ತುಂಬೆ ಆಸ್ಪತ್ರೆಯಿಂದ ‘ತುಂಬೆ ಇನ್‌ಸ್ಟಿಟ್ಯೂಟ್ ಆಫ್ ನ್ಯೂರೋಸೈನ್ಸಸ್’ ಪ್ರಾರಂಭ

ಮಂಗಳೂರು: ತುಂಬೆ ಯೂನಿವರ್ಸಿಟಿ ಆಸ್ಪತ್ರೆ ಇಂದು ಮೆದುಳು, ಮೆದುಳು ರಜ್ಜು ಮತ್ತು ನರಮಂಡಲಕ್ಕೆ ಸಂಬಂಧಿಸಿದ ಸಂಕೀರ್ಣ ಅಸ್ವಸ್ಥತೆಗಳ ನಿರ್ಣಯ, ಚಿಕಿತ್ಸೆ ಮತ್ತು ನಿರ್ವಹಣೆಗೆ ಸಮರ್ಪಿತವಾದ ‘ತುಂಬೆ ಇನ್‌ಸ್ಟಿಟ್ಯೂಟ್ ಆಫ್ ನ್ಯೂರೋಸೈನ್ಸಸ್’ ಅನ್ನು ಅಧಿಕೃತವಾಗಿ ಉದ್ಘಾಟಿಸಿದೆ. ಇದು ತುಂಬೆ ಗ್ರೂಪ್‌ನ ಆರೋಗ್ಯ ಸೇವಾ ವ್ಯವಸ್ಥೆಯಲ್ಲಿ ಮಹತ್ವದ ಮುನ್ನಡೆ ಆಗಿದ್ದು, ಈ ಆಸ್ಪತ್ರೆಯು ಪ್ರದೇಶದ ಪ್ರಮುಖ ಅಕಾಡೆಮಿಕ್ ಮೆಡಿಕಲ್ ಸೆಂಟರ್‌ಗಳಲ್ಲೊಂದಾಗಿ ತನ್ನ ಸ್ಥಾನವನ್ನು ಮತ್ತಷ್ಟು ಬಲಪಡಿಸಿದೆ.

ತುಂಬೆ ಗ್ರೂಪ್‌ನ ಸ್ಥಾಪಕ ಹಾಗೂ ಅಧ್ಯಕ್ಷ ಡಾ. ತುಂಬೆ ಮೊಯ್ದೀನ್ ಅಧ್ಯಕ್ಷತೆ ವಹಿಸಿ ನೆರವೇರಿಸಿದರು.

ಕನ್ಸಲ್ಟೆಂಟ್ ಚೀಫ್ ನ್ಯೂರೋಸರ್ಜನ್ ಹಾಗೂ ಅರಬ್‌ಸ್ಪೈನ್ ಕೋರ್ಸ್ ಡಿಪ್ಲೊಮಾ ಮತ್ತು ದುಬೈ ಇಂಟರ್ ನ್ಯಾಷನಲ್ ಸ್ಪೈನ್ ಕಾನ್ಫರೆನ್ಸ್ ಅಧ್ಯಕ್ಷ ಡಾ. ಅಬ್ದುಲ್ ಕರೀಂ ಮ್ಸದ್ದಿ, ತುಂಬೆ ಜಾಲದ ಹಿರಿಯ ಆರೋಗ್ಯ ನಾಯಕರು ಮತ್ತು ಗಣ್ಯರು ಇದ್ದರು ಇದ್ದರು. ನ್ಯೂರೋಲಾಜಿಕಲ್ ಅಸ್ವಸ್ಥತೆಗಳಿಗೆ ನಿಖರತೆ, ವೇಗ ಮತ್ತು ಬಹುಶಾಖಾ ಪರಿಣತಿ ಅಗತ್ಯವಿದೆ. ಈ ಇನ್‌ಸ್ಟಿಟ್ಯೂಟ್ ಮೂಲಕ ತಂತ್ರಜ್ಞಾನ, ಪರಿಣತ ತಜ್ಞರು ಮತ್ತು ರೋಗಿ-ಪ್ರಥಮ ದೃಷ್ಟಿಕೋನದೊಂದಿಗೆ ಒಂದೇ ಸ್ಥಳದಲ್ಲಿ ಒದಗಿಸುತ್ತಿದ್ದೇವೆ. ಇದು ಯುಎಇ ಮಾತ್ರವಲ್ಲ, ಇಡೀ ಪ್ರದೇಶದಲ್ಲಿ ನ್ಯೂರೋಸೈನ್ಸ್ ಆರೈಕೆಯ ಗುಣಮಟ್ಟವನ್ನು ಹೆಚ್ಚಿಸುವ ಮಹತ್ವದ ಹೆಜ್ಜೆಯಾಗಿದೆ.ಹೆಲ್ತ್‌ಕೇರ್‌ ವಿಭಾಗದ ಉಪಾಧ್ಯಕ್ಷ ಅಕ್ಬರ್ ಮೊಯ್ದೀನ್ ತುಂಬೆ ಮಾತನಾಡಿ, ತುಂಬೆ ಗ್ರೂಪ್ ಇನ್‌ಸ್ಟಿಟ್ಯೂಟ್ ನೀಡುವ ಸೇವೆಗಳು ತುಂಬೆ ಇನ್‌ಸ್ಟಿಟ್ಯೂಟ್ ಆಫ್ ನ್ಯೂರೋಸೈನ್ಸಸ್ ನ್ಯೂರೋಸರ್ಜನ್‌ಗಳು, ನ್ಯೂರೋಲಜಿಸ್ಟ್‌ಗಳು, ಇಂಟರ್ವೆನ್ಷನಲ್ ರೇಡಿಯಾಲಜಿಸ್ಟ್‌ಗಳು, ನ್ಯೂರೋ ಟೆಕ್ನೀಷಿಯನ್‌ಗಳು ಮತ್ತು ಪುನರ್ವಸತಿ ತಜ್ಞರನ್ನು ಒಳಗೊಂಡ ಬಹುಶಾಖಾ ತಂಡದ ಸುತ್ತ ನಿರ್ಮಿಸಲಾಗಿದೆ. ನ್ಯೂರೋಲಜಿ ಸೇವೆಗಳು ಸ್ಟ್ರೋಕ್, ಎಪಿಲೆಪ್ಸಿ, ಪಾರ್ಕಿನ್ಸನ್ ರೋಗ, ಮಲ್ಟಿಪಲ್ ಸ್ಕ್ಲೆರೋಸಿಸ್, ಅಲ್ಜೈಮರ್ ರೋಗ, ಮೈಗ್ರೇನ್, ನ್ಯೂರೋಪಥಿ, ತಲೆಸುತ್ತು (ವೆರ್ಟಿಗೋ) ಮತ್ತು ನಿದ್ರೆ ಅಸ್ವಸ್ಥತೆಗಳನ್ನು ಒಳಗೊಂಡಿವೆ. ಇವುಗಳಿಗೆ ನರ ಸಂಚಾರ ಪರೀಕ್ಷೆಗಳು ಮತ್ತು ನ್ಯೂರೋ ಇಮೇಜಿಂಗ್ ಮುಂತಾದ ಆಧುನಿಕ ನಿರ್ಣಯ ತಂತ್ರಜ್ಞಾನಗಳ ಬೆಂಬಲವಿದೆ.

ಶಸ್ತ್ರಚಿಕಿತ್ಸಾ ವಿಭಾಗದಲ್ಲಿ ಮೆದುಳು, ಮೆದುಳುರಜ್ಜು ಮತ್ತು ನರಗಳಿಗೆ ಸಂಬಂಧಿಸಿದ ಸಂಕೀರ್ಣ ಅಸ್ವಸ್ಥತೆಗಳನ್ನು ಮೈಕ್ರೋಸರ್ಜರಿ ಮತ್ತು ಕನಿಷ್ಠ ವಿಧಾನಗಳ ಮೂಲಕ ಚಿಕಿತ್ಸೆ ನೀಡಲಾಗುತ್ತದೆ. ಇದರಲ್ಲಿ ಮೆದುಳಿನ ಟ್ಯೂಮರ್‌ಗಳು, ರಕ್ತನಾಳಗಳ ಅಸಾಮಾನ್ಯತೆಗಳು, ತಲೆಗೆ ಆಗುವ ಗಾಯಗಳು, ಸ್ಪೈನ್ ಅಸ್ವಸ್ಥತೆಗಳು ಮತ್ತು ಮಕ್ಕಳ ನ್ಯೂರೋಲಾಜಿಕಲ್ ಸಮಸ್ಯೆಗಳು ಸೇರಿವೆ. ಕ್ರಾನಿಯೋಪ್ಲಾಸ್ಟಿ, ಹೈಡ್ರೋಸೆಫಾಲಸ್ ನಿರ್ವಹಣೆ ಮತ್ತು ಸುಧಾರಿತ ಸ್ಪೈನ್ ಫಿಕ್ಸೇಶನ್ ಶಸ್ತ್ರಚಿಕಿತ್ಸೆಗಳು ನ್ಯೂರೋನವಿಗೇಶನ್ ತಂತ್ರಜ್ಞಾನ ಮತ್ತು ಶಸ್ತ್ರಚಿಕಿತ್ಸೆಯ ವೇಳೆ ನ್ಯೂರೋ-ಮೋನಿಟರಿಂಗ್ ಬಳಸಿ ನಿಖರವಾಗಿ ನೆರವೇರಿಸಲಾಗುತ್ತದೆ.ತಂತ್ರಜ್ಞಾನ ಆಧಾರಿತ ಪುನರ್ವಸತಿ: ಈ ಇನ್‌ಸ್ಟಿಟ್ಯೂಟ್‌ನಲ್ಲಿ ತಂತ್ರಜ್ಞಾನ ಆಧಾರಿತ ನ್ಯೂರೋ ಪುನರ್ವಸತಿ ವ್ಯವಸ್ಥೆಯ ಏಕೀಕರಣವಾಗಿದೆ. ರೋಗಿಗಳಿಗೆ ರೋಬೋಟಿಕ್ ಪುನರ್ವಸತಿ, ಟ್ರಾನ್ಸ್‌ಕ್ರೇನಿಯಲ್ ಮ್ಯಾಗ್ನೆಟಿಕ್ ಸ್ಟಿಮ್ಯುಲೇಷನ್‌, ಹೈಪರ್‌ಬಾರಿಕ್ ಆಕ್ಸಿಜನ್ ಥೆರಪಿ, ನಡೆದಾಟ ಮತ್ತು ಚಲನ ವಿಶ್ಲೇಷಣೆ, ಇಎಂಜಿ ಆಧಾರಿತ ಕಾರ್ಯಪಟುತ್ವ ಮೌಲ್ಯಮಾಪನ ಹಾಗೂ ಎಕ್ಸೋ ಬಯೋನಿಕ್ಸ್ ಎಕ್ಸೋಸ್ಕೆಲೆಟನ್ ಸಹಾಯಿತ ಪುನರ್ವಸತಿ ಸೇವೆಗಳು ಲಭ್ಯವಿವೆ. ಇದರ ಮುಖ್ಯ ಉದ್ದೇಶ ರೋಗಿಗಳ ಚಲನಶಕ್ತಿ, ಸ್ವಾವಲಂಬನೆ ಮತ್ತು ಜೀವನಮಟ್ಟವನ್ನು ಪುನಃ ಸ್ಥಾಪಿಸುವುದಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.