ಕ್ರೀಡೆಗಳಲ್ಲಿ ತೊಡಗುವುದರಿಂದ ಮನಶಾಂತಿ: ಡಾ.ಎಸಿಎಂ ಚಾರಿಟಬಲ್ ಟ್ರಸ್ಟ್ ಅಧ್ಯಕ್ಷೆ
ಸಾರಾಂಶ
ಹಾಸನದ ಮಹಾರಾಜ ಉದ್ಯಾನದಲ್ಲಿ ಡಾ.ಎ.ಸಿ.ಎಂ.ಮುನಿವೆಂಕಟೇಗೌಡ ಚಾರಿಟಬಲ್ ಟ್ರಸ್ಟ್ನಿಂದ ಭಾನುವಾರ ಬೆಳಿಗ್ಗೆ ಏರ್ಪಡಿಸಲಾಗಿದ್ದ ಡಾ ಎ.ಸಿ. ಮುನಿವೆಂಕಟೇಗೌಡರ ಸಂಸ್ಮರಣೆ ಅಂಗವಾಗಿ ೪ನೇ ಜಿಲ್ಲಾ ಮಟ್ಟದ ಶಾಲಾ ಕಾಲೇಜು ವಿದ್ಯಾರ್ಥಿಗಳ ಕರಾಟೆ ಪಂದ್ಯಾವಳಿ ನಡೆಯಿತು.
ಜಯಲಕ್ಷ್ಮಿ ಮುನಿವೆಂಕಟೇಗೌಡ । ಕರಾಟೆ ಪಂದ್ಯಾವಳಿಕನ್ನಡಪ್ರಭ ವಾರ್ತೆ ಹಾಸನ
ನಗರದ ಮಹಾರಾಜ ಉದ್ಯಾನದಲ್ಲಿ ಡಾ.ಎ.ಸಿ.ಎಂ.ಮುನಿವೆಂಕಟೇಗೌಡ ಚಾರಿಟಬಲ್ ಟ್ರಸ್ಟ್, ಆಶ್ರಯ ಸೆಂಟರ್ ಫಾರ್ ಟ್ರನ್ಸ್ ಫಾರ್ಮೇಷನ್, ಡಾ.ಎಸಿಎಂ ನೆನಪಿನ ಬಳಗ, ಜಿಲ್ಲಾ ಕ್ರೀಡಾ ಪರಿಷತ್ ಹಾಗೂ ಜಿಲ್ಲಾ ಅಮೆಚೂರು ಬಾಡಿ ಬಿಲ್ಡರ್ರ್ಸ್ ಸಂಸ್ಥೆ ಸಂಯುಕ್ತಾಶ್ರಯದಲ್ಲಿ ಭಾನುವಾರ ಬೆಳಿಗ್ಗೆ ಏರ್ಪಡಿಸಲಾಗಿದ್ದ ಡಾ ಎ.ಸಿ. ಮುನಿವೆಂಕಟೇಗೌಡರ ಸಂಸ್ಮರಣೆ ಅಂಗವಾಗಿ ೪ನೇ ಜಿಲ್ಲಾ ಮಟ್ಟದ ಶಾಲಾ ಕಾಲೇಜು ವಿದ್ಯಾರ್ಥಿಗಳ ಕರಾಟೆ ಪಂದ್ಯಾವಳಿಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.
‘ಮನುಷ್ಯರಾಗಿರುವ ನಾವು ಮಕ್ಕಳಿಂದಲೇ ಯಾವುದಾದರೂ ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳಬೇಕು. ಅದು ವ್ಯಾಯಾಮವೇ ಆಗಿರಬಹುದು, ಕ್ರೀಡೆ ಆಗಿರಬಹುದು, ಅದರಲ್ಲಿ ವಾಕಿಂಗ್, ಸ್ವಿಮಿಂಗ್ ಇರಬಹುದು, ಕಡೆಯವರೆಗ ಅದನ್ನು ಬೆಳೆಯಿಸಿಕೊಂಡರೆ ನಮ್ಮ ಆರೋಗ್ಯ ವೃದ್ದಿಸುವುದಲ್ಲದೆ ಮನಶಾಂತಿಯ ಸಮತೋಲನ ಕಾಪಾಡಿಕೊಳ್ಳಬಹುದು’ ಎಂದು ಹೇಳಿದರು.ಎ.ಸಿ.ಮುನಿವೆಂಕಟೇಗೌಡರು ಬದುಕಿದ್ದ ಕಾಲದಲ್ಲಿ ಅವರ ವೈದ್ಯರಾದರೂ ಕೂಡ ಅವರು ವಾಲಿಬಾಲ್, ಪುಟ್ಬಾಲ್ ಆಟ ಎಂದರೆ ಪಂಚಪ್ರಾಣ ಎನ್ನುತ್ತಿದ್ದರು. ಯಾವುದಾದರೂ ಕ್ರೀಡೆಯನ್ನು ಆರಿಸಿಕೊಂಡು ನಿರಂಜನ್ ಮತ್ತು ಕೈಲಾಸ್ ಶಂಕರ್ ಸಹಕಾರದ ಮೂಲಕ ಉತ್ತಮವಾಗಿ ಆಯೋಜಿಸುತ್ತಿದ್ದರು. ಈ ಕ್ರಿಡೆಯಲ್ಲಿ ಭಾಗವಹಿಸಿರುವ ಎಲ್ಲಾ ಕ್ರೀಡಾಪಟುಗಳಿಗೂ ಶುಭ ಹಾರೈಸುವುದಾಗಿ ಹೇಳಿದರು.
ಕಾರ್ಯಕ್ರಮದಲ್ಲಿ ಕರಾಟೆ ಹಾಗೂ ಇತರೆ ಕ್ರೀಡೆಗೆ ಅನುಕೂಲದ ದೃಷ್ಟಿಯಲ್ಲಿ ಮಂಜುನಾಥ್ ಸುಮಾರು ೭೫ ಸಾವಿರ ರು. ಬೆಲೆ ಬಾಳುವ ನೆಲ ಹಾಸಿನ ಮ್ಯಾಟನ್ನು ಉಡುಗೊರೆಯಾಗಿ ನೀಡಿದರು. ಚಂದ್ರಮ್ಮ ೧೦ ಸಾವಿರ ರು. ಅನ್ನು ಸಂಸ್ಥೆಗೆ ಕೊಟ್ಟರು.