ಪಿಎಂ ಆಗಬೇಕೆಂದು ಗುರಿ ಇಟ್ಟುಕೊಂಡಿದ್ದೇನೆ

ಕನ್ನಡಪ್ರಭ ವಾರ್ತೆ ಇಂಡಿ

ಪಟ್ಟಣದ ಧನಶೆಟ್ಟಿ ಮಂಗಲ ಕಾರ್ಯಾಲದಲ್ಲಿ 548ಬಿ ರಾಷ್ಟ್ರೀಯ ಹೆದ್ದಾರಿ ಮಹಾರಾಷ್ಟ್ರದ ಮುರುಮದಿಂದ ಮಾಶ್ಯಾಳ, ಕರಜಗಿ, ಇಂಡಿ, ಅಥರ್ಗಾ, ನಾಗಠಾಣ ಮಾರ್ಗವಾಗಿ ವಿಜಯಪುರದವರೆಗೆ 102 ಕಿಮೀ ಉದ್ದದ ನೂತನ ರಾಷ್ಟ್ರೀಯ ಹೆದ್ದಾರಿ ಕಾಮಗಾರಿಗೆ ಸೋಮವಾರ ಭೂಮಿಪೂಜೆ ನೆರವೇರಿಸಿ ಮಾತನಾಡಿದ ಅವರು, 40 ವರ್ಷದ ರಾಜಕಾರಣದಲ್ಲಿ ರಾಜ್ಯ, ಕೇಂದ್ರದಲ್ಲಿ ನಮ್ಮ ಪಕ್ಷದ ಸರ್ಕಾರ ಇಲ್ಲದಿದ್ದರೂ ಬೇರೆ ಪಕ್ಷದ ಮುಖ್ಯಮಂತ್ರಿ, ಸಚಿವರಿಂದ ಜಿಲ್ಲೆಯ ಅಭಿವೃದ್ಧಿಗಾಗಿ ಮನವಿ ಮಾಡಿಕೊಂಡು ಯೋಜನೆಗಳು ಅನುಷ್ಠಾನಗೊಳಿಸಿದ್ದೇನೆ. ನಾನು ಪ್ರಚಾರ ಪಡೆಯುವುದಕ್ಕಿಂತ ಜನರ ಕೆಲಸ ಮಾಡಿದ್ದೇನೆ ಎಂಬ ಸಮಾಧಾನ, ನೆಮ್ಮದಿ ನನಗಿದೆ ಎಂದು ತಿಳಿಸಿದರು.

ಹೆಗಡೆ ಹಾಗೂ ಪಟೇಲರು ನನಗೆ ಅಧಿಕಾರ, ಹಣದ ಬೆನ್ನು ಹತ್ತಬೇಡ ಎಂದು ಕಿವಿಮಾತು ಹೇಳಿದ್ದಾರೆ. ಸಾವಿರ ಕೋಟಿ ಅನುದಾನದ ಕಾಮಗಾರಿಗೆ ಬೇರೆ ಪಕ್ಷದವರು ಭೂಮಿಪೂಜೆ ಮಾಡುತ್ತಿದ್ದರೆ ಜಾತ್ರೆ ಮಾಡುತ್ತಿದ್ದರು. ಜೀಪ್‌, ಗಾಡಿ ಕಳಹಿಸಿ ಜನರನ್ನು ಕರೆಸುತ್ತಿದ್ದರು. ಆದರೆ, ನಾನು ಜೀಪ್‌, ಗಾಡಿ ಕೊಟ್ಟು ಜನರನ್ನು ಕರೆಸಿ ಕಾರ್ಯಕ್ರಮ ಮಾಡುವವನಲ್ಲ. ಗಾಡಿ, ಜೀಪ್‌ ಕಳುಹಿಸಿ ಜನರನ್ನು ಕರೆಯಿಸಿ ಕಾರ್ಯಕ್ರಮ ಮಾಡಿದರೇ ಗಾಡಿ, ಜೀಪ್‌ದ ಹಣ ತೆಗೆಯಬೇಕಾದರೇ ಬೇರೊಬ್ಬರ ಜೇಬು ಕತ್ತರಿಸಬೇಕಾಗುತ್ತದೆ ಎಂದರು.

ಆಂಧ್ರಪ್ರದೇಶದ ಮಾದರಿಯಲ್ಲಿ ಜೆಜೆಎಂ ಯೋಜನೆ ಅನುಷ್ಠಾನಗೊಳಿಸಿದ ಕೀರ್ತಿ ಬಿಜೆಪಿ ಸರ್ಕಾರಕ್ಕೆ ಸಲ್ಲುತ್ತದೆ. ಭೀಮಾನದಿಯ ದಂಡೆಯ ಮೇಲಿರುವ ಗ್ರಾಮಗಳು ಸೇರಿದಂತೆ ಇಂಡಿ ತಾಲೂಕಿನ ಪ್ರತಿ ಗ್ರಾಮಗಳಿಗೆ ಜಲಜೀವನ್‌ ಮಿಷನ್‌ ಯೋಜನೆ ಅಡಿಯಲ್ಲಿ ಕುಡಿಯುವ ನೀರಿನ ಯೋಜನೆ ಜಾರಿಗೊಳಿಸಲಾಗಿದೆ. ಕುಡಿಯುವ ನೀರು,ರಸ್ತೆ ಕಾಮಗಾರಿಯಲ್ಲಿ ಕೇಂದ್ರ ಸರ್ಕಾರ ಹಾಗೂ ರಾಜ್ಯ ಸರ್ಕಾರದ ಅರ್ಧ ಪಾಲು ಇದ್ದರೂ ಯಾವ ಶಾಸಕರು ನಮ್ಮ ಪ್ರಧಾನ ಮಂತ್ರಿಯ ಫೋಟೋ ಹಾಕುವುದಿಲ್ಲ, ನಮ್ಮ ಹೆಸರು ಹೇಳುವುದಿಲ್ಲ. ಕೇಂದ್ರ ಸರ್ಕಾರದ ಯೋಜನೆಗಳ ಭೂಮಿಪೂಜೆ ನೆರವೇರಿಸಿ ನಾವು ಮಾಡಿದ್ದೇವೆ ಎಂದು ಹೇಳುತ್ತಿದ್ದಾರೆ. ನಮ್ಮ ಹೆಸರು ಹೇಳದಿದ್ದರೂ ದೇವರು ಅವರಿಗೆ ಒಳ್ಳೆಯದು ಮಾಡಲಿ. ಹಿಂದಿನ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವಧಿಯಲ್ಲಿ ₹3 ಸಾವಿರ ಕೋಟಿ ಅನುದಾನದಲ್ಲಿ ಹೊರ್ತಿ ಭಾಗದ ನೀರಿವಾರಿಗಾಗಿ ₹3 ಸಾವಿರ ಕೋಟಿ ಅನುದಾನ ಮಂಜೂರು ಮಾಡಿಸಲಾಗಿದ್ದು, ಕಾಮಗಾರಿ ಪ್ರಗತಿ ಹಂತದಲ್ಲಿದೆ ಎಂದು ಮಾಹಿತಿ ನೀಡಿದರು.

ಈ ಸಂದರ್ಭದಲ್ಲಿ ದೇವೆಂದ್ರ ಕುಂಬಾರ, ಸಿದ್ದಲಿಂಗ ಹಂಜಗಿ, ಶೀಲವಂತ ಉಮರಾಣಿ, ಸಂಜೀವ ಐಹೊಳೆ, ಶ್ರೀಶೈಲಗೌಡ ಬಿರಾದಾರ, ಅನೀಲ ಜಮಾದಾರ, ವಿಜಯಲಕ್ಷ್ಮಿ ರೂಗಿಮಠ, ಸುನಂದಾ ವಾಲಿಕಾರ, ರವಿ ವಗ್ಗೆ, ಶ್ರೀಪತಿಗೌಡ ಬಿರಾದಾರ, ಎ.ಎಸ್.ಪಾಟೀಲ, ಎಸ್‌.ಜೆ.ವಾಲಿಕಾರ, ಹಣಮಂತ್ರಾಯಗೌಡ ಪಾಟೀಲ, ರವಿಕಾಂತ ಬಗಲಿ, ವೆಂಕಟೇಶ ಕುಲಕರ್ಣಿ, ಸಂಜೀವ ದಶವಂತ, ಅನೀಲಗೌಡ ಬಿರಾದಾರ, ಸುನಂದಾ ಗಿರಣಿವಡ್ಡರ, ರಾಮಸಿಂಗ ಕನ್ನೊಳ್ಳಿ, ಅನುಸೂಯಾ ಮದರಿ, ಸುನೀಲ ರಬಶೆಟ್ಟಿ, ರಾಜಕುಮಾರ ಸಗಾಯಿ, ಶಾಂತು ಕಂಬಾರ, ಮಂಜು ದೇವರ, ಮಲ್ಲನಗೌಡ ಬಿರಾದಾರ, ಸಂತೋಷಗೌಡ ಪಾಟೀಲ, ಚನ್ನುಗೌಡ ಪಾಟೀಲ, ಬತ್ತುಸಾಹುಕಾರ ಹಾವಳಗಿ, ಸಿಕಂದರ ಬೊರಾಮಣಿ, ವಿಜು ಮಾನೆ, ಭೀಮರಾಯಗೌಡ ಮದರಖಂಡಿ, ಮಹಾದೇವ ಗುಡ್ಡೊಡಗಿ, ದತ್ತಾ ಬಂಡೆನವರ, ರಮೇಶ ಧರೆನವರ, ಶಿವು ಬಗಲಿ, ಸಚಿನ ಬೊಳೆಗಾಂವ, ಭೀಮರಾಯಗೌಡ ಬಿರಾದಾರ, ವಿರಾಜ ಪಾಟೀಲ, ಶ್ರೀನಿವಾಸ ಕಂದಗಲ್ಲ, ಪ್ರಕಾಶ ಹಿಟ್ನಳ್ಳಿ ಮೊದಲಾದವರು ಇದ್ದರು.