ಕನ್ನಡಪ್ರಭ ವಾರ್ತೆ ಕೊಳ್ಳೇಗಾಲ
ಪಟ್ಟಣದ ಮಾನಸ ಶಿಕ್ಷಣ ಸಂಸ್ಥೆಯಲ್ಲಿ ನಿಸರ್ಗ ವಿದ್ಯಾನಿಕೇತನ ವತಿಯಿಂದ ಅಯೋಜಿಸಲಾಗಿದ್ದ ಶಾಲಾ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡು ಮಾತನಾಡಿ, ಸುಸಂಸ್ಕೃತ ಸಮಾಜವನ್ನು ಸೃಷ್ಟಿ ಮಾಡುವ ಜಿಲ್ಲೆಯ ಹೆಮ್ಮೆಯ ಶಿಕ್ಷಣ ಸಂಸ್ಥೆಗಳ ಪೈಕಿ ಮಾನಸ ಶಿಕ್ಷಣ ಸಂಸ್ಥೆ ತನ್ನದೆ ರೀತಿಯಲ್ಲಿ ಛಾಪು ಮೂಡಿಸಿದೆ. ಪ್ರತಿಭೆ ಎಲ್ಲರಲ್ಲೂ ಇದೆ, ಆದರೆ ಪ್ರತಿಭೆಯನ್ನು ಅನಾವರಣ ಮಾಡಲು ಮತ್ತು ಸಾಧಿಸಲು ಹತ್ತಾರು ದಾರಿಗಳಿವೆ. ತಂದೆ ದುಡಿದರೆ ತಾಯಿ ಕಾಪಾಡುತ್ತಾಳೆ. ಅಧ್ಯಯನದ ವೇಳೆ ಜಾಲತಾಣಗಳಿಂದ ದೂರವಿದ್ದು ಯಾವುದೇ ದುಶ್ಚಟಗಳಿಗೆ ಬಲಿಯಾಗದಂತಿದ್ದು ಸಮಾಜಕ್ಕೆ ಕೊಡುಗೆ ನೀಡುವಂತಾಗಬೇಕು ಎಂದರು.
ಬಿಎಡ್ನಲ್ಲಿ ಈ ಬಾರಿ ದೊರೆತ ಫಲಿತಾಂಶದಲ್ಲಿ ಚಾ.ನಗರ ವಿಶ್ವವಿದ್ಯಾಲಯ ನೀಡಿದ 10 ರ್ಯಾಂಕ್ ಗಳ ಪೈಕಿ 9 ರ್ಯಾಂಕ್ಗಳನ್ನು ಮಾನಸ ಶಿಕ್ಷಣ ಸಂಸ್ಥೆ ತಮ್ಮದಾಗಿಸಿಕೊಂಡಿರುವುದು ನಿಜಕ್ಕೂ ಹೆಮ್ಮೆಯ ಸಂಗತಿ, ಸಂಸ್ಥೆಯ ಸಾಧನೆ ಇದೇ ರೀತಿ ಮುಂದುವರಿಯಲಿ, 10ನೇ ತರಗತಿಯಲ್ಲಿ ಸಾಧನೆಗೈದ 30ಕ್ಕೂ ಅಧಿಕ ಮಕ್ಕಳನ್ನು ಅಭಿನಂದಿಸುತ್ತಿರುವ ಹೆಮ್ಮೆಯ ಸಂಗತಿ ಎಂದರು.ಕ್ಷೇತ್ರ ಶಿಕ್ಷಣಾಧಿಕಾರಿ ಮಂಜುಳಾ ಮಾತನಾಡಿ, ನನ್ನ ವೃತ್ತಿ ಬದುಕು ಈಸಂಸ್ಥೆಯಲ್ಲಿ ಕೆಲಸ ಸೇರುವಮೂಲಕ ಪ್ರಾರಂಭವಾಯಿತು. 1997ರಲ್ಲಿ ಸರ್ಕಾರಿ ಹುದ್ದೆ ಸೇರುವ ಮುನ್ನ ನಾನು ಇಲ್ಲಿ ಶಿಕ್ಷಕರಾಗಿ ಕಾರ್ಯನಿರ್ವಹಿಸಿದ್ದೆ, ಸಂಸ್ಥೆಯ ವಿದ್ಯಾರ್ಥಿಗಳು ಮುಂದಿನ ಪರೀಕ್ಷೆಯಲ್ಲಿ 625ಕ್ಕೆ 625 ಅಂಕಗಳಿಸುವ ಮೂಲಕ ರಾಜ್ಯಮಟ್ಟದಲ್ಲಿ ನಿಮ್ಮ ಹೆಜ್ಜೆ ಗುರುತು ಉಳಿಸುವಲ್ಲಿ ಆಮೂಲಕ ಕೊಳ್ಳೇಗಾಲ ತಾಲೂಕಿಗೆ ಕೀರ್ತಿ ತರುವಲ್ಲಿ ಶ್ರಮವಹಿಸಿ ಎಂದರು.
ವೃತ್ತ ನಿರೀಕ್ಷಕ ಶಿವಮಾದಯ್ಯ, ಜೇತವನ ಬೌದ್ದ ವಿಹಾರದ ಬೌದ್ದ ಬಿಕ್ಕು ಮನೋರಕ್ಥಿತ ಬಂತೇಜಿ, ಮುಖ್ಯ ಶಿಕ್ಷಕಿ ಸಂಯೋಜಕ ಶಂಕರ್, ವಿಶೇಷಾಧಿಕಾರಿ ನಾಗಭೂಷಣ್, ಸಂಸ್ಥೆಯ ಸಂಸ್ಥಾಪಕ ಅಧ್ಯಕ್ಷ ನಾಗರಾಜು, ಕಾರ್ಯದರ್ಶಿ ಡಾ.ದತ್ತೇಶ್ ಕುಮಾರ್, ಕೃಷ್ಣೆಗೌಡ, ಚನ್ನಶೆಟ್ಟಿ, ಎಂ.ನಟರಾಜಮಾಳಿಗೆ ಇತರರು ಹಾಜರಿದ್ದರು.