ಸ್ಟಾರ್ ನಟರಿಗಿರುವ 8 ಗಂಟೆ ವರ್ಕಿಂಗ್ ಟೈಮ್ ವ್ಯವಸ್ಥೆ ನಟಿಯರಿಗೆ ಯಾಕಿಲ್ಲ: ದೀಪಿಕಾ ಪಡುಕೋಣೆ
;Resize=(412,232))
ಸಾರಾಂಶ
‘ನನಗೆ ತಿಳಿದಿರುವಂತೆ ಹಿಂದಿನಿಂದ ಇಂದಿನವರೆಗೂ ಸ್ಟಾರ್ ನಟರು, ಹೀರೋಗಳು ಎಂಟು ಗಂಟೆ ಮಾತ್ರ ಶೂಟಿಂಗ್ನಲ್ಲಿರುತ್ತಾರೆ. ಅವರ ಬಗ್ಗೆ ಇದುವರೆಗೆ ಯಾರೂ ಪ್ರಶ್ನೆ ಮಾಡಿಲ್ಲ. ಆದರೆ ನಟಿಯರು ಈ ಬಗ್ಗೆ ಮಾತಾಡಿದ ಕೂಡಲೇ ಅದು ದೊಡ್ಡ ಸುದ್ದಿಯಾಗುತ್ತದೆ, ಇಂಥಾ ಡಬಲ್ ಸ್ಟಾಂಡರ್ಡ್ ಯಾಕೆ?’
ಸಿನಿವಾರ್ತೆ
‘ನನಗೆ ತಿಳಿದಿರುವಂತೆ ಹಿಂದಿನಿಂದ ಇಂದಿನವರೆಗೂ ಸ್ಟಾರ್ ನಟರು, ಹೀರೋಗಳು ಎಂಟು ಗಂಟೆ ಮಾತ್ರ ಶೂಟಿಂಗ್ನಲ್ಲಿರುತ್ತಾರೆ. ಅವರ ಬಗ್ಗೆ ಇದುವರೆಗೆ ಯಾರೂ ಪ್ರಶ್ನೆ ಮಾಡಿಲ್ಲ. ಆದರೆ ನಟಿಯರು ಈ ಬಗ್ಗೆ ಮಾತಾಡಿದ ಕೂಡಲೇ ಅದು ದೊಡ್ಡ ಸುದ್ದಿಯಾಗುತ್ತದೆ, ಇಂಥಾ ಡಬಲ್ ಸ್ಟಾಂಡರ್ಡ್ ಯಾಕೆ?’
ಇದು ದೀಪಿಕಾ ಪಡುಕೋಣೆ ಅವರ ನೇರ ಪ್ರಶ್ನೆ.
ಕೆಲವು ಸಮಯದ ಹಿಂದೆ ದೀಪಿಕಾ ಪಡುಕೋಣೆ 8 ಗಂಟೆ ಕೆಲಸದ ಅವಧಿಗೆ ಬೇಡಿಕೆ ಇಟ್ಟದ್ದನ್ನೇ ಮುಖ್ಯವಾಗಿಸಿಕೊಂಡು ಅವರನ್ನು ‘ಸ್ಪಿರಿಟ್’ ಚಿತ್ರದಿಂದ ಹೊರಹಾಕಲಾಗಿತ್ತು. ಬಳಿಕ ‘ಕಲ್ಕಿ’ ಚಿತ್ರತಂಡವೂ ‘ಬದ್ಧತೆ’ಯ ಕಾರಣ ನೀಡಿ ಅವರನ್ನು ಚಿತ್ರದಿಂದ ಹೊರಗಿಟ್ಟಿತ್ತು. ಇದು ದೇಶಾದ್ಯಂತ ಪರ ವಿರೋಧದ ಚರ್ಚೆಗೆ ಕಾರಣವಾಗಿತ್ತು.
ಈ ಬಗ್ಗೆ ಇದೀಗ ಪ್ರತಿಕ್ರಿಯೆ ನೀಡಿರುವ ದೀಪಿಕಾ, ‘ಹಲವು ನಾಯಕ ನಟರು 8 ಗಂಟೆಯಷ್ಟೇ ಕೆಲಸ ಮಾಡುತ್ತಾರೆ. ಜೊತೆಗೆ ಅವರ ಕೆಲಸ ಸೋಮವಾರದಿಂದ ಶುಕ್ರವಾರದವರೆಗೆ ಮಾತ್ರ ಇರುತ್ತದೆ. ವೀಕೆಂಡ್ನಲ್ಲಿ ಅವರು ಕೆಲಸ ಮಾಡೋದಿಲ್ಲ. ಆ ಬಗ್ಗೆ ಯಾಕೆ ಯಾರೂ ತಕರಾರು ತೆಗೆಯೋದಿಲ್ಲ’ ಎಂದೂ ಪ್ರಶ್ನೆ ಮಾಡಿದ್ದಾರೆ.
ಸದ್ಯ ಶಾರೂಖ್ ಖಾನ್ ಜೊತೆಗೆ ‘ಕಿಂಗ್’, ಅಟ್ಲಿ ನಿರ್ದೇಶನದಲ್ಲಿ ಅಲ್ಲು ಅರ್ಜುನ್ ನಾಯಕನಾಗಿರುವ ಸಿನಿಮಾದಲ್ಲಿ ದೀಪಿಕಾ ನಟಿಸುತ್ತಿದ್ದಾರೆ.