ಬಾಲಿವುಡ್‌ಗೆ ಎಂಟ್ರಿ ಕೊಡಲಿರುವ ಶ್ರೀಲೀಲಾ

ಕನ್ನಡಪ್ರಭ ಸಿನಿವಾರ್ತೆ

ಬಾಲಿವುಡ್‌ ನಟ ವರಣ್‌ ಧವನ್‌ ನಟನೆಯ ಕಾಮಿಡಿ ಡ್ರಾಮಾ ಚಿತ್ರದಲ್ಲಿ ಕನ್ನಡದ ಹುಡುಗಿ ಶ್ರೀಲೀಲಾ ನಾಯಕಿಯಾಗಿ ನಟಿಸಲಿದ್ದಾರೆ. ಜುಲೈ ಮಧ್ಯಭಾಗದಲ್ಲಿ ಸೆಟ್ಟೇರಲಿರುವ ಈ ಸಿನಿಮಾದ ಬಗ್ಗೆ ಇನ್ನಷ್ಟೇ ಅಧಿಕೃತ ಮಾಹಿತಿ ಹೊರಬೀಳಲಿದೆ. ಇದೊಂದು ತ್ರಿಕೋನ ಪ್ರೇಮ ಕಥೆ ಇರುವ ಕಮರ್ಷಿಯಲ್‌ ಸಿನಿಮಾ ಎನ್ನಲಾಗಿದ್ದು, ಮೃಣಾಲ್‌ ಠಾಕೂರ್‌ ಜೊತೆಗೆ ಶ್ರೀಲೀಲಾ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ವರುಣ್‌ ತಂದೆ ಡೇವಿಡ್‌ ಧವನ್‌ ನಿರ್ದೇಶನದ ಈ ಸಿನಿಮಾವನ್ನು ರಮೇಶ್‌ ತೌರನಿ ನಿರ್ಮಿಸಲಿದ್ದಾರೆ.