ಹಳಿ ತಪ್ಪಿದ ರಾಜ್ಯದ ಆರ್ಥಿಕ ನೀತಿ

ಕನ್ನಡಪ್ರಭ ವಾರ್ತೆ ರಬಕವಿ-ಬನಹಟ್ಟಿ

ರಾಮಪುರ ಶ್ರೀದಾನೇಶ್ವರಿ ಸಮುದಾಯ ಭವನದಲ್ಲಿ ತೇರದಾಳ ಕ್ಷೇತ್ರವ್ಯಾಪ್ತಿಯ ಬೂತ್ ಮಟ್ಟದ ಕಾರ್ಯಕರ್ತರ ಸಭೆಯಲ್ಲಿ ಮಾತನಾಡಿದ ಅವರು, ಬಾಗಲಕೋಟೆ - ಕುಡಚಿ ಯೋಜನೆ ವಿಳಂಬಕ್ಕೆ ರಾಜ್ಯ ಸರ್ಕಾರವೇ ನೇರ ಕಾರಣವಾಗಿದೆ. ಯಾವುದೇ ಯೋಜನೆಗಳಿಗೆ ಹಣ ಹೊಂದಿಸಲಾಗದೇ ಅಸಹಾಯಕರಾಗಿರುವ ಸಿದ್ದರಾಮಯ್ಯ ಅನವಶ್ಯಕವಾಗಿ ಕೇಂದ್ರದತ್ತ ಬೊಟ್ಟು ಮಾಡುವುದು ಅವರ ಆರ್ಥಿಕ ನೀತಿ ಹಳಿ ತಪ್ಪಿದ ಪ್ರತೀಕವಾಗಿದೆ ಎಂದು ಟೀಕಿಸಿದರು.

ಕೃಷಿ ಕ್ಷೇತ್ರದಲ್ಲಿ ₹೨೪೮೨೧.೦೮ ಕೋಟಿ, ಜೆಜೆಎಂ, ಘರ-ಘರ್ ಜಲ್ ಯೋಜನೆಗೆ ₹೨೩೭೭.೪೪ ಕೋಟಿ, ನೇಕಾರ ಕಲ್ಯಾಣ ಯೋಜನೆಗೆ ₹೫೪೯.೩೮ ಕೋಟಿ, ಕೈಮಗ್ಗ ನೇಕಾರರ ಮಕ್ಕಳ ಶಿಷ್ಯವೇತನ ₹೨ಲಕ್ಷ, ನೇಕಾರರ ಮಾಸಿಕ ಆರ್ಥಿಕ ಧನಸಹಾಯ ಯೋಜನೆ, ಕಾರ್ಮಿಕ ಕಲ್ಯಾಣಕ್ಕಾಗಿ ₹೮೭೬೧.೫೩ ಕೋಟಿ, ಕೋಲ್ ಇಂಡಿಯಾದ ಸಿಎಸ್‌ಆರ್ ಅನುದಾನ ₹೧೦ಕೋಟಿ, ಕೇಂದ್ರೀಯ ವಿದ್ಯಾಲಯ ₹೮೫೪.೬೪ ಲಕ್ಷ, ಡಿಜಿಟಲ್ ಇಂಡಿಯಾ, ಪಿಎಂ ಆವಾಸ್ ಯೋಜನೆಯಡಿ ನಗರ ಪ್ರದೇಶದಲ್ಲಿ ₹೧೧೭೯೦ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ₹೯೫೨೩ ಫಲಾನುಭವಿಗಳು ಸೌಲಭ್ಯ ಪಡೆದಿದ್ದಾರೆ ಎಂದು ತಿಳಿಸಿದರು.

ವಿಕಸಿತ ಭಾರತ ಸಂಕಲ್ಪ ಮೋದಿಯವರ ಆದ್ಯತೆಯಾಗಿದೆ. ಸದೃಢ ಮತ್ತು ಸ್ವಾಭಿಮಾನಿ ಭಾರತದ ನಿರ್ಮಾಣಕ್ಕೆ ಪಣ ತೊಟ್ಟಿರುವ ಬಿಜೆಪಿ ಸರ್ಕಾರ ಈ ಬಾರಿಯೂ ಅಧಿಕಾರಕ್ಕೇರುವುದು ನಿಶ್ಚಿತವಾಗಿದೆ. ಆದರೂ ಸಂಸದರಿಗೆ ದಾಖಲೆ ಅಂತರದ ಗೆಲುವು ನೀಡಬೇಕು. ಈ ಮೂಲಕ ಕೇಂದ್ರದಲ್ಲಿ ಸುಭದ್ರ ಸರ್ಕಾರ ರಚನೆಗೆ ಬೂತ್ ಮಟ್ಟದಲ್ಲಿ ಕೇಂದ್ರ ಸರ್ಕಾರದ ಸಾಧನೆ ಮತ್ತು ವಿಶ್ವಗುರುವಾಗುವತ್ತ ಪ್ರಧಾನಿ ಮೋದಿ ಭಾರತವನ್ನು ಸಜ್ಜುಗೊಳಿಸುತ್ತಿರುವ ಪರಿಯನ್ನು ಮತದಾರರಿಗೆ ವಿವರಿಸಬೇಕು ಎಂದು ಕರೆ ನೀಡಿದರು.

ಅಧ್ಯಕ್ಷತೆ ವಹಿಸಿದ್ದ ಶಾಸಕ ಸಿದ್ದು ಸವದಿ ಮಾತನಾಡಿ, ರಾಜ್ಯದ ಕಾಂಗ್ರೆಸ್ ನಾಯಕರು ಹಣಬಲ, ಅಧಿಕಾರ ಬಲದಿಂದ ಗೆಲವಿನ ಹಗಲುಗನಸು ಕಾಣುತ್ತಿದ್ದಾರೆ. ತೇರದಾಳ ಕ್ಷೇತ್ರದಲ್ಲಿ ಕಳೆದ ಬಾರಿ ೩೬ ಸಾವಿರ ಲೀಡ್ ನೀಡಿದ್ದ ಮತದಾರರು ಈ ಬಾರಿ ೬೦ಸಾವಿರ ಲೀಡ್ ನೀಡುವ ಮೂಲಕ ಪ್ರಧಾನಿ ನರೇಂದ್ರ ಮೋದಿಯವರನ್ನು ಮತ್ತೊಮ್ಮೆ ಗೆಲ್ಲಿಸಬೇಕು. ಈ ಮೂಲಕ ಸಬ್ ಕಾ ಸಾಥ್, ಸಬ್ ಕಾ ವಿಕಾಸ್ ಸೂತ್ರವನ್ನು ಮಾನ್ಯ ಮಾಡಬೇಕು. ೨೦೪೭ರೊಳಗೆ ಭಾರತವನ್ನು ಮುಸ್ಲಿಂ ರಾಷ್ಟ್ರವಾಗಿಸಲು ನೆರವಾಗಿರುವ ಕಾಂಗ್ರೆಸ್‌ಗೆ ತಕ್ಕ ಪಾಠ ಕಲಿಸಬೇಕು ಎಂದರು.

ಕೋಟ್..

ಪಿ.ಸಿ.ಗದ್ದಿಗೌಡರ ಸಂಸದ, ಬಿಜೆಪಿ ಅಭ್ಯರ್ಥಿ