ಶಿಕ್ಷಣ, ಬೆಳಕು, ನೀರು ನೀಡಿದ ನಾಲ್ವಡಿ ಕೃಷ್ಣರಾಜ ಒಡೆಯರ್

ಮೈಸೂರು: ಶಿಕ್ಷಣ, ಬೆಳಕು, ನೀರು ನೀಡಿದ ಮಹಾನ್‌ ಚೇತನ ನಾಲ್ವಡಿ ಕೃಷ್ಣರಾಜ ಒಡೆಯರ್ ಎಂದು ನಗರಪಾಲಿಕೆ ವಲಯ 2ರ ಕಚೇರಿಯ ಆಯುಕ್ತ ಎಚ್‌. ನಾಗರಾಜು ಹೇಳಿದರು.

ಏಷ್ಯಾದಲ್ಲಿಯೇ ಮೊಟ್ಟ ಮೊದಲ ಬಾರಿಗೆ ವಿದ್ಯುತ್‌ ಘಟಕವನ್ನು ಸ್ಥಾಪಿಸಿದ ಹಾಗೂ ಕನ್ನಂಬಾಡಿ ಕಟ್ಟೆಯನ್ನು ಕಟ್ಟಿಸಿದ ಕೀರ್ತಿ ರಾಜಶ್ರೀ ಅವರಿಗೆ ಸಲ್ಲಬೇಕು ಎಂದರು. ಅಧ್ಯಕ್ಷತೆ ವಹಿಸಿದ್ದ ನಿವೃತ್ತ ವರ್ಕ್‌ ಇನ್ಸ್‌ ಪೆಕ್ಟರ್ ಶಿವಸ್ವಾಮಿ ಮಾತನಾಡಿದರು. ಪಾಲಿಕೆ ಎಂಜಿನಿಯರ್‌ ಗಳಾದ ದಯಾನಂದ್, ಮಾರ್ಟಿನ್, ಪಾಲಿಕೆ ಸಿಬ್ಬಂದಿ ಪ್ರಸಾದ್, ಶಿವಮೂರ್ತಿ, ದೀಪಕ್, ಮುಖಂಡರಾದ ಸಿ. ಈಶ್ವರ್, ಮೋಹನ್, ಜಿತೇಂದ್ರ, ಬೆಟ್ಟಸ್ವಾಮಿ, ರಾಜು, ಲೋಕೇಶ್, ಉಪನ್ಯಾಸಕರಾದ ಡಾ.ಡಿ.ಸಿ. ಉಮೇಶ್ ಇದ್ದರು.