ಎಂಎಸ್‌ಆರ್ ಅಕಾಡೆಮಿಯಾದಿಂದ ವಿಶೇಷ ಫ್ಯಾಷನ್, ಸಂಗೀತ ಮತ್ತು ನೆಟ್‌ವರ್ಕಿಂಗ್ ಸಂಜೆ

ಬೆಂಗಳೂರು: ಎಂಎಸ್‌ಆರ್ ಅಕಾಡೆಮಿಯಾ ವತಿಯಿಂದ ಆಯೋಜಿಸಲಾದ ವಿಶೇಷ ಫ್ಯಾಷನ್, ಸಂಗೀತ ಮತ್ತು ನೆಟ್‌ವರ್ಕಿಂಗ್ ಸಂಜೆಯು ಯಶಸ್ವಿಯಾಗಿ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಉದ್ಯಮದ ನಾಯಕರು, ಸೃಜನಾತ್ಮಕ ವೃತ್ತಿಪರರು, ಫ್ಯಾಷನ್ ಪ್ರೇಮಿಗಳು ಹಾಗೂ ಭವಿಷ್ಯದ ವಿನ್ಯಾಸಕರನ್ನು ಒಂದೇ ವೇದಿಕೆಯಲ್ಲಿ ಒಗ್ಗೂಡಿಸಿ, ಸೃಜನಶೀಲತೆ, ಸಮಕಾಲೀನ ಶೈಲಿ ಮತ್ತು ವಿನ್ಯಾಸ ನವೋದ್ಯಮದ ಸಂಗಮವನ್ನು ಸಂಭ್ರಮಿಸಲಾಯಿತು. ಇದೇ ವೇಳೆ ಫ್ಯಾಷನ್ ಮತ್ತು ಡಿಸೈನ್ ಶಿಕ್ಷಣದ ಭವಿಷ್ಯದ ಕುರಿತಾಗಿ ಸಂಸ್ಥೆಯ ಮಹತ್ವಾಕಾಂಕ್ಷಿ ದೃಷ್ಟಿಕೋನವನ್ನು ಅತಿಥಿಗಳಿಗೆ ಪರಿಚಯಿಸಲಾಯಿತು.ಕಾರ್ಯಕ್ರಮದಲ್ಲಿ ಅರ್ಥಪೂರ್ಣ ಸಂವಾದಗಳು, ಉತ್ಸಾಹಭರಿತ ನೆಟ್‌ವರ್ಕಿಂಗ್ ಅವಕಾಶಗಳು, ಸಂಗೀತದ ಮನರಂಜನೆ ಹಾಗೂ ಫ್ಯಾಷನ್, ಸೃಜನಶೀಲತೆ, ಐಷಾರಾಮಿ ಕೈಗಾರಿಕೆ ಮತ್ತು ವಿನ್ಯಾಸ ನಾಯಕತ್ವ ಕ್ಷೇತ್ರಗಳಲ್ಲಿನ ಇತ್ತೀಚಿನ ಬೆಳವಣಿಗೆಗಳ ಕುರಿತು ಚರ್ಚೆಗಳು ನಡೆಯಿತು. ಭಾಗವಹಿಸಿದವರು ಹೊಸ ಸಹಭಾಗಿತ್ವದ ಅವಕಾಶಗಳನ್ನು ಅನ್ವೇಷಿಸಿ, ಸೃಜನಾತ್ಮಕ ಪ್ರತಿಭೆಗಳ ಭವಿಷ್ಯ ರೂಪಿಸುವ ಗುರಿಯನ್ನು ಹೊಂದಿರುವ ಸಮಾನ ಮನಸ್ಕರೊಂದಿಗೆ ಸಂಪರ್ಕ ಬೆಳೆಸಿದರು.ಈ ಸಂದರ್ಭದಲ್ಲಿ ಎಂಎಸ್‌ಆರ್ ಅಕಾಡೆಮಿಯಾ ತನ್ನ ಉದ್ಯಮ ಕೇಂದ್ರಿತ ಫ್ಯಾಷನ್ ಡಿಸೈನ್ ಕೋರ್ಸ್‌ಗಳಾದ ಇಂಡಿಯನ್ ಟೆಕ್ಸ್ಟೈಲ್ಸ್ & ಲಕ್ಸುರಿ ಕ್ರಾಫ್ಟ್ಸ್, ಫ್ಯೂಚರ್ ಟೆಕ್ಸ್ಟೈಲ್ಸ್ & ಇನೋವೇಶನ್ ಮತ್ತು ಫ್ಯಾಷನ್ ಕಲೆಕ್ಷನ್ ಡೆವಲಪ್‌ಮೆಂಟ್ ಕಾರ್ಯಕ್ರಮಗಳನ್ನು ಪರಿಚಯಿಸಿತು. ವಿದ್ಯಾರ್ಥಿಗಳಿಗೆ ಸೃಜನಾತ್ಮಕತೆ ಮತ್ತು ಪ್ರಾಯೋಗಿಕ ಉದ್ಯಮ ಕೌಶಲ್ಯಗಳನ್ನು ಒದಗಿಸುವ ಉದ್ದೇಶದಿಂದ ಈ ಕೋರ್ಸ್‌ಗಳನ್ನು ರೂಪಿಸಲಾಗಿದೆ. ಜೊತೆಗೆ, ವಿದ್ಯಾರ್ಥಿಗಳಿಗೆ ಇಂಟರ್ನ್‌ಶಿಪ್ ಅವಕಾಶಗಳು ಮತ್ತು ಉದ್ಯಮದ ನೈಜ ಅನುಭವವನ್ನು ನೀಡುವ ವಿವಿಧ ಕೈಗಾರಿಕಾ ಸಹಭಾಗಿತ್ವಗಳನ್ನೂ ಸಂಸ್ಥೆ ಪ್ರದರ್ಶಿಸಿತು.ಕಾರ್ಯಕ್ರಮದ ಪ್ರಮುಖ ಆಕರ್ಷಣೆಯಾಗಿ, ಇಟಲಿಯ ಪ್ರಸಿದ್ಧ ಇಸ್ಟಿಟುಟೊ ಡಿ ಮೋಡಾ ಬರ್ಗೋ (Istituto Di Moda Burgo) ಸಂಸ್ಥೆಯೊಂದಿಗೆ ಎಂಎಸ್‌ಆರ್ ಅಕಾಡೆಮಿಯಾದ ಅಂತರರಾಷ್ಟ್ರೀಯ ಶೈಕ್ಷಣಿಕ ಸಹಭಾಗಿತ್ವವನ್ನು ಪರಿಚಯಿಸಲಾಯಿತು. ಈ ಸಹಭಾಗಿತ್ವದ ಮೂಲಕ ವಿದ್ಯಾರ್ಥಿಗಳು ಜಾಗತಿಕ ಮಟ್ಟದಲ್ಲಿ ಮಾನ್ಯತೆ ಪಡೆದ ಪಠ್ಯಕ್ರಮ ಮತ್ತು ಯುರೋಪಿಯನ್ ಫ್ಯಾಷನ್ ಶಿಕ್ಷಣ ವಿಧಾನಗಳ ಲಾಭ ಪಡೆಯಲಿದ್ದಾರೆ. ಅಲ್ಲದೆ, ಲಂಡನ್, ಮಿಲಾನ್, ಪ್ಯಾರಿಸ್ ಹಾಗೂ ಬಾರ್ಸಿಲೋನಾ ನಗರಗಳಲ್ಲಿ ನಡೆಯುವ ವಿಶೇಷ ಯುರೋಪಿಯನ್ ಸ್ಟಡಿ ಟೂರ್ ನಲ್ಲಿ ಭಾಗವಹಿಸುವ ಅವಕಾಶವೂ ವಿದ್ಯಾರ್ಥಿಗಳಿಗೆ ಲಭ್ಯವಿದ್ದು, ವಿಶ್ವಪ್ರಸಿದ್ಧ ಫ್ಯಾಷನ್ ಹೌಸ್‌ಗಳು, ವಸ್ತುಸಂಗ್ರಹಾಲಯಗಳು, ವಿನ್ಯಾಸ ಸಂಸ್ಥೆಗಳು ಹಾಗೂ ಹೌಟ್ ಕೌಟ್ಯೂರ್ ಸ್ಟುಡಿಯೊಗಳಿಗೆ ಭೇಟಿ ನೀಡುವ ಅವಕಾಶವನ್ನು ಒದಗಿಸುತ್ತದೆ.ಈ ಸಂದರ್ಭದಲ್ಲಿ ಮಾತನಾಡಿದ ಎಂಎಸ್‌ಆರ್ ಅಕಾಡೆಮಿಯಾದ ಸಂಸ್ಥಾಪಕಿ ಲಕ್ಷ್ಮಿ ರಾಮಯ್ಯ, ‘ಇಂದಿನ ಫ್ಯಾಷನ್ ಶಿಕ್ಷಣವು ವಿದ್ಯಾರ್ಥಿಗಳನ್ನು ಕೇವಲ ಇಂದಿನ ಉದ್ಯಮದ ಅಗತ್ಯಗಳಿಗೆ ಮಾತ್ರವಲ್ಲ, ಭವಿಷ್ಯದ ಅವಕಾಶಗಳಿಗೂ ಸಜ್ಜುಗೊಳಿಸಬೇಕು. ಎಂಎಸ್‌ಆರ್ ಅಕಾಡೆಮಿಯಾದಲ್ಲಿ ನಾವು ಸೃಜನಶೀಲತೆ, ನವೀನತೆ, ಕಲೆಗಾರಿಕೆ, ತಂತ್ರಜ್ಞಾನ ಹಾಗೂ ಜಾಗತಿಕ ಅನುಭವವನ್ನು ಒಟ್ಟುಗೂಡಿಸುವ ಕಲಿಕಾ ವಾತಾವರಣವನ್ನು ನಿರ್ಮಿಸುತ್ತಿದ್ದೇವೆ. ನಮ್ಮ ಕೈಗಾರಿಕಾ ಸಹಭಾಗಿತ್ವಗಳು, ಇಂಟರ್ನ್‌ಶಿಪ್ ಅವಕಾಶಗಳು ಮತ್ತು ಇಟಲಿಯ ಇಸ್ಟಿಟುಟೊ ಡಿ ಮೋಡಾ ಬರ್ಗೋ ಸಂಸ್ಥೆಯೊಂದಿಗಿನ ಸಹಯೋಗದ ಮೂಲಕ ವಿದ್ಯಾರ್ಥಿಗಳಿಗೆ ಅಂತರರಾಷ್ಟ್ರೀಯ ದೃಷ್ಟಿಕೋನವನ್ನು ನೀಡುವುದರ ಜೊತೆಗೆ ಭಾರತದ ಶ್ರೀಮಂತ ವಸ್ತ್ರ ಮತ್ತು ವಿನ್ಯಾಸ ಪರಂಪರೆಯೊಂದಿಗೆ ಅವರನ್ನು ಸಂಪರ್ಕದಲ್ಲಿರಿಸುತ್ತೇವೆ. ಜಾಗತಿಕ ಮಟ್ಟದಲ್ಲಿ ಆತ್ಮವಿಶ್ವಾಸದಿಂದ ಸ್ಪರ್ಧಿಸಿ, ಸಹಕರಿಸುವ ಭವಿಷ್ಯದ ಫ್ಯಾಷನ್ ನಾಯಕರನ್ನು ರೂಪಿಸುವುದೇ ನಮ್ಮ ಗುರಿಯಾಗಿದೆ’ ಎಂದು ಹೇಳಿದರು.ಕಾರ್ಯಕ್ರಮವು ಭಾಗವಹಿಸಿದ ಅತಿಥಿಗಳಿಂದ ಅತ್ಯುತ್ತಮ ಪ್ರತಿಕ್ರಿಯೆ ಪಡೆದು ಯಶಸ್ವಿಯಾಗಿ ಮುಕ್ತಾಯಗೊಂಡಿತು. ಶಿಕ್ಷಣ, ಕೈಗಾರಿಕೆ, ಸೃಜನಶೀಲತೆ ಮತ್ತು ಜಾಗತಿಕ ಅವಕಾಶಗಳನ್ನು ಒಟ್ಟುಗೂಡಿಸುವ ಮೂಲಕ ಫ್ಯಾಷನ್ ಹಾಗೂ ಡಿಸೈನ್ ಮ್ಯಾನೇಜ್‌ಮೆಂಟ್ ಕ್ಷೇತ್ರದ ಭವಿಷ್ಯವನ್ನು ರೂಪಿಸುವ ತನ್ನ ಬದ್ಧತೆಯನ್ನು ಎಂಎಸ್‌ಆರ್ ಅಕಾಡೆಮಿಯಾ ಮತ್ತೊಮ್ಮೆ ದೃಢಪಡಿಸಿತು.