ಸದಾ ಧರ್ಮಕಾರ್ಯಕ್ಕೆ ಸಂಚಾರ ಮಾಡುವವರು ಜಂಗಮರು: ಶ್ರೀಗಳು

ಗದಗ: ಸದಾ ಧರ್ಮಕಾರ್ಯಕ್ಕೆ ಸಂಚಾರ ಮಾಡುವರನ್ನು ಜಂಗಮರೆಂದು ಹೇಳುತ್ತಾರೆ. ಸೂಡಿ ಮಠಕ್ಕೆ ಆಸ್ತಿಯಿಲ್ಲ, ಭಕ್ತರೆ ಆಸ್ತಿ, ಸೂಡಿ ಮಠ ನಿರ್ಮಿಸಲು ಹಲವರು ತಮ್ಮ ಆಸ್ತಿ ದಾನ ಮಾಡಿದ್ದಾರೆ ಎಂದು ಸೂಡಿ ಜುಕ್ತಿಹಿರೇಮಠದ ಕೊಟ್ಟೂರು ಶಿವಾಚಾರ್ಯ ಶ್ರೀಗಳು ಹೇಳಿದರು.

ಸೂಡಿ ಜುಕ್ತಿ ಹಿರೇಮಠದಲ್ಲಿ ದಿವ್ಯಶಕ್ತಿ ಇದೆ. ಸೂಡಿ ಪುಣ್ಯ ಭೂಮಿ ಆಗಿದೆ. ರಾಣಿ ಅಕ್ಕದೇವಿ ಆಳ್ವಿಕೆ ಅವಧಿಯಲ್ಲಿ ಜುಕ್ತಿ ಹಿರೇಮಠ ಪೂರ್ವಜರು ಬಂದು ನೆಲೆಸಿದ್ದರು. ಧರ್ಮ ಕಾರ್ಯಕ್ಕೆ ಸಂಚಾರ ನಡೆಸಿ ಬಿಜಾಪುರದಿಂದ ಬಂದು ಇಲ್ಲಿ ನೆಲೆಸಿದ್ದರು. ಬಿಜಾಪುರದ ಆದಿಲ್ ಷಾಹಿಗಳಿಗೆ ಕಷ್ಟಕಾಲದಲ್ಲಿ ಜೋತಿಷ್ಯ ಶಾಸ್ತ್ರ ಮೂಲಕ ಅವರ ಕಷ್ಟಗಳನ್ನು ಜುಕ್ತಿಹಿರೇಮಠ ಪೂರ್ವಜ ಶ್ರೀಗಳು ದೂರು ಮಾಡಿದ್ದರು. ಲಿಂಗೈಕ್ಯ ಕೊಟ್ಟೂರು ಬಸವೇಶ್ವರ ಶಿವಾಚಾರ್ಯರ ಅವಧಿಯಲ್ಲಿ ಮಠ ನಿರ್ಮಾಣ ಆಯಿತು ಎಂದರು.

ಶ್ರೀಕಾಂತ ಚೌಕಿಮಠ ಮಾತನಾಡಿದರು. ಶಿವಕುಮಾರ್ ಹಿರೇಮಠ ಅವರಿಂದ ವೇದಘೋಷ ನೆರವೇರಿತು. ವೀರೇಶ ಕಿತ್ತೂರು ಸಂಗೀತ ಕಾರ್ಯಕ್ರಮ ನಡೆಸಿಕೊಟ್ಟರು. ಸಾಧಕರಿಗೆ ಗುರುರಕ್ಷೆ ನೀಡಲಾಯಿತು.ಈ ವೇಳೆ ವೀರಣ್ಣ ಮತ್ತಿಕಟ್ಟಿ, ಈಶಣ್ಣ ಮುನವಳ್ಳಿ, ಮೃತ್ಯುಂಜಯ ಸಂಕೇಶ್ವರ, ರವಿ ದಂಡಿನ, ಬಿ.ಬಿ. ಅಸೂಟಿ, ಮುಕ್ತಾಂಬ, ಪ್ರಕಾಶ ಬೇಲಿ, ವಿಜಯಲಕ್ಷ್ಮಿ ಮಾನ್ವಿ, ಅನೀಲ ಅಬ್ಬಿಗೇರಿ, ವಿಜಯಲಕ್ಷ್ಮಿ ದಿಂಡೂರು, ಶಿವಾನಂದಯ್ಯ ಹಿರೇಮಠ, ಆರ್. ಕೆ. ಮಠದ, ಶರಣಬಸವ ಗುಡಿಮನಿ, ಬಿ. ಎಂ. ಪಾಟೀಲ, ಎಸ್. ಕೆ. ಸವಡಿ, ಉಮಾಕಾಂತ ಚೌಕಿಮಠ, ತಾತನಗೌಡ ಪಾಟೀಲ, ನಂದಾ ಬಾಳಿಹಳ್ಳಿಮಠ, ಬಸವರಾಜ ಎಚ್.ಎಂ., ಜಯದೇವ ಶಿರೂರು, ಶರಣಯ್ಯ ಬೂದಿಹಾಳಮಠ, ಪ್ರಭು, ಚಂದ್ರಶೇಖರ ಆರಾಧ್ಯ, ಸಚಿನ ಪಾಟೀಲ, ಮಲ್ಲಿಕಾರ್ಜುನ, ಎಂ. ಎನ್. ಅಷ್ಟಗಿಮಠ, ಪಾಲಾಕ್ಷಿ ಅಳ್ಳೊಳ್ಳಿ, ಕವಿತಾ ಜಾಲಿಹಾಳ, ಮಂಜುನಾಥ ಕರೆಡೆಪ್ಪನ್ನವರ ಇದ್ದರು.