ಶಿಕ್ಷಣ, ಕಲಿಕೆ ಜೀವನ ಭಾಗಗಳು: ಸಮರ್ಥ ಶಾಮನೂರು
)
ಸಾರಾಂಶ
ಜೀವನದಲ್ಲಿ ಶಿಕ್ಷಣ ಮತ್ತು ಕಲಿಕೆ ಎಂಬುದಕ್ಕೆ ಕೊನೆ ಇಲ್ಲವಾಗಿದ್ದು, ಇವು ನಮ್ಮ ಜೀವನದ ನಿರಂತರ ಪಯಣವಾಗಿವೆ. ಇಡೀ ಜೀವನವೇ ಕಲಿಕೆಯ ಭಾಗವಾಗಿದೆ ಎಂದು ದಾವಣಗೆರೆ ದಕ್ಷಿಣ ಕ್ಷೇತ್ರದ ಶಾಸಕ ಸಮರ್ಥ ಎಂ. ಶಾಮನೂರು ತಿಳಿಸಿದ್ದಾರೆ.
- ಬಾಪೂಜಿ ಸಮುದಾಯ ಭವನದಲ್ಲಿ ಪಂಚಮಸಾಲಿ ಸಮಾಜದ ಪ್ರತಿಭಾ ಪುರಸ್ಕಾರ, ಪ್ರಶಸ್ತಿ ಪ್ರದಾನ ಸಮಾರಂಭ - - -
ಜೀವನದಲ್ಲಿ ಶಿಕ್ಷಣ ಮತ್ತು ಕಲಿಕೆ ಎಂಬುದಕ್ಕೆ ಕೊನೆ ಇಲ್ಲವಾಗಿದ್ದು, ಇವು ನಮ್ಮ ಜೀವನದ ನಿರಂತರ ಪಯಣವಾಗಿವೆ. ಇಡೀ ಜೀವನವೇ ಕಲಿಕೆಯ ಭಾಗವಾಗಿದೆ ಎಂದು ದಾವಣಗೆರೆ ದಕ್ಷಿಣ ಕ್ಷೇತ್ರದ ಶಾಸಕ ಸಮರ್ಥ ಎಂ. ಶಾಮನೂರು ತಿಳಿಸಿದರು.
ನಗರದ ಬಾಪೂಜಿ ಸಮುದಾಯ ಭವನದಲ್ಲಿ ಭಾನುವಾರ ಹರ ಸೇವಾ ಸಂಸ್ಥೆ, ವೀರಶೈವ ಲಿಂಗಾಯತ ಪಂಚಮಸಾಲಿ ಸಮಾಜದ ಜಿಲ್ಲಾ ಘಟಕ ಹಮ್ಮಿಕೊಂಡಿದ್ದ ಎಸ್ಸೆಸ್ಸೆಲ್ಸಿ- ದ್ವಿತೀಯ ಪಿಯುಸಿ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ, ಸಮಾಜದ ಗಣ್ಯರಿಗೆ ಹಾಗೂ ವಿವಿಧ ಕ್ಷೇತ್ರಗಳ ಸಾಧಕರಿಗೆ ಸನ್ಮಾನ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.ಎಲ್ಲದಕ್ಕೂ ಒಂದು ಸಮಯ ಎಂಬುದು ಇರುತ್ತದೆ. ಎಸ್ಸೆಸ್ಸೆಲ್ಸಿ, ಪಿಯುಸಿ, ಪದವಿ ನಂತರ ಉದ್ಯೋಗ, ಮದುವೆ ಅಷ್ಟೇ ಜೀವನವೂ ಇಲ್ಲ. ಅದರೊಳಗೆ ಸಿಕ್ಕಿಕೊಳ್ಳಬಾರದು. ಲಕ್ಷ್ಮಿದೇವಿಯ ಪೂಜೆ ಎಲ್ಲರೂ ಮಾಡಲು ಉತ್ಸಾಹ ತೋರುತ್ತಾರೆ. ಆದರೆ, ನಮಗೆ ವಿದ್ಯೆ, ಬುದ್ಧಿ ನೀಡುವ ಸರಸ್ವತಿಯನ್ನು ಅಷ್ಟಾಗಿ ಪೂಜಿಸಲ್ಲ. ಲಕ್ಷ್ಮೀದೇವಿ ಜೊತೆಗೆ ಜ್ಞಾನದೇವತೆ ಸರಸ್ವತಿಯನ್ನೂ ಪೂಜಿಸಬೇಕು. ಸರಸ್ವತಿ ಆಶೀರ್ವಾದ ನಮ್ಮನ್ನು ಮುನ್ನೆಡೆಸಲು ನೆರವಾಗುತ್ತದೆ ಎಂದು ಹೇಳಿದರು.
ಬರೀ ಸರ್ಕಾರದ ಹುದ್ದೆ ನೆಚ್ಚಿಕೊಂಡು ಕೂಡದೇ, ಯುವ ಉದ್ಯಮಿಗಳಾಗಬೇಕು. ನಾಲ್ಕಾರು ಜನರಿಗೆ ಉದ್ಯೋಗ ನೀಡುವಂತಹ ಉದ್ಯೋಗದಾತರು ನೀವಾಗಬೇಕು. ಪ್ರತಿಯೊಬ್ಬರಲ್ಲೂ ಪ್ರತಿಭೆ ಇರುತ್ತದೆ. ಅಂತಹ ಪ್ರತಿಭೆ ಪೋಷಿಸುವ, ಪ್ರೋತ್ಸಾಹಿಸುವ ಕೆಲಸ ಹೆತ್ತವರು, ಸಮಾಜದಿಂದ ಆಗಬೇಕು. ಪಂಚಮಸಾಲಿ ಗಣ್ಯರಿಗೆ, ಹಿರಿಯ ಸಾಧಕ ವೈದ್ಯರು, ಯುವ ಉದ್ಯಮಿಗಳಿಗೆ, ಶೈಕ್ಷಣಿಕ ಕ್ಷೇತ್ರದ ಸಾಧಕರಿಗೆ, ಕ್ರೀಡೆ, ಕಲಾ ಕ್ಷೇತ್ರದ ಸಾಧಕರಿಗೆ, ಪ್ರಗತಿ ಪರ ರೈತರಿಗೆ ಪ್ರೋತ್ಸಾಹಿಸುವ ಕೆಲಸವಾಗುತ್ತಿದೆ ಎಂದು ತಿಳಿಸಿದರು.
ನಿವೃತ್ತ ಪ್ರಾಚಾರ್ಯ ಪ್ರೊ.ಬಾತಿ ಬಸವರಾಜ ಉಪನ್ಯಾಸ ನೀಡಿದರು. ಸಮಾಜದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಪರಮೇಶ ಪಟ್ಟಣಶೆಟ್ಟಿ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಎಸ್.ಸಿ. ಕಾಶಿನಾಥ, ಉದ್ಯಮಿಗಳಾದ ಕಂಚಿಕೆರೆ ಮಹೇಶ, ಅಂದನೂರು ಮುರುಗೇಶಪ್ಪ, ಎಂ.ದೊಡ್ಡಪ್ಪ, ಎಸ್.ಕೆ.ಗಿರೀಶ, ಎಸ್.ಮಲ್ಲಿನಾಥ, ಜಿ.ಶೇಖರಪ್ಪ, ಮಹಿಳಾ ಅಧ್ಯಕ್ಷೆ ಮೀನಾ ಪ್ರಸಾದ, ಬಾದಾಮಿ ಮುರುಗೇಶ, ವಕೀಲ ಮಲ್ಲಿಕಾರ್ಜುನ ಕಣವಿ, ವಾಣಿ ಶಿವಣ್ಣ, ಎಂ.ಎಸ್.ದೇವರಾಜ, ಶ್ರೀಧರ ಸಣ್ಣಪ್ಪನವರ, ಚನ್ನಮಲ್ಲಿಕಾರ್ಜುನ, ನಂದೀಶ ಬಳ್ಳಾರಿ ಸೇರಿದಂತೆ ಸಮಾಜದ ವಿವಿಧ ಘಟಕದ ಅಧ್ಯಕ್ಷರು, ಪದಾಧಿಕಾರಿಗಳು, ಸಮಾಜ ಬಾಂಧವರು ಭಾಗವಹಿಸಿದ್ದರು.
- - -
- ಎಸ್.ಸಿ.ಕಾಶೀನಾಥ, ಪ್ರಧಾನ ಕಾರ್ಯದರ್ಶಿ, ಪಂಚಮಸಾಲಿ ಸಮಾಜ ಜಿಲ್ಲಾ ಘಟಕ.
- ಬಿ.ಸಿ.ಉಮಾಪತಿ, ಜಿಲ್ಲಾಧ್ಯಕ್ಷ, ಪಂಚಮಸಾಲಿ ಸಮಾಜ.
-(ಫೋಟೋಗಳಿವೆ.)