22ರಿಂದ ವಿಶೇಷ ಸೀರೆ, ಬೆಳ್ಳಿ ಆಭರಣ ಪ್ರದರ್ಶನ
)
ಸಾರಾಂಶ
ಸ್ತ್ರೀ ವೈಭವ ಮಹಿಳಾ ಸಬಲೀಕರಣದ ವಿಶೇಷ ಸೀರೆ ಹಾಗೂ ಬೆಳ್ಳಿ ಆಭರಣಗಳ ಪ್ರದರ್ಶನ ಮತ್ತು ಮಾರಾಟ ಮೇಳವನ್ನು ನಗರದ ಎಸ್.ನಿಜಲಿಂಗಪ್ಪ ಬಡಾವಣೆಯ ಶ್ರೀ ಗುರು ಶಿವಯೋಗಿ ಬಕ್ಕೇಶ್ವರ ಸ್ವಾಮಿ ಕಲ್ಯಾಣ ಮಂಟಪದಲ್ಲಿ ಮೇ 22ರಿಂದ 24ರವರೆಗೆ ಹಮ್ಮಿಕೊಳ್ಳಲಾಗಿದೆ ಎಂದು ಬೆಂಗಳೂರಿನ ಅವಿವಾ ಉಡುಪು ಸಂಸ್ಥೆ ಮಾಲೀಕರು, ಚಿತ್ರನಟಿ ಕಾರುಣ್ಯ ಗೌಡ ತಿಳಿಸಿದ್ದಾರೆ.
- ಚಿತ್ರನಟಿ ಕಾರುಣ್ಯ ಗೌಡ ನೇತೃತ್ವದ ಅವಿವಾ ಸ್ಯಾರೀಸ್ ಸಂಸ್ಥೆ ಆಯೋಜನೆ - - -
- ಉತ್ತಮ ಗುಣಮಟ್ಟದ, ವಿಶಿಷ್ಟ ವಿನ್ಯಾಸಗಳು ವಿಶೇಷ
- 3 ದಿನಗಳ ಕಾಲ ಬೆಳಗ್ಗೆ 10ರಿಂದ ರಾತ್ರಿ 8 ಗಂಟೆವರೆಗೆ ಮೇಳ- - -
ಸ್ತ್ರೀ ವೈಭವ ಮಹಿಳಾ ಸಬಲೀಕರಣದ ವಿಶೇಷ ಸೀರೆ ಹಾಗೂ ಬೆಳ್ಳಿ ಆಭರಣಗಳ ಪ್ರದರ್ಶನ ಮತ್ತು ಮಾರಾಟ ಮೇಳವನ್ನು ನಗರದ ಎಸ್.ನಿಜಲಿಂಗಪ್ಪ ಬಡಾವಣೆಯ ಶ್ರೀ ಗುರು ಶಿವಯೋಗಿ ಬಕ್ಕೇಶ್ವರ ಸ್ವಾಮಿ ಕಲ್ಯಾಣ ಮಂಟಪದಲ್ಲಿ ಮೇ 22ರಿಂದ 24ರವರೆಗೆ ಹಮ್ಮಿಕೊಳ್ಳಲಾಗಿದೆ ಎಂದು ಬೆಂಗಳೂರಿನ ಅವಿವಾ ಉಡುಪು ಸಂಸ್ಥೆ ಮಾಲೀಕರು, ಚಿತ್ರನಟಿ ಕಾರುಣ್ಯ ಗೌಡ ತಿಳಿಸಿದರು.
ಅವಿವಾ ಉಡುಪು ಸೀರೆ ಬ್ರ್ಯಾಂಡ್ ಹಾಗೂ ರಾಸ ಸಿಲ್ವರ್ ಜ್ಯುವೆಲ್ಲರಿಯಿಂದ ಮಾರಾಟ ಮೇಳ ಆಯೋಜಿಸಿದ್ದು, ಮೇ 22ರಿಂದ ಮೂರು ದಿನಗಳ ಕಾಲ ಬೆಳಗ್ಗೆ 10ರಿಂದ ರಾತ್ರಿ 8 ಗಂಟೆವರೆಗೆ ಮೇಳ ನಡೆಯಲಿದೆ. ಸಂಸದೆ ಡಾ.ಪ್ರಭಾ ಮಲ್ಲಿಕಾರ್ಜುನ ಸೇರಿದಂತೆ ಗಣ್ಯರು, ಅತಿಥಿಗಳನ್ನು ಮೂರು ದಿನದ ಮೇಳಕ್ಕೆ ಆಹ್ವಾನಿಸಲಿದ್ದೇವೆ. ಶುದ್ಧ ಮೈಸೂರು ಕ್ರೇಪ್ ಸೀರೆಗಳು, ಬನಾರಸಿ ಸೀರೆಗಳು, ಟಿಶ್ಯೂ ಸೀರೆಗಳು, ಹ್ಯಾಂಡ್ ಲೂಮ್ ಸೀರೆಗಳು, ಕಾಟನ್ ವರ್ಕ್ ಸೀರೆಗಳು ಸೇರಿದಂತೆ ಅನೇಕ ಹೊಸ ವಿನ್ಯಾಸದ ಸೀರೆ ಮೇಳದಲ್ಲಿ ಲಭ್ಯವಿರಲಿವೆ ಎಂದು ಹೇಳಿದರು.
ಈಗ್ಗೆ ಆರೇಳು ವರ್ಷಗಳ ಹಿಂದೆ ತಾವು ಅವಿವಾ ಸ್ಯಾರೀಸ್ ಸಂಸ್ಥೆ ಆರಂಭಿಸಿದ್ದು, ಮಹಿಳೆಯರು ಸ್ವಾವಲಂಬಿ ಬದುಕನ್ನು ಬಾಳಲು ತಮ್ಮ ಸಂಸ್ಥೆ ಸಹಕಾರಿಯಾಗಿದೆ. ಈಗಾಗಲೇ 5 ಜಿಲ್ಲೆಗಳಲ್ಲಿ ಮಾರಾಟ ಮೇಳ, ಪ್ರದರ್ಶನ ನಡೆಸಿದ್ದು, ಇದೀಗ ದಾವಣಗೆರೆಯಲ್ಲಿ ಆಯೋಜಿಸಿದ್ದೇವೆ ಎಂದು ಅವರು ತಿಳಿಸಿದರು.
- - -