ಮಾನವೀಯತೆ ಹೊಂದಿದ್ದ ಕಲೀಂ ಬಾಷಾ: ಬಿಳಿಮಲೆ
ಸಾರಾಂಶ
ಹಿರಿಯ ಸಾಹಿತಿ ದಿವಂಗತ ಕಲೀಂ ಬಾಷಾ ಅವರು ತಮ್ಮ ಬದುಕಿನಲ್ಲಿ ಮಾನವೀಯ ಮನೋಭಾವನೆ ಜೊತೆಗೆ ನೈತಿಕತೆಯ ಮೈಗೂಡಿಸಿಕೊಂಡು ಸಮಾಜಕ್ಕೆ ಅವರದೇ ಆದ ಕೊಡುಗೆಯನ್ನು ನೀಡಿದ್ದಾರೆ ಎಂದು ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಡಾ, ಪುರುಷೋತ್ತಮ ಬಿಳಿಮಲೆ ಹೇಳಿದ್ದಾರೆ.
- ಹಿರಿಯ ಸಾಹಿತಿ ದಿವಂಗತ ಜೆ.ಕಲೀಂ ಬಾಷಾ ಅವರ ನೆನಪು ನಮನ-ಕವಿಗೋಷ್ಠಿ
ಕನ್ನಡಪ್ರಭ ವಾರ್ತೆ ಹರಿಹರ
ಹಿರಿಯ ಸಾಹಿತಿ ದಿವಂಗತ ಕಲೀಂ ಬಾಷಾ ಅವರು ತಮ್ಮ ಬದುಕಿನಲ್ಲಿ ಮಾನವೀಯ ಮನೋಭಾವನೆ ಜೊತೆಗೆ ನೈತಿಕತೆಯ ಮೈಗೂಡಿಸಿಕೊಂಡು ಸಮಾಜಕ್ಕೆ ಅವರದೇ ಆದ ಕೊಡುಗೆಯನ್ನು ನೀಡಿದ್ದಾರೆ ಎಂದು ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಡಾ, ಪುರುಷೋತ್ತಮ ಬಿಳಿಮಲೆ ಹೇಳಿದರು.ನಗರದ ಕಾಟ್ವೆ ಭವನದಲ್ಲಿ ಭಾನುವಾರ ಪರಸ್ಪರ ಬಳಗ ಹಾಗೂ ಜೆ.ಕಲೀಂ ಬಾಷಾ ಅಭಿಮಾನಿಗಳ ಬಳಗ ವತಿಯಿಂದ ಹಮ್ಮಿಕೊಂಡಿದ್ದ ಹಿರಿಯ ಸಾಹಿತಿ ದಿವಂಗತ ಜೆ.ಕಲೀಂ ಬಾಷಾ ಅವರ ನೆನಪು ನಮನ ಹಾಗೂ ಕವಿಗೋಷ್ಠಿ ಸಮಾರಂಭ ಉದ್ಘಾಟಿಸಿ ಅವರು ಮಾತನಾಡಿದರು.
ನೈತಿಕತೆಯನ್ನೇ ಕಳೆದುಕೊಂಡಿರುವ ಇಂದಿನ ಸಮಾಜದಲ್ಲಿ. ಮಾನವೀಯ ಮನೋಭಾವನೆ ಮೂಲಕ ಅವರು ನೈತಿಕತೆ ಮೈಗೂಡಿಸಿಕೊಂಡಿದ್ದರು. ಅನೇಕ ಕವನಗಳನ್ನು ಮತ್ತು ಪುಸ್ತಕಗಳನ್ನು ಬರೆದಿದ್ದಾರೆ. ಗೋಕಾಕ್ ಚಳವಳಿ ಹೋರಾಟಗಾರರ ಸನ್ಮಾನಿಸುವ ಸಂದರ್ಭ ಕಲೀಂ ಬಾಷಾ ಅವರಿಗೂ ಮುಖ್ಯಮಂತ್ರಿಗಳಿಂದ ಸನ್ಮಾನಿಸುವ ಭಾಗ್ಯ ದೊರೆತಿದ್ದನ್ನು ನೆನಪಿಸಿಕೊಂಡರು.
ಕಲೀಂ ಬಾಷಾ ಅವರ ಪತ್ನಿ ಶಾಹೀನಾ ಕೌಸರ್ ಮಾತನಾಡಿ, ಪೋಲಿಸ್ನ ಮಗಳಾಗಿದ್ದ ನನ್ನನ್ನು ಮದುವೆಯಾದ ನಂತರ ನನಗೆ ಶಿಕ್ಷಣ ಕೊಡಿಸುವ ಮೂಲಕ ಶಿಕ್ಷಕಿಯಾಗಿ ಸೇವೆ ಸಲ್ಲಿಸಲು ಅವರ ಪ್ರೇರಣೆಯಿಂದ ಸಾಧ್ಯವಾಗಿತ್ತು. ಕವಿ, ಸಾಹಿತಿ, ಶಿಕ್ಷಕ, ಮಕ್ಕಳಿಗೆ ಉತ್ತಮ ತಂದೆಯಾಗಿ ಅವರು ಅನೇಕ ಮಕ್ಕಳಿಗೆ ಶಿಕ್ಷಣ ನೀಡುವುದರ ಜೊತೆಗೆ ಅವರ ಉಜ್ವಲ ಭವಿಷ್ಯಕ್ಕೆ ಸಹಕಾರಿಯಾಗಿದ್ದಾರೆ ಎಂದು ಸ್ಮರಿಸಿಕೊಂಡರು.
ಜಿಲ್ಲಾ ಕಸಾಪ ಅಧ್ಯಕ್ಷ ಬಿ.ವಾಮದೇವಪ್ಪ, ವಿಶ್ರಾಂತ ಪ್ರಾಚಾರ್ಯ ಡಾ.ಎಸ್.ಎಚ್. ಪ್ಯಾಟಿ, ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಜಿಲ್ಲಾ ಪ್ರತಿನಿಧಿ ಡಾ. ಎ.ಬಿ. ರಾಮಚಂದ್ರಪ್ಪ, ದಾವಣಗೆರೆ ಉರ್ದು ಕವಿಗಳಾದ ದಾವುದ್ ಮೋಸಿನ್, ಗೌಸ್ ಪೀರ್, ತಾಲೂಕು ಕಸಾಪಾ ಅಧ್ಯಕ್ಷ ಡಿ.ಎ. ಮಂಜುನಾಥಯ್ಯ ಮಾತನಾಡಿದರು.
- - -
ಸಮಾರಂಭವನ್ನು ಕನ್ನಡ ಅಭಿವೃದ್ಧಿ ಪ್ರಾಧಿಕಾರ ಅಧ್ಯಕ್ಷ ಡಾ, ಪುರುಷೋತ್ತಮ ಬಿಳಿಮಲೆ ಉದ್ಘಾಟಿಸಿ ಮಾತನಾಡಿದರು.