ಇಳೆಗೆ ತಂಪೆರೆದ ಮಳೆರಾಯ

ಗುಡುಗು, ಸಿಡಿಲು, ಮಿಂಚುಗಳ ಆರ್ಭಟದೊಂದಿಗೆ ಸುರಿದ ಮಳೆ । ಮೊದಲ ಮಳೆಗೆ ರೈತರ ಹರ್ಷ

ಪಟ್ಟಣ ಸೇರಿದಂತೆ ಸುತ್ತಮುತ್ತಲಿನ ನಾನಾ ಗ್ರಾಮದಲ್ಲಿ ಮಳೆರಾಯ ತಂಪು ತಂದಿದ್ದಾನೆ.

ತಂಪು: ಬೇಸಿಗೆ ಬಿಸಿಲಿನಿಲಿಂದ ಬಸವಳಿದಿದ್ದ ಇಳೆಗೆ ಮಳೆ ತಂಪು ನೀಡಿತು. ಬಿಸಿಲ ಝಳಕ್ಕೆ ಜನರು ಹೈರಾಣವಾಗಿದ್ದರು. ಉತ್ತಮ ಮಳೆ ಸುರಿದಿದ್ದರಿಂದ ತಂಪಾದ ವಾತಾವರಣ ಜನರ ಮನಸ್ಸಿನಲ್ಲಿ ಮುದ ತಂದಿತು.

ಹರಿದ ಹಳ್ಳ: ಯರೇಭಾಗದ ಗ್ರಾಮಗಳಲ್ಲಿ ಮಳೆ ಸುರಿದ್ದರಿಂದ ಹಳ್ಳಗಳಲ್ಲಿ ನೀರು ಹರಿಯಿತು. ಬೇಸಿಗೆ ದಿನಗಳಲ್ಲಿ ನೀರಿಲ್ಲದೆ ಬಣಗುಡುತ್ತಿದ್ದ ಹಳ್ಳ ನೀರಿನ ಹರಿವು ಕಂಡಿತು. ಇದರಿಂದ ಕುರಿಗಾಹಿಗಳಿಗೆ ನೀರಿನ ತಾಪತ್ರಯ ತಪ್ಪಿತು. ತಾಲೂಕಿನ ಯರೇಭಾಗದಲ್ಲಿ ಉತ್ತಮ ಮಳೆ ಕಾರಣ ತಾಲೂಕಿನ ನಿಂಗಾಪೂರ ಹಳ್ಳ ತುಂಬಿ ಹರಿಯಿತು.

ಯಲಬುರ್ಗಾ ಪಟ್ಟಣದಲ್ಲಿ ಶನಿವಾರ ಬೆಳಗ್ಗೆ ಗುಡುಗು, ಸಿಡಿಲಿನೊಂದಿಗೆ ಮಳೆ ಸುರಿಯಿತು.ಬಿಸಿಲಿನಿಂದ ತತ್ತರಿಸಿದ್ದ ಜನತೆಯ ಜೀವಕ್ಕೆ ಮಳೆ ತಂಪೆರೆದಂತಾಯಿತು. ಸುಮಾರು ಒಂದು ಗಂಟೆ ಕಾಲ ಸುರಿದ ಮಳೆಯಿಂದ ರಸ್ತೆಯೆಲ್ಲೆಲ್ಲ ನೀರು ಹರಿದಾಡಿತು. ಇದರಿಂದ ಅಲ್ಲಲ್ಲಿ ಜನತೆ ಸಾಕಷ್ಟು ಪರದಾಡುವಂತಾಯಿತು. ಆದರೆ ಯಾವುದೇ ಹಾನಿಯಾದ ಬಗ್ಗೆ ವರದಿಗಳಾಗಿಲ್ಲ.೨೦ವೈಎಲ್‌ಬಿ೩: ಯಲಬುರ್ಗಾದಲ್ಲಿ ಶನಿವಾರ ಬೆಳಗ್ಗೆ ಗುಡುಗು, ಸಿಡಿಲಿನೊಂದಿಗೆ ಮಳೆ ಸುರಿಯಿತು.