ದೊಡ್ಡಮ್ಮದೇವಿ ಜಲಧಿ ಉತ್ಸವ ಅದ್ಧೂರಿ

ಕೊರಟಗೆರೆ: ತಾಲೂಕಿನ ಚನ್ನರಾಯನದುರ್ಗ ಹೋಬಳಿಯ ಬುಕ್ಕಪಟ್ಟಣದ ದೊಡ್ಡಮ್ಮದೇವಿಯ (ಕಾವಲ್ಲಮ್ಮ) ಜಾತ್ರಾ ಮಹೋತ್ಸವ ಪ್ರಾರಂಭವಾಗಿದ್ದು, ದೇವಿಯ ಜಲಧಿ ಉತ್ಸವ ಬಹಳ ಶ್ರದ್ದಾಭಕ್ತಿಯಿಂದ ನಡೆಯಿತು. ಈ ಉತ್ಸವಕ್ಕೆ ರಾಜ್ಯದ ವಿವಿಧ ಕಡೆಯಿಂದ ಆಗಮಿಸಿ ಹರಕೆ ಮಾಡಿಕೊಂಡಂತಹ ಮಹಿಳೆಯರು, ಯುವತಿಯರು, ಪುರುಷರು, ಯುವಕರು ಉಪವಾಸದ ವ್ರತದಿಂದ ಇದ್ದು, ಜಲಧಿಯ ನೀರನ್ನು ಹಾಕಿಸಿಕೊಂಡು ಉತ್ಸವದಲ್ಲಿ ಪಾಲ್ಗೊಂಡು ದೇವಿಯ ದರ್ಶನ ಪಡೆದರು.