95 ನಗರಗಳಲ್ಲಿ ಉಪಸ್ಥಿತಿ, 250ಕ್ಕೂ ಹೆಚ್ಚು ಬ್ರಾಂಡೆಡ್ ಅಂಗಡಿ ಸ್ಥಾಪಿಸಿದ ಕ್ಯಾಶಿಫೈ
ಸಾರಾಂಶ
ಕ್ಯಾಶಿಫೈ ಕಂಪನಿಯು ಈಗ ದೇಶದ 95 ನಗರಗಳಿಗೆ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿದ್ದು, ಒಟ್ಟು 250ಕ್ಕೂ ಹೆಚ್ಚು ಬ್ರಾಂಡೆಡ್ ಅಂಗಡಿಗಳನ್ನು ಹೊಂದಿದೆ. ಈ ಕುರಿತ ವರದಿ ಇಲ್ಲಿದೆ.
ಕನ್ನಡಪ್ರಭವಾರ್ತೆ ಬೆಂಗಳೂರು: ಭಾರತದ ಪ್ರಮುಖ ರೀಕಾಮರ್ಸ್ ವೇದಿಕೆಯಾದ ಕ್ಯಾಶಿಫೈ, ತನ್ನ ಆಫ್ಲೈನ್ ಮಾರುಕಟ್ಟೆಯನ್ನು ಬಲಪಡಿಸುವ ನಿಟ್ಟಿನಲ್ಲಿ ಮಹತ್ವದ ಸಾಧನೆ ಮಾಡಿದೆ. ಕಂಪನಿಯು ಈಗ ದೇಶದ 95 ನಗರಗಳಿಗೆ ತನ್ನ ವ್ಯಾಪ್ತಿಯನ್ನು ವಿಸ್ತರಿಸಿದ್ದು, ಒಟ್ಟು 250ಕ್ಕೂ ಹೆಚ್ಚು ಬ್ರಾಂಡೆಡ್ ಅಂಗಡಿಗಳನ್ನು ಹೊಂದುವ ಮೂಲಕ ಹೊಸ ಮೈಲಿಗಲ್ಲು ಸ್ಥಾಪಿಸಿದೆ.
ಈ ಪ್ರೀಮಿಯಂ ವಿಭಾಗದಲ್ಲಿ ಲಭ್ಯವಿರುವ ಸಾಧನಗಳು:
-ಸ್ಮಾರ್ಟ್ಫೋನ್ಗಳು ಮತ್ತು ಲ್ಯಾಪ್ಟಾಪ್ಗಳು: -ಮ್ಯಾಕ್ಬುಕ್ ಸೇರಿದಂತೆ ಉನ್ನತ ಶ್ರೇಣಿಯ ಸಾಧನಗಳು.-ಗೇಮಿಂಗ್ ಮತ್ತು ವೇರೇಬಲ್ಸ್: ಪಿಎಸ್5 ಕನ್ಸೋಲ್ಗಳು, ಸ್ಮಾರ್ಟ್ವಾಚ್ಗಳು ಮತ್ತು ಪ್ರೀಮಿಯಂ ಆಡಿಯೋ ಸಾಧನಗಳು.
ಈ ಕುರಿತು ಕ್ಯಾಶಿಫೈ ಸಿಇಓ ಮಂದೀಪ್ ಮನೋಚಾ ಅವರು ಮಾತನಾಡಿ, ‘ಭಾರತದ ರೀಫರ್ಬಿಶ್ಡ್ ಎಲೆಕ್ಟ್ರಾನಿಕ್ಸ್ ಮಾರುಕಟ್ಟೆ ವೇಗವಾಗಿ ಬೆಳೆಯುತ್ತಿದೆ. ಗ್ರಾಹಕರು ಈಗ ಪಾರದರ್ಶಕತೆ ಮತ್ತು ಸುಲಭವಾಗಿ ದೊರೆಯುವ ಉತ್ತಮ ಗುಣಮಟ್ಟದ ಸಾಧನಗಳನ್ನು ಬಯಸುತ್ತಿದ್ದಾರೆ’ ಎಂದು ತಿಳಿಸಿದ್ದಾರೆ. ಎರಡನೇ ಮತ್ತು 3ನೇ ಹಂತದ ನಗರಗಳು ಬೆಳವಣಿಗೆಗೆ ಪ್ರಮುಖ ಕಾರಣವಾಗಿದ್ದರೆ, ಮೆಟ್ರೋ ನಗರಗಳಲ್ಲಿ ಪ್ರೀಮಿಯಂ ಉತ್ಪನ್ನಗಳಿಗೆ ಭಾರಿ ಬೇಡಿಕೆ ಕಂಡುಬರುತ್ತಿದೆ.