರ್ಥಿಗಳಾದ ಹರ್ಷವರ್ಧನ ರೆಡ್ಡಿ (ಐಐಟಿ ಹೈದರಾಬಾದ)ಗೆ ₹75,000, ಸಿದ್ಧಾರ್ಥ ವಾಯ್ (ಐಐಟಿ ಗೋವಾ)ಗೆ ₹30,000 ಸಾವಿರ ಪ್ರತ್ಯುಷ್‍ಕುಮಾರ (ಐಐಟಿ ಗೋವಾ) ಗೆ ₹25,000 ಐಐಟಿ/ಎನ್‍ಐಟಿ ಯಲ್ಲಿ ಪ್ರವೇಶ ಪಡೆದ ಒಟ್ಟು 23 ವಿದ್ಯಾರ್ಥಿಗಳಿಗೆ ಸನ್ಮಾನಿಸಲಾಯಿತು.

ದ್ವಿತೀಯ ಪಿಯುಸಿ ಬೋರ್ಡ್‌ ಪರೀಕ್ಷೆಯಲ್ಲಿ ಪ್ರಥಮ ಸ್ಥಾನ ಪಡೆದ ಸಿಮ್ರನ್ ಬಾನುಗೆ ₹5,000, ದ್ವಿತೀಯ ಸ್ಥಾನಕ್ಷಿತಿ ಪಾಟೀಲಗೆ ₹3,000, ತೃತೀಯರಾದ ಗೌತಮ್ ಮಹಿಪಾಲ್, ಸಹನಾ ಹಳ್ಳಿ ಅವರಿಗೆ ತಲಾ ₹2,000, ನಗದು, ಬಹುಮಾನ ಮತ್ತು ನೆನಪಿನ ಕಾಣಿಕೆ ನೀಡಿ ಸನ್ಮಾನಿಸಲಾಯಿತು.

‘ಹರ್ಷವರ್ಧನ ರೆಡ್ಡಿ’ ಪತಂಗೆ ₹50 ಸಾವಿರ ವಿದ್ಯಾರ್ಥಿ ವೇತನ, ಬಿರಾದಾರ್‌ ಸ್ಮರಣಾರ್ಥ ವಿದ್ಯಾರ್ಥಿ ವೇತನವನ್ನು ಸಿದ್ಧಾರ್ಥ ವಾಯ್’ಗೆ ನೀಡಲಾಯಿತು. ಕಾಲೇಜಿನ ಮೇಲ್ವಿಚಾರಕರಾದ ಡಾ. ಶ್ರೀಶೈಲ್ ಹೊಗಾಡೆ ಮಾತನಾಡಿದರು.