ಕುರಡಗಿ ಗ್ರಾಪಂ ಅಧ್ಯಕ್ಷರಾಗಿ ಶಿವನಗೌಡ ಅವಿರೋಧ ಆಯ್ಕೆ

ರೋಣ: ತಾಲೂಕಿನ ಕುರಡಗಿ ಗ್ರಾಪಂ 2ನೇ ಅವಧಿಯ ಅಧ್ಯಕ್ಷ ಸ್ಥಾನಕ್ಕೆ ಇತ್ತೀಚೆಗೆ ಜರುಗಿದ ಚುನಾವಣೆಯಲ್ಲಿ ಶಿವನಗೌಡ ಸಿದ್ದನಗೌಡ್ರ ಅವಿರೋಧವಾಗಿ ಆಯ್ಕೆಯಾದರು.

ಗ್ರಾಪಂ ಒಟ್ಟು 12 ಸದಸ್ಯ ಬಲ ಹೊಂದಿದ್ದು. ಅಧ್ಯಕ್ಷ ಸ್ಥಾನಕ್ಕೆ ಶಿವನಗೌಡ ಸಿದ್ದನಗೌಡ್ರ ಮಾತ್ರ ನಾಮಪತ್ರ ಸಲ್ಲಿಸಿದ್ದರು. ಇದರಿಂದ ಕುರಡಗಿ ಗ್ರಾಪಂ ನೂತನ ಅಧ್ಯಕ್ಷರಾಗಿ ಶಿವನಗೌಡ ಸಿದ್ದನಗೌಡ್ರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ ಎಂದು ಚುನಾವಣೆ ಅಧಿಕಾರಿ ತಾಪಂ ಇಒ ಮಂಜುಳಾ ಹಕಾರಿ ಘೋಷಣೆ ಮಾಡಿದರು.

ನೂತನ ಅಧ್ಯಕ್ಷರಾಗಿ ಆಯ್ಕೆಗೊಂಡ ಶಿವನಗೌಡ ಸಿದ್ದನಗೌಡ್ರ ಮಾತನಾಡಿ, ನನ್ನ ಮೇಲೆ ವಿಶ್ವಾಸವಿಟ್ಟು ಅವಿರೋಧ ಆಯ್ಕೆಗೆ ಸಹಕರಿಸಿದ ಎಲ್ಲ ಸದಸ್ಯರಿಗೆ ಅಭಿನಂದನೆ. ಗ್ರಾಪಂ ವ್ಯಾಪ್ತಿಯ ಯರೇಬೇಲೇರಿ, ನಾಗರಾಳ ಮತ್ತು ಕುರಡಗಿ ಗ್ರಾಮಗಳಿಗೆ ರಸ್ತೆ, ಕುಡಿವ ನೀರು, ವಿದ್ಯುತ್, ವಸತಿ ಸೌಲಭ್ಯ, ನರೇಗಾ ಯೋಜನೆಯಲ್ಲಿನ ಕಾಮಗಾರಿಗಳು ಸೇರಿದಂತೆ ಮೂಲಭೂತ ಸೌಲಭ್ಯ ಕಲ್ಪಿಸುವಲ್ಲಿ ಪ್ರಾಮಾಣಿಕವಾಗಿ ಶ್ರಮಿಸುತ್ತೇನೆ. ಸರ್ಕಾರದ ಪ್ರತಿಯೊಂದು ಯೋಜನೆ ಜನತೆಗೆ ತಲುಪಿಸುವಲ್ಲಿ ಶ್ರಮಿಸುತ್ತೇನೆ ಎಂದು ಹೇಳಿದರು.

ಈ ವೇಳೆ ಕಾಂಗ್ರೆಸ್ ಮುಖಂಡ ಡಾ. ಸಂಗಮೇಶ ಕೊಳ್ಳಿ ಮಾತನಾಡಿ, ರಾಜ್ಯದಲ್ಲಿನ ರಾಜಕಾರಣ ವ್ಯಾಪಾರೀಕರಣವಾಗಿದ್ದು, ಅದನ್ನು ಜನಪ್ರತಿನಿಧಿಗಳು ಆತ್ಮಸಾಕ್ಷಿಯಿಂದ ತೊರೆದು ಜನ ಸೇವೆಯೇ ಜನಾರ್ದನ ಸೇವೆ ಎಂಬ ಮನೋಭಾವನೆಯಿಂದ ಸಾಗಿದಾಗ ಮಾತ್ರ ಅಭಿವೃದ್ಧಿ ಕಾರ್ಯ ನಡೆಯುತ್ತವೆ. ಕುರಡಗಿ ಗ್ರಾಪಂ ಆಡಳಿತ ಮಂಡಳಿ ಗ್ರಾಮದ ಅಭಿವೃದ್ಧಿ ಜತೆಗೆ ಸಾರ್ವಜನಿಕರ ಸಮಸ್ಯೆಗಳಿಗೆ ಸದಾಕಾಲ ಸ್ಪಂದಿಸಬೇಕು ಎಂದರು.

ಗ್ರಾಪಂ ನೂತನ ಅಧ್ಯಕ್ಷ ಶಿವನಗೌಡ ಸಿದ್ದನಗೌಡ್ರ ಅವರಿಗೆ ಗ್ರಾಪಂ ವ್ಯಾಪ್ತಿಯ ಗ್ರಾಮಗಳ ಅಭಿಮಾನಿಗಳು, ಮುಖಂಡರು, ಕಾರ್ಯಕರ್ತರು ಸನ್ಮಾನಿಸಿ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ಗ್ರಾಪಂ ಉಪಾಧ್ಯಕ್ಷೆ ರತ್ನಾ ಹೊಸೂರ, ಎಚ್.ಬಿ. ಕೆಲ್ಲೂರ, ಕೆ.ಎಂ. ತೋಡಿಹಾಳ, ಪಿ.ಕೆ. ಸಿದ್ದನಗೌಡ್ರ, ವೈ.ಪಿ. ಕೇರಿ, ವಿ.ಕೆ. ಗೊತ್ತಗಿ, ಪ್ರಕಾಶ ಅಬ್ಬಿಗೇರಿ ಗ್ರಾಪಂ ಸದಸ್ಯರಾದ ಜಯಲಕ್ಷ್ಮಿ ವಾಲ್ಮೀಕಿ, ರಮೇಶ ಕಡೆಮನಿ, ಗೀತಾ ಹಾಲವರ, ಸಾವಿತ್ರಿ ಪಾಟೀಲ, ಅಲ್ಲಾಭಕ್ಷಿ ನದಾಫ್‌, ಕೃಷ್ಣಾಜಿ ದೇಶಪಾಂಡೆ, ಚಂದ್ರು ಶಿಸ್ತಗಾರ, ಬಸವರಾಜ ಚೋರಗಸ್ತಿ, ಸಿದ್ದು ಡೊಳ್ಳಿನ, ಪ್ರವೀಣ ಬಡಿಗೇರ, ಕಿರಣ ಸಿದ್ದನಗೌಡ್ರ, ಹನಮಂತ ಬಾಳನಗೌಡ್ರ, ಪ್ರವೀಣ ಕಿರಟಗೇರಿ, ವೆಂಕಟೇಶ, ಕೆ.ಡಿ. ದೇಶಪಾಂಡೆ, ಮಾರುತಿ ಕಮತರ, ಮಲ್ಲಪ್ಪ ಬಟ್ಟೂರ ಮತ್ತಿತರರು ಉಪಸ್ಥಿತರಿದ್ದರು.