180 ದಿನಗಳ ಹೆರಿಗೆ ರಜೆ ಇದೀಗ ಬಾಡಿಗೆ ತಾಯ್ತನಕ್ಕೂ ವಿಸ್ತರಣೆ

 ನವದೆಹಲಿ: 18ನೇ ಲೋಕಸಭೆ ಅಧಿವೇಶನ ಸೇರಿದ ಮೊದಲ ದಿನವೇ 50 ವರ್ಷಗಳಿಂದ ಚಾಲ್ತಿಯಲ್ಲಿದ್ದ ಕಾನೂನೊಂದಕ್ಕೆ ತಿದ್ದುಪಡಿ ತಂದಿದ್ದು, ಕೇಂದ್ರ ಸರ್ಕಾರಿ ಮಹಿಳಾ ನೌಕರರಿಗೆ ನೀಡಲಾಗುತ್ತಿದ್ದ 180 ದಿನಗಳ ಹೆರಿಗೆ ರಜೆಯನ್ನು, ಬಾಡಿಗೆ ತಾಯ್ತನದ ಸನ್ನಿವೇಶಕ್ಕೂ ವಿಸ್ತರಿಸಲಾಗಿದೆ.

ಹಾಗಾಗಿ ಇನ್ನು ಮುಂದೆ ಬಾಡಿಗೆ ತಾಯಂದಿರು ಹಾಗೂ ಹೆತ್ತ ತಾಯಿಯರಿಗೆ ಎರಡಕ್ಕಿಂತ ಕಡಿಮೆ ಜೀವಂತ ಮಕ್ಕಳಿದ್ದಲ್ಲಿ 180 ದಿನಗಳ ಹೆರಿಗೆ ರಜೆಯನ್ನು ಪಡೆಯಬಹುದಾಗಿದೆ. ಜೊತೆಗೆ ಪುರುಷರಿಗೂ ಬಾಡಿಗೆ ತಾಯ್ತನದ ಮೂಲಕ ಮಕ್ಕಳನ್ನು ಪಡೆದಾಗ 15 ದಿನಗಳ ಪಿತೃತ್ವ ರಜೆಯನ್ನು ಪಡೆಯಬಹುದು ಎಂದು ತಿದ್ದುಪಡಿ ತರಲಾಗಿದೆ. ಆದರೆ ಪುರುಷರು ಈ ಸೌಲಭ್ಯವನ್ನು ಮಗು ಜನನದ ಬಳಿಕ 6 ತಿಂಗಳೊಳಗೆ ಪಡೆಯಬಹುದಾಗಿದೆ.