ಮಹಾನಗರಕ್ಕೆ ದುರ್ಗಮ್ಮ ಮೇಯರ್, ರತ್ನಾಭಾವಿ ಉಪಮೇಯರ್!
ಸಾರಾಂಶ
ಹುಬ್ಬಳ್ಳಿ-ಧಾರವಾಡ ಮಹಾನಗರ ಪಾಲಿಕೆಯ 25ನೇ ಅವಧಿಗೆ 45ನೇ ಮೇಯರ್ ಆಗಿ 69ನೇ ವಾರ್ಡ್ನ ಸದಸ್ಯೆ ದುರ್ಗಮ್ಮ ಬಿಜವಾಡ, ಉಪಮೇಯರ್ ಆಗಿ 9ನೇ ವಾರ್ಡ್ನ ರತ್ನಾಬಾಯಿ ನಾಜರೆ ಚುನಾಯಿತರಾಗಿದ್ದಾರೆ.
ಹುಬ್ಬಳ್ಳಿ:
ಎಸ್ಸಿ ಮಹಿಳೆಗೆ ಮೀಸಲಿದ್ದ ಮೇಯರ್ ಸ್ಥಾನಕ್ಕೆ ಬಿಜೆಪಿಯಿಂದ ಸ್ಪರ್ಧಿಸಿದ್ದ ದುರ್ಗಮ್ಮ ಬಿಜವಾಡ 50 ಮತ ಪಡೆದರೆ, ಎದುರಾಳಿ ಕಾಂಗ್ರೆಸ್ ಅಭ್ಯರ್ಥಿ ಕವಿತಾ ಕಬ್ಬೇರ್ 35 ಮತ ಪಡೆದು ಪರಾಭವಗೊಂಡರು. ಇನ್ನು ಉಪಮೇಯರ್ ಸ್ಥಾನಕ್ಕೆ ಬಿಜೆಪಿಯಿಂದ ಸ್ಫರ್ಧಿಸಿದ್ದ ರತ್ನಾಬಾಯಿ ನಾಜರೆ 50 ಮತ ಪಡೆದರೆ ಪ್ರತಿಸ್ಪರ್ಧಿ ಕಾಂಗ್ರೆಸ್ನ ದಿಲಾಷಾದ ಬೇಗಂ 35 ಹಾಗೂ ಎಐಎಂಐಎಂ ಪಕ್ಷದಿಂದ ಸ್ಪರ್ಧಿಸಿದ್ದ ವಹಿದಾಖಾನಂ ಅಲ್ಲಾಭಕ್ಷ ಕಿತ್ತೂರು 3 ಮತ ಪಡೆದು ಸೋಲು ಅನುಭವಿಸಿದರು. ಈ ಪ್ರಕ್ರಿಯೆಯನ್ನು ಸದಸ್ಯರು ತಮ್ಮ ಅಭ್ಯರ್ಥಿಗಳ ಪರ ಕೈ ಎತ್ತುವ ಮೂಲಕ ಪೂರ್ಣಗೊಳಿಸಿದರು.
ಚುನಾವಣಾಧಿಕಾರಿಯೂ ಆಗಿದ್ದ ಪ್ರಾದೇಶಿಕ ಆಯುಕ್ತೆ ಕೆ.ಎಂ. ಜಾನಕಿ ಅವರು ಅಭ್ಯರ್ಥಿ ಗೆಲುವು ಘೋಷಿಸಿ ಮೇಯರ್-ಉಪಮೇಯರ್ಗೆ ಹೂಗುಚ್ಚ ನೀಡಿ ಅಭಿನಂದಿಸಿದರು.ಗಣ್ಯರು ಭಾಗಿ:
ತಡವಾಗಿ ಬಂದ ಕಾಂಗ್ರೆಸ್ ಸದಸ್ಯರು:
ವಿಜಯೋತ್ಸವ:
ಹೆಚ್ಚುವರಿ ಪ್ರಾದೇಶಿಕ ಆಯುಕ್ತ ಎಸ್.ಎಸ್. ಬಿರಾದಾರ, ಪಾಲಿಕೆ ಆಯುಕ್ತ ರುದ್ರೇಶ ಘಾಳಿ ಅವರು ಮತದಾನ ಪ್ರಕ್ರಿಯೆಯಲ್ಲಿ ಪಾಲ್ಗೊಂಡಿದ್ದರು.
5 ವರ್ಷದ ಅವಧಿಯಲ್ಲೇ ಮೇಯರ್- ಉಪಮೇಯರ್ ಆದ ಅದೃಷ್ಟ ದುರ್ಗಮ್ಮ ಬಿಜವಾಡ ಅವರದು. 23ರ ಅವಧಿಯಲ್ಲಿ ಎಸ್ಟಿ ಮಹಿಳೆಗೆ ಉಪಮೇಯರ್ ಸ್ಥಾನ ಮೀಸಲಾಗಿದ್ದರಿಂದ ದುರ್ಗಮ್ಮ ಲಕ್ ಸಿಕ್ಕರೆ, 25ನೇ ಅವಧಿಯಲ್ಲಿ ಮೇಯರ್ ಸ್ಥಾನವೂ ಎಸ್ಸಿಗೆ ಮೀಸಲಾಗಿದ್ದರಿಂದ ಮೇಯರ್ ಸ್ಥಾನಕ್ಕೆ ಬಿಜೆಪಿ ದುರ್ಗಮ್ಮನಿಗೆ ಮಣೆ ಹಾಕಿತು. ಹೀಗಾಗಿ ಒಂದೇ ಅವಧಿಯಲ್ಲಿ ಪಕ್ಷೇತರರಾಗಿ ಆಯ್ಕೆಯಾಗಿ ಬಂದು ಎರಡು ಹುದ್ದೆ ಅಲಂಕರಿಸಿದಂತಾಗಿದೆ. ಪಕ್ಷೇತರರಾಗಿ ಆಯ್ಕೆಯಾದ ಬಳಿಕ ಬಿಜೆಪಿ ಬೆಂಬಲಿಸಿದ್ದರು. ಹೀಗಾಗಿ ಬಿಜೆಪಿಯಲ್ಲಿ ಯಾರೂ ಎಸ್ಸಿ ಮಹಿಳೆ ಇಲ್ಲದೆ ಇರುವುದರಿಂದ ಇವರಿಗೆ ಸ್ಥಾನಮಾನ ಲಭಿಸಿದೆ.ಮೇಸ್ತ್ರಿಗೆ ಕೊನೆ ಕ್ಷಣದಲ್ಲಿ ತಪ್ಪಿದ ಮೇಯರ್
ನಾಲ್ಕು ವರ್ಷದಿಂದ ಹುಬ್ಬಳ್ಳಿ-ಧಾರವಾಡ ಪೂರ್ವ ಕ್ಷೇತ್ರಕ್ಕೆ ಮೇಯರ್ ಸ್ಥಾನ ಸಿಕ್ಕಿರಲಿಲ್ಲ. ಎರಡು ಬಾರಿ ಪಶ್ಚಿಮ ಕ್ಷೇತ್ರಕ್ಕೆ ಸಿಕ್ಕಿದ್ದರೆ, ಸೆಂಟ್ರಲ್, ಧಾರವಾಡ ಗ್ರಾಮೀಣಕ್ಕೆ ತಲಾ ಒಂದು ಬಾರಿ ಮೇಯರ್ ಪಟ್ಟ ಒಲಿದಿತ್ತು. ಹೀಗಾಗಿ ಪೂರ್ವ ಕ್ಷೇತ್ರಕ್ಕೆ ಕೊಡಿ. ಅಲ್ಲಿ ಪಕ್ಷ ಸಂಘಟನೆಗೆ ಅನುಕೂಲವಾಗುತ್ತದೆ ಎಂಬ ಬೇಡಿಕೆ ಬಹುದಿನಗಳಿಂದ ಇತ್ತು. ಪ್ರತಿಬಾರಿಯೂ ಅದೇನೋ ಕಾರಣದಿಂದ ಕೈ ತಪ್ಪುತ್ತಿತ್ತು. ಈ ಸಲದ ಕೊನೆಯ ಅವಧಿಗೆ ಮೇಯರ್ ಸ್ಥಾನ ಪೂರ್ವ ಕ್ಷೇತ್ರಕ್ಕೆ ಸಿಕ್ಕಂತಾಗಿದೆ. ಇನ್ನು ಮೇಯರ್ ಸ್ಥಾನ ಹುಬ್ಬಳ್ಳಿಗೆ ಸಿಕ್ಕಿರುವುದರಿಂದ ಸಹಜವಾಗಿ ಉಪಮೇಯರ್ ಸ್ಥಾನ ಧಾರವಾಡಕ್ಕೆ ಕೊಟ್ಟಿದೆ.ಸ್ವಚ್ಛತೆ, ನೀರಿಗೆ ಮೊದಲ ಆದ್ಯತೆ!
ದುರ್ಗಮ್ಮ ಬಿಜವಾಡ, ಮೇಯರ್