69.120 ಲೀ. ಅಕ್ರಮ ಮದ್ಯ ಜಪ್ತಿ

ಕನ್ನಡಪ್ರಭ ವಾರ್ತೆ ಬಾಗಲಕೋಟೆ

ಲೋಕಸಭಾ ಸಾರ್ವತ್ರಿಕ ಚುನಾವಣೆ ಹಿನ್ನೆಲೆಯಲ್ಲಿ ಅಕ್ರಮವಾಗಿ ಮನೆಯಲ್ಲಿ ಸಂಗ್ರಹಿಸಿದ್ದ 69.120 ಲೀಟರ್ ಮದ್ಯವನ್ನು ಅಬಕಾರಿ ಇಲಾಖೆ ದಾಳಿ ನಡೆಸಿ ವಶಕ್ಕೆ ಪಡೆದುಕೊಂಡಿದೆ. ಮುಧೋಳ ವಲಯ ವ್ಯಾಪ್ತಿಯ ಬೆಳಗಲಿ ಸರ್ಕಲ್ ರಸ್ತೆಯ ಮನೆಯೊಂದರಲ್ಲಿ ಇದೆ ಬಂದ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದಾಗ ಡಿಕೆ ಮತ್ತು ಒರಿಜಿನಲ್ ಚಾಯ್ಸ್ ವಿಸ್ಕಿಯ ಸೇರಿ 8 ರಟ್ಟಿನ ಪೆಟ್ಟಿಗೆಗಳಲ್ಲಿ 576 ಟೆಟ್ರಾ ಪ್ಯಾಕೆಟ್‌ ಒಟ್ಟು 69.120 ಲೀಟರ್ ಮದ್ಯ ಮತ್ತು 15,600 ರಾಯಲ್ ಚಾಲೆಂಜ್ ಬೀರ್ ವಶಕ್ಕೆ ಪಡೆಯಲಾಗಿದೆ. ಜಪ್ತಿ ಮಾಡಿದ ಒಟ್ಟು ಮೌಲ್ಯ ₹35,600 ಆಗಿದೆ. ಆರೋಪಿತ ಶಂಕರ ಗುರುಬಸಪ್ಪ ಬರಿಗಿಡದ ಮೇಲೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಅಬಕಾರಿ ಉಪ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.