ಸುಂಟಿಕೊಪ್ಪ: ಕೊಡಗು ಜಿಲ್ಲೆಯೂ ಸಣ್ಣದಾದರೂ ಅರೆಭಾಷೆ ಗೌಡರ ಸಂಘದ ಅವಶ್ಯಕತೆ ಬಹಳ ಇದೆ ಎಂದು ಕೊಡಗು ಗೌಡ ಸಮಾಜಗಳ ಒಕ್ಕೂಟದ ಅಧ್ಯಕ್ಷ ಕರದ್ಲಾಜೆ ಆನಂದ ಅಭಿಪ್ರಾಯ ವ್ಯಕ್ತಪಡಿಸಿದರು.
ಭಾಗಮಂಡಲದಿಂದ ಕುಶಾಲನಗರದವರೆಗೆ ವಿರಾಜಪೇಟೆಯಿಂದ ಕರಕೆ ವರಗೆ ನಮ್ಮ ಸಂಘಗಳು ಬಹಳ ಸದೃಢವಾಗಿ ಸುಸಜ್ಜಿತವಾಗಿ ನಡೆಯುತ್ತಿದೆ. ಸಂಘದ ಪ್ರತಿ ಸದಸ್ಯರಿಗೂ ಜವಾಬ್ಧಾರಿಯಿರುವುದರಿಂದ ಪ್ರತಿಯೊಬ್ಬ ಸದಸ್ಯರೂ ಭಾಗಿಯಾಗಬೇಕೆಂದು ನುಡಿದರು.
ಸಂಘವು ಸ್ವಂತ ಜಾಗವನ್ನು ಖರೀದಿಸಿದ್ದು ಇಲ್ಲಿ ಪರಿಸರ ಸ್ನೇಹಿ ಮಾದರಿಯಲ್ಲಿ ಗೌಡ ಸಮಾಜದ ಕಟ್ಟಡವನ್ನು ಕಟ್ಟಬೇಕೆಂದು ಅವರು ಸಲಹೆ ನೀಡಿದರು.ತಲಕಾವೇರಿಯಲ್ಲಿ ನಡೆಯುವ ತೀರ್ಥೋದ್ಭವ ಕಾರ್ಯಕ್ರಮ ನಮ್ಮದೆ ಆಗಿದ್ದು, ಅಲ್ಲಿ ಗೌಡ ಜನಾಂಗದವರೇ ತಕ್ಕ ಮುಖ್ಯಸ್ಥರಾಗಿದ್ದಾರೆ. ಕೊಡಗಿನಲ್ಲಿ ಗೌಡ ಜನಾಂಗದವರು ಶೇ.14 ಇದ್ದು ಯಾವುದೋ ಒಂದು ಜನಾಂಗವನ್ನು ಅನುಕರಿಸುವುದು ವಿಷಾದನೀಯ ಎಂದು ಆನಂದ ಹೇಳಿದರು.
ಕೊಡಗು ಮಹಿಳಾ ಒಕ್ಕೂಟದ ಅಧ್ಯಕ್ಷ ಮೂಟೆಮನೆ ಪುಷ್ಪಾವತಿಯವರ ಸಮ್ಮುಖದಲ್ಲಿ ಸುಂಟಿಕೊಪ್ಪ ಗೌಡ ಸಂಘದ ಮಹಿಳಾ ಒಕ್ಕೂಟ ಸ್ಥಾಪನೆಯಾಯಿತು.
ಗೌಡ ಯುವ ಒಕ್ಕೂಟವನ್ನು ರಚಿಸಿದ್ದು ಅಧ್ಯಕ್ಷರಾಗಿ ಹೊನ್ನಪಾಡಿ ಸುರೇಶ್ ಕುಶಾಲಪ್ಪ ಅವರನ್ನು ಆಯ್ಕೆ ಮಾಡಲಾಯಿತು. ಶಿಕ್ಷಣ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಗೌರವಿಸಲಾಯಿತು.
ಚಿತ್ರ.1: ಗೌಡ ಸಂಘ ಸುಂಟಿಕೊಪ್ಪ 11ನೇ ವರ್ಷದ ವಾರ್ಷಿಕ ಮಹಾಸಭೆಯ ವೇದಿಕೆಯಲ್ಲಿರುವ ಅತಿಥಿಗಳು.