ಜಾತಿ ಪದ್ಧತಿ ನಿರ್ಮೂಲನೆ ಆಗದೆಯೇ ಸಮಾನತೆ ಅಸಾಧ್ಯ: ಸಿದ್ದರಾಮಯ್ಯ

ಕನ್ನಡಪ್ರಭ ವಾರ್ತೆ ಬೆಂಗಳೂರು

ಕನ್ನಡ ಸಂಸ್ಕೃತಿ ಇಲಾಖೆ ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಸೋಮವಾರ ಹಮ್ಮಿಕೊಂಡಿದ್ದ ‘ಕನಕದಾಸರ ಜಯಂತಿ ಆಚರಣೆ ಹಾಗೂ ಕನಕ ಶ್ರೀ ಪ್ರಶಸ್ತಿ ಪ್ರದಾನ’ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಕಾಗಿನೆಲೆ ಕನಕಗುರು ಪೀಠದ ಸಿದ್ದರಾಮಾನಂದಪುರಿ ಸ್ವಾಮೀಜಿ, ಡೊಳ್ಳುಕುಣಿತ ಸೇರಿದಂತೆ ಹಾಲುಮತದ ವರ್ಗದವರ 18 ಜಾನಪದ ಕಲೆಗಳು ಅಳುವಿನ ಅಂಚಿನಲ್ಲಿವೆ. ಅವುಗಳನ್ನು ಪೋಷಿಸಲು ಹಾಲುಮತ-ಕುರುಬ ಕಲಾ ಅಕಾಡೆಮಿ ಆರಂಭಿಸಬೇಕು. ಕನಕದಾಸರ ಕೀರ್ತಿಯನ್ನು ಚಿರಸ್ಥಾಯಿಯಾಗಿ ಉಳಿಸಲು ಹಂಪಿ ಅಥವಾ ಧಾರವಾಡ ವಿಶ್ವವಿದ್ಯಾಲಯಕ್ಕೆ ಕನಕದಾಸರ ಹೆಸರು ನಾಮಕರಣ ಮಾಡಬೇಕು. ಮೀನಾಮೇಷ ಎಣಿಸದೆ ಜಾತಿ ಜಣಗತಿ ವರದಿಯನ್ನು ಮುಂದಿನ ಕನಕದಾಸ ಜಯಂತಿ ಒಳಗೆ ಜಾರಿ ಮಾಡಬೇಕು ಎಂದು ಮುಖ್ಯಮಂತ್ರಿಗಳನ್ನು ಆಗ್ರಹಿಸಿದರು.

500ನೇ ಜಯಂತಿ ಆಚರಿಸಿದ್ದೆ ನಾನು: 1988ರ ಎಸ್‌.ಆರ್.ಬೊಮ್ಮಾಯಿ ಸರ್ಕಾರದಲ್ಲಿ ನಾನು ಸಾರಿಗೆ ಸಚಿವನಾಗಿದ್ದೆ. ಆಗ 1988ರ ನ.25ರಂದು ನಾನು ಕನಕದಾಸರ 500ನೇ ಜಯಂತಿ ಆಚರಣೆ ಮಾಡಿದ್ದೆ. ಅಲ್ಲಿಂದ ಸರ್ಕಾರದ ವತಿಯಿಂದಲೇ ಪ್ರತಿ ವರ್ಷವೂ ಕನಕ ಜಯಂತಿ ಆಚರಣೆ ಮಾಡಲು ಪ್ರಾರಂಭ ಮಾಡಿದೆವು. ಹಿರಿಯ ಸಾಹಿತಿ ದೆ.ಜವರೇಗೌಡ ಅವರ ಅಧ್ಯಕ್ಷತೆಯಲ್ಲಿ ಸಮಿತಿ ರಚಿಸಿ, ಕನಕದಾಸ ಕಾವ್ಯ, ಸಾಹಿತ್ಯ, ಕೀರ್ತನೆಗಳು ಸಂಗ್ರಹಿಸಿ ಪ್ರಕಟಿಸಿ ಕಡಿಮೆ ದುಡ್ಡಿನಲ್ಲಿ ಜನರಿಗೆ ವಿತರಿಸಿದ್ದೆವು ಎಂದು ಸಿದ್ದರಾಮಯ್ಯ ಸ್ಮರಿಸಿದರು.