‘ಜೀವನದಲ್ಲಿ ಕಷ್ಟ ನಿವಾರಿಸಲು ಹಿರಿಯರ ಆಶೀರ್ವಾದ ಅಗತ್ಯ’

KannadaprabhaNewsNetwork |  
Published : Nov 20, 2026, 02:45 AM IST
ಶಿಮಂತೂರುನಲ್ಲಿ ಅದಮಾರು ಶ್ರೀ ಗಳಿಂದ  ಮೋಕ್ಷಧಾಮ ಲೋಕಾರ್ಪಣೆ  | Kannada Prabha

ಸಾರಾಂಶ

ಹೆತ್ತವರ ಋುಣವನ್ನು ತೀರಿಸಲು ಅಸಾಧ್ಯವಾಗಿದ್ದು, ಜೀವನದಲ್ಲಿ ಕಷ್ಟಗಳನ್ನು ನಿವಾರಿಸಲು ಹಿರಿಯರ ಆಶೀರ್ವಾದ ಅಗತ್ಯ, ಜನ್ಮ ಕೊಟ್ಟ ತಂದೆ ತಾಯಿಗಳ ಆತ್ಮಕ್ಕೆ ತರ್ಪಣ ನೀಡುವುದೇ ನಿಜವಾದ ಕಾರ್ಯ ಎಂದು ಅದಮಾರು ಮಠದ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದಂಗಳವರು ಹೇಳಿದರು.

ಮೂಲ್ಕಿ: ಹೆತ್ತವರ ಋುಣವನ್ನು ತೀರಿಸಲು ಅಸಾಧ್ಯವಾಗಿದ್ದು, ಜೀವನದಲ್ಲಿ ಕಷ್ಟಗಳನ್ನು ನಿವಾರಿಸಲು ಹಿರಿಯರ ಆಶೀರ್ವಾದ ಅಗತ್ಯ, ಜನ್ಮ ಕೊಟ್ಟ ತಂದೆ ತಾಯಿಗಳ ಆತ್ಮಕ್ಕೆ ತರ್ಪಣ ನೀಡುವುದೇ ನಿಜವಾದ ಕಾರ್ಯ ಎಂದು ಅದಮಾರು ಮಠದ ಶ್ರೀ ವಿಶ್ವಪ್ರಿಯ ತೀರ್ಥ ಶ್ರೀಪಾದಂಗಳವರು ಹೇಳಿದರು.

ಶಿಮಂತೂರು ಶ್ರೀ ಆದಿ ಜನಾರ್ದನ ದೇವಸ್ಥಾನದಲ್ಲಿ ಭಕ್ತವೃಂದಕ್ಕೆ ಪಿತೃಕಾರ್ಯ ನಡೆಸಲು ಅವಕಾಶ ನೀಡುವ ಸದುದ್ದೇಶದಿಂದ, ಶ್ರೀ ದೇವರ ಪ್ರೇರಣೆಯಂತೆ ಶ್ರೀ ಕ್ಷೇತ್ರದಲ್ಲಿ ಅರ್ಚಕರಾಗಿ ಸೇವೆ ಸಲ್ಲಿಸುತ್ತಿದ್ದ ಕೀರ್ತಿಶೇಷ ಪರೆಂಕಿಲ ವೇದಮೂರ್ತಿ ವಾಸುದೇವ ಭಟ್ ದಂಪತಿ ಸ್ಮರಣಾರ್ಥವಾಗಿ ನಿರ್ಮಾಣಗೊಂಡಿರುವ ‘ಶ್ರೀ ವಾಸುದೇವ ಮೋಕ್ಷ ಧಾಮ’ದ ಲೋಕಾರ್ಪಣೆ ಕಾರ್ಯಕ್ರಮ ನೆರವೇರಿಸಿ ಮಾತನಾಡಿದರು .

ಅಧ್ಯಕ್ಷತೆಯನ್ನು ಕ್ಷೇತ್ರದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷ ಉದಯಕುಮಾರ ಶೆಟ್ಟಿ ವಹಿಸಿದ್ದು, ಕಟೀಲು ಕ್ಷೇತ್ರದ ಅರ್ಚಕ ಲಕ್ಷ್ಮೀನಾರಾಯಣ ಆಸ್ರಣ್ಣ ಆಶೀರ್ವಚನ ನೀಡಿದರು. ಉಡುಪಿ ಸಗ್ರಿ ಕ್ಷೇತ್ರದ ಗೋಪಾಲಕೃಷ್ಣ ಸಾಮಗ ಶುಭಶಂಸನೆಗೈದರು. ಶಿಮಂತೂರು ಕ್ಷೇತ್ರದ ತಂತ್ರಿಗಳಾದ ಬ್ರಹ್ಮಶ್ರೀ ವೇದವ್ಯಾಸ ತಂತ್ರಿ, ಕಸಾಪ ಮಾಜಿ ರಾಜ್ಯಾಧ್ಯಕ್ಷ ಧರ್ಮದರ್ಶಿ ಡಾ ಹರಿಕೃಷ್ಣ ಪುನರೂರು, ಪರೆಂಕಿಲ ಕುಟುಂಬಸ್ಥರಾದ ವೇದಮೂರ್ತಿ ವಿಠಲ ಭಟ್, ಕ್ಷೇತ್ರದ ವ್ಯವಸ್ಥಾಪನಾ ಸಮಿತಿಯ ಸದಸ್ಯರಾದ ಶಾಂತರಾಮ್ ಶೆಟ್ಟಿ ತೆಂಗಾಳಿ, ಶಶಿಕಲಾ, ನಂದನ ಕುಬೆವೂರು, ಶೇಖರ ಮತ್ತಿತರರು ಉಪಸ್ಥಿತರಿದ್ದರು.

ಕಾರ್ಯಕ್ರಮದಲ್ಲಿ ಮೋಕ್ಷಧಾಮ ನಿರ್ಮಾಣಕ್ಕೆ ಸಹಕರಿಸಿದ ದಾನಿಗಳನ್ನು ಗೌರವಿಸಲಾಯಿತು. ಸುಧನ್ವ ಭಟ್ ವೇದ ಘೋಷ ಮಾಡಿದರು, ಶ್ರೀಕಾಂತ್ ಭಟ್ ಕೊಲಕಾಡಿ ಪ್ರಾರ್ಥಿಸಿದರು. ನಂದನ ಕುಬೆವೂರು ಸ್ವಾಗತಿಸಿದರು.

ಶಿಕ್ಷಕಿ ಕಾಮೇಶ್ವರಿ ವಿಷ್ಣುಮೂರ್ತಿ ಭಟ್ ನಿರೂಪಿಸಿದರು. ಕ್ಷೇತ್ರದ ಅರ್ಚಕ ಪುರುಷೋತ್ತಮ ಭಟ್ ವಂದಿಸಿದರು.

PREV
Get the latest news from across Karnataka (ಕರ್ನಾಟಕ ನ್ಯೂಸ್)— breaking headlines, politics, local developments, crime reports, district updates, civic issues and more. Stay informed with Kannada Prabha’s real‑time Karnataka news coverage.

Recommended Stories

ಬ್ಯಾಂಕ್ ಸೌಲಭ್ಯ ಬಳಸಿಕೊಂಡು ಆರ್ಥಿಕವಾಗಿ ಸಬಲರಾಗಿ: ಸದಾಶಿವ ಮೇತ್ರಿ
ಕಲಾ ಜಗತ್ತಿನಲ್ಲಿ ಪ್ರತಿಭೆ ಗುರುತಿಸಿಕೊಳ್ಳಿ