ನಾಗರಾಳು ಗ್ರಾಪಂ.ಗೆ ಅಧ್ಯಕ್ಷ , ಉಪಾಧ್ಯಕ್ಷರ ಅವಿರೋಧ ಆಯ್ಕೆ

ಕಡೂರು: ತಾಲೂಕಿನ ಸಖರಾಯಪಟ್ಟಣ ಸಮೀಪದ ನಾಗರಾಳು ಗ್ರಾಪಂ ಅಧ್ಯಕ್ಷರಾಗಿ ಶೈಲಜಾ ಅಪ್ಪಾಜಿ , ಉಪಾಧ್ಯಕ್ಷರಾಗಿ ಗಾಂಧಿನಗರದ ಚಂದ್ರಿಬಾಯಿ ರಾಜನಾಯ್ಕ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆಂದು ಚುನಾವಣಾಧಿಕಾರಿ ಅಕ್ಷರ ದಾಸೋಹದ ಸಹಾಯಕ ನಿರ್ದೇಶಕ ದೇವರಾಜು ಘೋಷಿಸಿದರು. ಈ ಹಿಂದೆ ಎನ್ ಎಸ್ ಬಸವರಾಜ್‌ ಪ್ರಭಾರಿ ಅಧ್ಯಕ್ಷರಾಗಿದ್ದರು. ಅವರ ರಾಜಿನಾಮೆಯಿಂದ ತೆರವಾದ ಸ್ಥಾನಕ್ಕೆ ಚುನಾವಣೆ ನಡೆದು ಅಧ್ಯಕ್ಷರ ಸ್ಥಾನ ಒಬಿಸಿ ಯ 2 ಎಗೆ ಮೀಸಲಾಗಿತ್ತು. ಉಪಾಧ್ಯಕ್ಷ ಸ್ಥಾನ ಸಾಮಾನ್ಯ ವರ್ಗಕ್ಕೆ ಸೇರಿತ್ತು. ಚುನಾವಣೆ ಯಲ್ಲಿ ಒಬಿಸಿ ಯ 2ಎ ಸ್ಥಾನಕ್ಕೆ ಅಭ್ಯರ್ಥಿ ಶೈಲಜಾ ಅಪ್ಪಾಜಿ ಮಾತ್ರ ಮತ್ತು ಚಂದ್ರಿಬಾಯಿ ಮಾತ್ರ ನಾಮಪತ್ರ ಸಲ್ಲಿಸಿದ್ದ ಕಾರಣ ಇಬ್ಬರೂ ಅವಿರೋಧ ಆಯ್ಕೆಯಾದರು. ನೂತನ ಅಧ್ಯಕ್ಷರನ್ನು ಅಭಿನಂದಿಸಿದ ಕಾಂಗ್ರೆಸ್ ಮುಖಂಡ ಕುಮಾರ್ ಗಾಂಧಿ ಮಾತನಾಡಿ, ಈಗಿನ ಅಧ್ಯಕ್ಷರು ಅಭಿವೃದ್ಧಿ ಕಡೆ ಗಮನಕೊಡಬೇಕು. ಇನ್ನೇನು ಬೇಸಿಗೆ ಸನ್ನಿಹಿತವಾಗಿದ್ದು , ಕುಡಿಯುವ ನೀರೂ ಸೇರಿದಂತೆ ಅಭಿವೃದ್ಧಿ ಕಾರ್ಯಗಳಿಗೆ ಗಮನಕೊಡಬೇಕು ಎಂದರು. ನೂತನ ಅಧ್ಯಕ್ಷೆ ಶೈಲಜಾ ಮಾತನಾಡಿ ಎಲ್ಲರ ಸಹಕಾರದಿಂದ ಅಧ್ಯಕ್ಷೆಯಾಗಿದ್ದೇನೆ. ನಾಗರಾಳು ಗ್ರಾ.ಪಂ.ಕಟ್ಟಡ ತಾಲೂಕಿನಲ್ಲಿಯೇ ಮಾದರಿ. ಅದೇ ರೀತಿ ಆಡಳಿತ ಮತ್ತು ಅಭಿವೃದ್ಧಿ ಮಾಡಬೇಕೆಂಬ ಒತ್ತಾಸೆಯಿದೆ. ಅದಕ್ಕೆ ಸದಸ್ಯರು ಸಹಕಾರ ನೀಡಬೇಕು ಎಂದರು. ಈ ಸಂದರ್ಭದಲ್ಲಿ ಗ್ರಾ.ಪಂ.ಸದಸ್ಯರಾದ ಬಸವರಾಜು, ಯಶೋಧಮ್ಮ, ಚನ್ನಬಸಪ್ಪ,ಮುಖಂಡರಾದ ಸಂತೋಷ್, ನಟರಾಜ್, ಅಶೋಕ್, ವಿಶ್ವನಾಥ್, ಉಮೇಶ್, ಶಿವಣ್ಣ, ಚಂದ್ರಪ್ಪ, ರೇಣುಕಾ ನಾಗರಾಜ್, ಕುಮಾರ್ ಶೆಟ್ಟರು, ದರ್ಶನ್, ನಂದೀಶ,ಮಂಜಾನಾಯ್ಕ, ತಿಮ್ಮಪ್ಪಶೆಟ್ಟಿ, ಮಂಜುನಾಥ್ ಹಾಗೂ ಸಾರ್ವಜನಿಕರು ಹಾಜರಿದ್ದರು. 26ಕೆಕೆಡಿಯು2,