ಕಾಡುಪ್ರಾಣಿ ಬೇಟೆ ಆರೋಪ: ಆರೋಪಿಗೆ ನ್ಯಾಯಾಂಗ ಬಂಧನ

ನ್ಯಾಮತಿ: ತಾಲೂಕಿನ ಸಂರಕ್ಷಿತ ಅರಣ್ಯದಲ್ಲಿ ಕಾಡು ಪ್ರಾಣಿಗಳನ್ನು ಬೇಟೆಯಾಡಿದ ಆರೋಪದ ಮೇಲೆ ಅರಣ್ಯಾಧಿಕಾರಿಗಳು ಒಬ್ಬನನ್ನು ಬಂಧಿಸಿ, ನ್ಯಾಯಾಲಯಕ್ಕೆ ಒಪ್ಪಿಸಿದ್ದಾರೆ.

ಮೋಹನ್‌ ಆರೋಪಿ. ತಲೆತಪ್ಪಿಸಿಕೊಂಡ ಶಿವಕುಮಾರ, ದಿನೇಶ, ವಡೆವೇಲು ಎಂಬುವರ ಪತ್ತೆಗೆ ಕ್ರಮ ಕೈಗೊಳ್ಳಲಾಗಿದೆ.

ಆರೋಪಿಗಳೆಲ್ಲ ತಾಲೂಕಿನ ಚಿನ್ನಿಕಟ್ಟೆ ಗ್ರಾಮದವರಾಗಿದ್ದಾರೆ. ಬಂಧಿತ ಮೋಹನ್‌ನಿಂದ ಚುಕ್ಕಿ ಜಿಂಕೆ ಸುಲಿದ ಚರ್ಮ, ನಾಡ ಬಂದೂಕು, ಪಲ್ಸರ್‌ ಬೈಕ್‌ ಅಧಿಕಾರಿಗಳು ವಶಕ್ಕೆ ತೆಗೆದುಕೊಂಡಿದ್ದಾರೆ.

ಡಿಸಿಎಫ್‌ ಜಿ.ಆರ್‌. ಶಶಿಧರ್‌, ಎಸಿಎಫ್‌ ಭಾಗ್ಯಲಕ್ಷ್ಮೀ ಮಾರ್ಗದರ್ಶನದಲ್ಲಿ ನಡೆದ ಕಾರ್ಯಾಚರಣೆಯಲ್ಲಿ ಡಿಆರ್‌ಎಫ್‌ಒಗಳಾದ ಬರ್ಕತ್‌ ಅಲಿ, ಎಂ.ಬಿ. ಶಿವಯೋಗಿ, ಜಿ.ಜಿ.ಹಸೀನ್‌ ಬಾಷಾ, ಗಸ್ತು ಅರಣ್ಯ ಪಾಲಕರಾದ ನಾಗಲಿಂಗಪ್ಪ, ಅಂಜಲಿ, ಪ್ರಭಾಕರ, ಆಶಾ, ಸಿಬ್ಬಂದಿ ಎಂ.ಪಿ.ಬಸವರಾಜಪ್ಪ, ಪ್ರವೀಣ್‌, ಸುನೀಲ್‌, ಪ್ರದೀಪ, ರಮೇಶ, ಮೌನೇಶ ಇತರರಿದ್ದರು.