ಸಂಜು ವೆಡ್ಸ್‌ ಗೀತಾ 2 ರಿಲೀಸ್‌ ಮದುವೆ ಮಾಡಿದ್ದಕ್ಕಿಂತ ಕಷ್ಟ ಆಯ್ತು: ನಾಗಶೇಖರ್‌

ಕನ್ನಡಪ್ರಭ ಸಿನಿವಾರ್ತೆ‘ಸಂಜು ವೆಡ್ಸ್‌ ಗೀತಾ 2 ಸಿನಿಮಾ ರಿಲೀಸ್‌ ಕಥೆ ಮದುವೆ ಮಾಡಿದ್ದಕ್ಕಿಂತ ಕಷ್ಟ ಆಗೋಯ್ತು. ಆದರೂ ಲೇಟಾಗಿ ತೆರೆಗೆ ಬರುತ್ತಿರುವುದು ಒಳ್ಳೆಯದೇ ಆಯಿತು. ಏಕೆಂದರೆ ಕಳೆದ ವಾರ ರಿಲೀಸ್‌ ಆದ ಸಿನಿಮಾಗಳು ಹೆಚ್ಚು ಓಡದೇ ನಮ್ಮ ಸಿನಿಮಾಕ್ಕೆ ಹೆಚ್ಚು ಥೇಟರ್‌ ಸಿಕ್ಕಿವೆ.’

ನಾಗಶೇಖರ್‌, ‘ಶ್ರೇಯಾ ಘೋಶಾಲ್ ನಮ್ಮ ಸಿನಿಮಾಕ್ಕೆ ಹಾಡಬೇಕಿತ್ತು. ಆದರೆ ಆಕೆ ಕಾಯಿಸಿ ಕಾಯಿಸಿ ಕೈಕೊಟ್ಟರು. ಅವರು ಕನ್ನಡ ಸಿನಿಮಾಗಳಿಗೆ ಹಾಡೋದನ್ನು ಅವಾಯ್ಡ್‌ ಮಾಡುತ್ತಿರುವುದೂ ತಿಳಿಯಿತು. ಆದರೆ ಅವರು ಹೀಗೆ ಮಾಡಿದ್ದರಿಂದ ಸಂಗೀತಾ ಎಂಬ ಕನ್ನಡದ ಹುಡುಗಿ ಸಿನಿಮಾ ಗಾಯನ ಕ್ಷೇತ್ರಕ್ಕೆ ಹೊಸ ಸೇರ್ಪಡೆಯಾದರು’ ಎಂದೂ ಹೇಳಿದರು.

ನಾಯಕ ಶ್ರೀನಗರ ಕಿಟ್ಟಿ, ನಿರ್ಮಾಪಕ ಛಲವಾದಿ ಕುಮಾರ್‌, ವಿತರಕ ಗೋಕುಲ್‌ ರಾಜ್‌ ಹಾಜರಿದ್ದರು.