ಮಾಜಿ ಸಿಎಂ ರೂಪಾನಿಗೆ ಕೈಕೊಟ್ಟ ಅದೃಷ್ಟ ಸಂಖ್ಯೆ 1206

 ಅಹಮದಾಬಾದ್‌: ಪತ್ನಿ, ಪುತ್ರಿಯನ್ನು ಕಾಣುವುದಕ್ಕೆ ಲಂಡನ್ ವಿಮಾನ ಹತ್ತಿದ್ದ ಗುಜರಾತ್‌ ಮಾಜಿ ಸಿಎಂ ವಿಜಯ್ ರೂಪಾನಿ ವಿಮಾನ ದುರಂತದಲ್ಲಿ ಅಂತ್ಯ ಕಾಣುತ್ತಿದ್ದಂತೆ ಅವರ ಸಾವಿನ ಬಗ್ಗೆ ಅಚ್ಚರಿಯ ಅಂಶವೊಂದು ಹೊರಬಿದ್ದಿದೆ. 1206 ಸಂಖ್ಯೆಯನ್ನು ಅದೃಷ್ಟ ಎಂದು ನಂಬುತ್ತಿದ್ದ ರೂಪಾನಿಗೆ ಆ ಸಂಖ್ಯೆಯೇ ಗುರುವಾರ ಕೈಕೊಟ್ಟಿತ್ತು.

ವಿಜಯ್ ರೂಪಾನಿ 1206 ಸಂಖ್ಯೆಯನ್ನು ತಮ್ಮ ಲಕ್ಕಿ ನಂಬರ್ ಎಂದು ಭಾವಿಸಿದ್ದರು. ಇದೇ ಕಾರಣಕ್ಕಾಗಿ ಅವರ ದ್ವಿಚಕ್ರ ವಾಹನ ಮತ್ತು ಕಾರಿನ ನೋಂದಣಿಯೂ ಕೂಡ ಅದೇ ಸಂಖ್ಯೆಯಲ್ಲಿತ್ತು. ಕಾಕತಾಳೀಯ ಎನ್ನುವಂತೆ ಅವರು ಮರಣ ಹೊಂದಿದ ದಿನ ಜೂನ್ 12 ಅಂದರೆ 12-06. ಅದು ಅವರ ಅದೃಷ್ಟದ ಸಂಖ್ಯೆಯನ್ನೇ ಹೋಲುತ್ತದೆ. ಆದರೆ ಆ ದಿನವೇ ವಿಧಿಯಾಟಕ್ಕೆ ಬಲಿಯಾಗಿದ್ದು ದುರಂತ.