ಹೊಸಕೋಟೆ: ಅಸ್ಪೃಶ್ಯತೆ, ಜಾತಿ ತಾರತಮ್ಯದಿಂದ ದೂರವಾಗಿ ಸರ್ವ ಸಮಾನತೆಯಿಂದ ಬದುಕುವ ಹಕ್ಕನ್ನು ಬಿ.ಆರ್.ಅಂಬೇಡ್ಕರ್ ಸಂವಿಧಾನ ರಚನೆಯಲ್ಲಿ ಸರ್ವಧರ್ಮಕ್ಕೂ ಕಲ್ಪಿಸಿಕೊಟ್ಟಿದ್ದಾರೆ ಎಂದು ಜಿಪಂ ಮಾಜಿ ಸದಸ್ಯ ವೈಎಸ್ಎಂ. ಮಂಜುನಾಥ್ ತಿಳಿಸಿದರು.
ದಸಂಸ ಅಂಬೇಡ್ಕರ್ವಾದ ತಾಲೂಕು ಸಂಚಾಲಕ ಪಿ.ಎಂ.ಚಿನ್ನಸ್ವಾಮಿ ಮಾತನಾಡಿ, ಅಂಬೇಡ್ಕರ್ ಸಂವಿಧಾನ ರಚನೆ ಮಾಡಿದ್ದು ಕೇವಲ ದಲಿತರಿಗೆ ಮಾತ್ರವಲ್ಲ. ಬದಲಾಗಿ ಅವರು ಬರದಿರುವ ಸಂವಿಧಾನದಡಿ ಮೀಸಲಾತಿ ಪಡೆದು ಅನೇಕರು ವಿವಿಧ ಸೌಲಭ್ಯಗಳನ್ನು ಬಳಸಿಕೊಂಡಿದ್ದಾರೆ. ಆದ್ದರಿಂದ ಪ್ರತಿಯೊಬ್ಬರ ಮನೆಯಲ್ಲಿ ಅಂಬೇಡ್ಕರ್ ಭಾವಚಿತ್ರ ಇಡಬೇಕು. ಆಗ ಮಾತ್ರ ಅವರ ಸಂವಿಧಾನಕ್ಕೆ ಅರ್ಥ ಬರಲು ಸಾಧ್ಯ. ಅವರಿಗೂ ಗೌರವ ಸಲ್ಲಿಸಿದಂತಾಗುತ್ತದೆ ಎಂದರು.
ಈ ಸಂದರ್ಭದಲ್ಲಿ ಮುಖಂಡರಾದ ಕೆ.ನಾಗೇಶ್, ಪೊಲೀಸ್ ದೇವರಾಜು, ಸೋಲೂರು ಮುನಿರಾಜು, ರಮೇಶ್, ಶಿಕ್ಷಕ ಅಣ್ಣಯ್ಯಪ್ಪ, ಲೋಕೇಶ್, ಆನಂದ್, ಗೋಪಾಲಕೃಷ್ಣ, ಲಕ್ಷ್ಮಣ್, ಗ್ರಾಮಸ್ಥರಾದ ಮಂಜುನಾಥ್, ಮಂಜುಳಮ್ಮ, ವೆಂಕಟರಾಜು, ಡಿಎಟಿ ತಿಮ್ಮರಾಯಪ್ಪ, ಶಶಿಕುಮಾರ್, ಮುನಿರಾಜು, ಅಂಜನ್ ಕುಮಾರ್, ಚಂದ್ರು, ಮುರಳಿ, ಚಂದ್ರಕೀರ್ತಿ, ಆನಂದ್, ಮಂಜುನಾಥ್, ಅಜಯ್, ಸುರೇಶ್ ಹಾಜರಿದ್ದರು.ಫೋಟೋ: 17 ಹೆಚ್ಎಸ್ಕೆ 3