ಸಕಲ ಸಾಹಿತ್ಯಕ್ಕೂ ಜಾನಪದ ಮೂಲಾಧಾರ: ಜಿಲ್ಲಾ ಬಿಜೆಪಿ ಮುಖಂಡ ಅರವಿಂದ್

ಕನ್ನಡಪ್ರಭ ವಾರ್ತೆ ಮಂಡ್ಯ

ನಗರದಲ್ಲಿರುವ ಹರ್ಡಿಕರ್ ಭವನದಲ್ಲಿ ಕಸ್ತೂರಿ ಸಿರಿಗನ್ನಡ ವೇದಿಕೆ ರಾಜ್ಯ ಘಟಕ ಆಯೋಜಿಸಿದ್ದ ಯುಗಾದಿ ಸಂವತ್ಸರ ಅಂಗವಾಗಿ ರಾಜ್ಯ ಮಟ್ಟದ ಯುಗಾದಿ ಕವಿಗೋಷ್ಠಿ, ಕಲ್ಲರಳಿ ಹೂವಾಗಿ ಕವನಸಂಕಲನ ಬಿಡುಗಡೆ- ಸಾಧಕರಿಗೆ ಅಭಿನಂದನೆ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದರು.

ಜಾನಪದ ಉಳಿಸಿ ಬೆಳೆಸುವುದು ಪ್ರತಿ ಸಾಹಿತಿಯ ಧ್ಯೇಯವಾಗಬೇಕಿದೆ, ಜಾನಪದ ಸಾಹಿತಿಗಳಿಂದ ಉಳಿದರೆ,ಕಲೆಗಳು ಕಲಾವಿದರಿಂದ ಬೆಳವಣಿಗೆ ಕಾಣುತ್ತವೆ. ಮೂಲ ಸಾಹಿತ್ಯವು ಸಂಗೀತ ಮತ್ತು ಗಾಯಕರಿಂದ ಕಲಾರಸಿಕರಿಗೆ ತಲುಪುತ್ತದೆ ಎಂದರು.

ಕನ್ನಡತನ-ಕನ್ನಡಭಾಷಾಭಿಮಾನವನ್ನು ಮುಂದಿನ ತಲೆಮಾರಿಗೆ ಕಟ್ಟಿಕೊಡುವ ನಿಟ್ಟಿನಲ್ಲಿ ಸನ್ನದ್ದರಾಗಬೇಕಿದೆ, ಪುಸ್ತಕಕ್ಕಿಂತ ಒಳ್ಳಯ ಸ್ನೇಹಿತನಿಲ್ಲ, ಕೋಪ, ತಾಪ, ದ್ವೇಷ ಮಾಡಿಕೊಳ್ಳದ ಏಕೈಕ ಗೆಳೆಯ ಪುಸ್ತಕ, ಕೃತಿಗಳಾಗಿವೆ ಎಂದು ಸಲಹೆ ನೀಡಿದರು.

ಇದೇ ಸಂದರ್ಭದಲ್ಲಿ ರಾಜ್ಯಮಟ್ಟದ ಕವಿಗೋಷ್ಠಿ ನಡೆಯಿತು, ಸಾಧಕರಿಗೆ ಅಭಿನಂದನೆ ಸಲ್ಲಿಸಲಾಯಿತು, ೩೨ನೇ ಕವನ ಸಂಕಲನ ಕಲ್ಲರಳಿ ಹೂವಾಗಿ ಗಣ್ಯರಿಂದ ಲೋಕಾರ್ಪಣೆಗೊಂಡಿತು.